:: اقـتـصـادنـا ::

سوق دمشق تغلق تداولاتها على انخفاض بسيط في حجم التداول
2009-09-17


أغلقت سوق دمشق للاوراق المالية تداولاتها في جلسة اليوم الخميس على انخفاض في حجم التداول باقل من نصف مليون ليرة عن الجلسة الماضية التي سجلت اكثر من /13/ مليون ليرة.

وجرى تداول على ثماني شركات من اصل احدى عشرة شركة مدرجة في السوق بقيمة اجمالية /854ر214ر13/ ليرة من تنفيذ /85/ صفقة على /732ر14/ سهما مقابل /563ر763ر13/ ليرة من /109/ صفقات على /15536/ سهما في الجلسة الماضية.

وحافظ بنك سورية الدولي الاسلامي على الترتيب الاول من حيث قيم التداول بحصده النسبة العظمى من القيمة الاجمالية مسجلا /893ر687ر10/ ليرة من /49/ صفقة على /005ر12/ اسهم فيما سجل /534ر283ر10/ ليرة بواقع /64/ صفقة على /792ر11/ سهما في الجلسة الماضية.

وحل ثانيا بنك سورية والمهجر محققا /438ر114ر1/ ليرة من /15/ صفقة على /1004/ اسهم فيما سجل رقما اعلى في الجلسة الماضية بلغ /378ر909ر2/ ليرة من /34/ صفقة على /2691/ سهما.

وظلت قيم التداول للشركات الباقية دون المليون ليرة اذ لم يتجاوز التداول على اسهم الشركة المتحدة للتأمين حدود /158ر801/ ليرة من تسع صفقات على /941/ سهما وبنك بيمو السعودي الفرنسي /800ر242/ ليرة من ثلاث صفقات على مئتي سهم فيما سجلت المجموعة المتحدة للنشر والاعلان والتسويق ما قيمته /485ر190/ ليرة من خمس صفقات على /467/ سهما.

وتوقف التداول على اسهم بنك عودة سورية عند /430ر151/ ليرة من صفقتين على /95/ سهما والمصرف الدولي للتجارة والتمويل /110ر14/ ليرة من صفقة واحدة وعلى /10/ اسهم و الشركة الاهلية للنقل /540ر12/ ليرة من صفقة واحدة على عشرة اسهم. وبقيت ثلاث شركات خارج التداول الفعلي وهي البنك العربي سورية والشركة الاهلية لصناعة الزيوت النباتية والشركة الهندسية الزراعية للاستثمارات نماء.

وحققت أسهم بنك بيمو السعودي الفرنسي وبنك سورية والمهجر والمجموعة المتحدة للنشر والاعلان والتسويق والشركة المتحدة للتأمين وبنك سورية الدولي الاسلامي ارباحا متفاوتة فسجل سهم بنك بيمو ارتفاعا نسبته /93ر1/ بالمئة من قيمته فيما ربح سهم بنك سورية والمهجر بنسبة /78ر1/ بالمئة من قيمته وسجل سهم المجموعة المتحدة ارتفاعا نسبته /66ر1/ بالمئة من قيمته.

كما سجل سهم المتحدة للتأمين ربحا نسبته /34ر0/ بالمئة من قيمته فيما لم يتجاوز ربح سهم بنك سورية الدولي الاسلامي /14ر1/ بالمئة من قيمته رغم تحقيقه أعلى قيمة تداول في هذه الجلسة.

سانا

:scratch:
ولي حاسة حالي بفحص بس يالله بختبر معلوماتي الاقتصادي المحدودة (و اللي لازم نوسعها بهيك مواضيع) :oops:
هلأ بظن انو التداول هوي عملية البيع و الشراء اللي بتم على الاسهم اذا ما خاب ظني :oops:
و ممكن هي العملية بتتوقف على الطلب على الاسهم المطروحة , صح الحكي؟؟
قلتلكون بدكون تتحملوني لساتني اقتصادية باول الطريق و اذا ما صح :oops: الواحد ما بيتعلم غير بالتجربة

يسلموو اونك

هلق المعلومات مبين إنها كلها مفهومةبشكل عام ...
البنك الدولي كان محور الجلسة بنص الصفقات تقريباً و81%من الأسهم المتداولة .

فيما لم يتجاوز ربح سهم بنك سورية الدولي الاسلامي /14ر1/ بالمئة من قيمته

اشرحيلنا هالجملة فريند .. اذا المعلومات مفهومة

عذرا لول .. ببقى برد عليكي بس لبشوف ردود الاعضاء .. بس فريند .. استفزتني ..

أونك قلت مفهومة بشكل عام ...
هلق مبين إنو في مفارقة فبيمو يلي تم تداول بس 200سهم من خلال3صفقات حقق ربح أكتر من أسهم البنك الدولي يلي كان محور الجلسة ولهيك بعتقد إنو الأسهم يلي بتتعرض للكثير من الصفقات بتكون أرباحها متأرجحة ...
هلق شرح الجملة بالتفصيل يعني إنو خلال الصفقات 49 أعلى سعر وصل إليه سهم بنك سورية الإسلامي كان بنسبة 1.14%وأكيد مافي داعي لشرح معنى النسبة المئوية ويمكن هاد السعر ما وقف عندو السهم عند إنتهاء التداول لأنو يمكن طلع بنسبة 1.14% وبعدين إجت صفقات خفضت قيمة السهم .
هي الرد إنشاله يروقك أونك ...هلق ما بعرف قديش هالمعلمات دقيقة بس أنا باتظار النقد وفصفصة الرد لمتابع شرح الموضوع وإزالة الغموض .

حبة حبة ..
ما بكفي صرلي ساعتين عم جهزلك رد مشان الخلايا الجذعية ...!!!

nicelolo7 كتب:
ولي حاسة حالي بفحص بس يالله بختبر معلوماتي الاقتصادي المحدودة (و اللي لازم نوسعها بهيك مواضيع)
هلأ بظن انو التداول هوي عملية البيع و الشراء اللي بتم على الاسهم اذا ما خاب ظني
و ممكن هي العملية بتتوقف على الطلب على الاسهم المطروحة , صح الحكي؟؟
قلتلكون بدكون تتحملوني لساتني اقتصادية باول الطريق و اذا ما صح الواحد ما بيتعلم غير بالتجربة

يسلموو اونك

هاتي لنشوف .. شكلو ماحدا حيقدم هالامتحان غيرك ..
صح .. حكيك صح مية بالمية ..
التدوال بيع وشراء الاسهم المطروحة للبيع ..
ومجموع عمليات الشراء بآخر اليوم بتلك الجلسة كانت 12.5 مليون
وذاكرين عدد الاسهم المتدولة وعدد الصفقات وقيمة كل صفقة لكل شركة من الشركات المدرجة بالسوق
ومقارنينا بالجلسة الماضية

برافو عليكي لول .. مافي شي بخجل .. وكلنا لساتنا باول الطريق بهالمجال ..

THE FRIEND كتب:أونك قلت مفهومة بشكل عام ...
هلق مبين إنو في مفارقة فبيمو يلي تم تداول بس 200سهم من خلال3صفقات حقق ربح أكتر من أسهم البنك الدولي يلي كان محور الجلسة ولهيك بعتقد إنو الأسهم يلي بتتعرض للكثير من الصفقات بتكون أرباحها متأرجحة ...
هلق شرح الجملة بالتفصيل يعني إنو خلال الصفقات 49 أعلى سعر وصل إليه سهم بنك سورية الإسلامي كان بنسبة 1.14%وأكيد مافي داعي لشرح معنى النسبة المئوية ويمكن هاد السعر ما وقف عندو السهم عند إنتهاء التداول لأنو يمكن طلع بنسبة 1.14% وبعدين إجت صفقات خفضت قيمة السهم .
هي الرد إنشاله يروقك أونك ...هلق ما بعرف قديش هالمعلمات دقيقة بس أنا باتظار النقد وفصفصة الرد لمتابع شرح الموضوع وإزالة الغموض .

فصفصة الرد وازالة الغموض .. ههههههههه
والله عجبتني فصفصة ..

يا ستي .. حكيك .. انا مابعرف اذا غلط .. مابعرف انفيه .. وماني متأكد من حكي ..
لانو هالتفسير جايبو من عندي .. لذلك ..
سمعتينا وجهة نظرك وهلئ اسمعي وجهة نظري ..

نحنا بدنا نعرف الـ 1.14% منين اجت .. والبنك يلي عم نحكي عنو هوي مصرف سورية الدولي الاسلامي ..

والله العظيم قاعد عم احسب صرلي شي نص ساعة .. وبالاخير حذفت كل شي لانو الجواب ما طلع صح مية المية ..
بيطلع معي .. تقريبا 2% بدال الـ 1.14%

لذلك حذفت الطريقة ..

ONK كتب:

nicelolo7 كتب:
ولي حاسة حالي بفحص بس يالله بختبر معلوماتي الاقتصادي المحدودة (و اللي لازم نوسعها بهيك مواضيع)
هلأ بظن انو التداول هوي عملية البيع و الشراء اللي بتم على الاسهم اذا ما خاب ظني
و ممكن هي العملية بتتوقف على الطلب على الاسهم المطروحة , صح الحكي؟؟
قلتلكون بدكون تتحملوني لساتني اقتصادية باول الطريق و اذا ما صح الواحد ما بيتعلم غير بالتجربة

يسلموو اونك

هاتي لنشوف .. شكلو ماحدا حيقدم هالامتحان غيرك ..
صح .. حكيك صح مية بالمية ..
التدوال بيع وشراء الاسهم المطروحة للبيع ..
ومجموع عمليات الشراء بآخر اليوم بتلك الجلسة كانت 12.5 مليون
وذاكرين عدد الاسهم المتدولة وعدد الصفقات وقيمة كل صفقة لكل شركة من الشركات المدرجة بالسوق
ومقارنينا بالجلسة الماضية

برافو عليكي لول .. مافي شي بخجل .. وكلنا لساتنا باول الطريق بهالمجال ..

:) اي الحمد لله
شكرا اونك ع الرد

الأسد يصدر المرسوم رقم 50 الخاص بتعديل قانون هيئة الأوراق والأسواق المالية
2009-09-21


أصدر الرئيس بشار الأسد المرسوم التشريعي رقم 50 لعام 2009 القاضي بتعديل القانون رقم 22 الصادر بتاريخ 19/6/2005 والمتضمن إحداث هيئة الأوراق والأسواق المالية بحيث يحمي المرسوم المستثمرين في الشركات المساهمة ويحقق الشفافية ويمنح الهيئة صلاحيات فرض العقوبات بحق الشركات المخالفة.

ويفرض المرسوم غرامات مالية على مرتكبي المخالفات لا تقل عن مئة ألف ولا تزيد على مليون ل.س لصالح الهيئة بصفة تعويض على مرتكبي مخالفات أنظمة و تعليمات الهيئة أو عدم استجابة أي شخص أو جهة خاضعة لرقابة الهيئة وإشرافها.

كما يعاقب القانون بالحبس لمدة لا تقل عن ثلاثة أشهر ولا تزيد على ثلاث سنوات وبغرامة مالية كتعويض لصالح الهيئة لا تقل عن ثلاثمئة ألف ولا تزيد على ثلاثة ملايين لكل من ارتكب المخالفات.

وتضم قائمة المخالفات اعتماد تحاليل مالية مغرية تتعارض مع المركز المالي الحقيقي للشركة، عدم توزيع نشرة الإصدار المعتمدة من الهيئة على جمهور المستثمرين واستغلال شخص ما بحكم وظيفته أو مركزه لمعلومات داخلية أو سرية لتحقيق مكاسب مادية أو معنوية أو إفشاء هذه المعلومات، بث وتوزيع الشائعات أو إعطاء معلومات غير صحيحة ومضللة حول أية ورقة مالية.

كما تضم المخالفات تصديق مدقق الحسابات أو المحاسب على بيانات مالية غير صحيحة، بيع أوراق مالية أو التصرف بها دون تفويض خطي من مالكها أو دون وجود اتفاقية، بيع أوراق مالية دون نشرة إصدار معتمدة من قبل الهيئة، تقديم خدمات مالية أو استثمارية أو وساطة دون الحصول على ترخيص،خداع أو تدليس أو تلاعب يتعلق بنشاط إصدار أو تداول أو انتقال ملكية الأوراق المالية أو أية ممارسة محظورة أو تضليل إعلامي فيها يتعلق بالأنشطة والأعمال المرخص لها من قبل الهيئة. ‏

ويحظر المرسوم على أعضاء مجلس مفوضي الهيئة المتفرغين وموظفيها ممارسة أي مهنة أو عمل آخر بما في ذلك أن يشغلوا منصباً أو وظيفة في جهة حكومية أو في أية مؤسسة عامة أو خاصة ، كما يحظر على جميع أعضاء مجلس المفوّضين تقديم المشورة للشركات والمؤسسات الخاصة، ويخضع موظفو الهيئة لأحكام نظام موظفي الهيئة الصادر عن رئيس مجلس الوزراء .

وينص المرسوم على عقد اجتماع للمجلس بناءً على دعوة من رئيس المجلس أو بطلب من غالبية أعضائه مرة كل شهر على الأقل ويشترط لاعتبار الاجتماع قانونياً حضور غالبية أعضائه على أن يكون من بينهم رئيس المجلس أو نائب رئيس المجلس وتتخذ قرارات المجلس بغالبية عدد الأعضاء. ‏

ويشترط المرسوم على أن يكون للهيئة موازنة مستقلة بحيث تبدأ السنة المالية من اليوم الأول من شهر كانون الثاني وتنتهي في 31 من كانون الأول وتحتفظ الهيئة باحتياطي عام يعادل ضعف إجمالي نفقاتها المبينة في ميزانيتها السنوية السابقة يتم تكوينه من الفائض من مواردها بعد اقتطاع جميع النفقات الرأسمالية والجارية التي تحتاجها الهيئة والنسبة التي تحدد كحوافز لأعضاء المجلس والموظفين في الهيئة والنسبة التي يرى المجلس إمكانية تخصيصها للسوق على أن تؤول المبالغ الزائدة عن الاحتياطي إلى وزارة المالية. ‏

ويغطى العجز في ميزانية الهيئة من الاحتياطي العام وإذا لم يكف تغطي المالية العجز. ‏

نحنا بدنا نعرف الـ 1.14% منين اجت .. والبنك يلي عم نحكي عنو هوي مصرف سورية الدولي الاسلامي ..
هلق ما بعتقد إنو رح نقدر نعرف 1.14% من وين إجت لأنو هي أساساً تحددت من خلال العرض والطلب على الأسهم هيك باعتقادي لاأكتر وأقل ...وشو قصدك إنو البنك هو سوري الدولي الإسلامي بعتقد بالتداول ما في فرق إسلامي أو لأ ...والله أعلم
.والله العظيم قاعد عم احسب صرلي شي نص ساعة ...بصراحة ما تخليت على أي أساس عم تحسب

الأسد يصدر المرسوم رقم 50 الخاص بتعديل قانون هيئة الأوراق والأسواق المالية
2009-09-21
مشكور على الخبر وضروري تحديد العقوبات مم إنو هي المخافة بالذات حسيتها مو ظابطة بث وتوزيع الشائعات أو إعطاء معلومات غير صحيحة ومضللة حول أية ورقة مالية.لأنو مستحيل تخلو هي الأجواء من التوقعات والشائعات..
وباقي المعلومات كلها جديدة يسلموو...

THE FRIEND كتب:نحنا بدنا نعرف الـ 1.14% منين اجت .. والبنك يلي عم نحكي عنو هوي مصرف سورية الدولي الاسلامي ..
هلق ما بعتقد إنو رح نقدر نعرف 1.14% من وين إجت لأنو هي أساساً تحددت من خلال العرض والطلب على الأسهم هيك باعتقادي لاأكتر وأقل ...وشو قصدك إنو البنك هو سوري الدولي الإسلامي بعتقد بالتداول ما في فرق إسلامي أو لأ ...والله أعلم
.والله العظيم قاعد عم احسب صرلي شي نص ساعة ...بصراحة ما تخليت على أي أساس عم تحسب

بشان اول نقطة .. انا عم حدد اسم البنك .. لا اكتر ولا اقل .. يعني أكيد مافي فرق بالتداول بين بنك اسلامي وعادي ..
والمثير بهالنقطة ... تشبثك بوجهة نظرك ..
ايه .. لاتشبث انا كمان ..
ورح اذكرلك كيف حسبتون .. وانا متأكد انو حكي صح .. بس نسيان شغلة أو شغلة ما بعرفها تعدل نسبة الـ2% وتطالعها 1.14% وتصير دراستي كلها صح

الاساس يلي عم احسب عليه :
اذا قسمنا (اجمالي قيمة الصفقات باخر جلسة واللي هوي) 893ر687ر10 على( عدد الاسهم يلي انعملت عليا الصفقات باخر جلسة ) يلي هوي 005ر12
بيطلع الجواب يساوي 890.28 وهالرقم .. هوي قيمة السهم بالسوق
اما اذا قسمنا نفس المعطيات بس أخدناهون للجلسة قبل الاخيرة .. بكون معنا
534ر283ر10 تقسيم 792ر11 فبكون الجواب 872.07
منلاحظ انو في زيادة بين القيمتين للسهم بين الجلسة الاخيرة وقبل الاخيرة بمقدار ..
890.28 - 872.07 = 18.2 ليرة سورية
وبعمل حسابات المقارنة والنسبة والتناسب .. منلاقي انو الـ 18 ليرة بتشكل 2% من قيمة السهم عند قبل اخر جلسة واللي يعتبر على انه اساس للجلسة الاخيرة
وباعتقادي الشي اللي انا نسيانو .. هوي شوية مصاريف على السهم او رسوم أو .. تخفض قيمتو .. وبالتالي تخفض من ربح السهم الواحد ..
يعني ممكن الـ 2% تكون اجمالي ارتفاع قيمة السهم .. وبطرح المصاريف الخفية .. بيطلع معنا 1.14% هي الارباح الحقيقية ..

هلق أول شي بس قلي سعر السهم بالسوق قيمت يعني عند إغلاق السوق هيك قصدك ...

انو كل مرة بفوت عالمنتدى بلاقي ردود على هاد الموضوع ..

بطلع عالعنوان بلاقي " اقتصادنا "

ولا مرة فكرت اني فوت عليه

فخفت انو اتكونو عم تحكو عن اوضاعو الصحية لاقتصادنا

فطمنوني عنو ان شاء الله بخير والامور تمام !!

THE FRIEND كتب:هلق أول شي بس قلي سعر السهم بالسوق قيمت يعني عند إغلاق السوق هيك قصدك ...

قيمت ما بدك ..



ما بعرف ..
بعتقد .. يا بكون في سعر واحد للشراء .. يا بكون في سعر لكل صفقة ..
وممكن يكون قيمة السهم الاجمالية بعد نهاية التداول ..

هلئ المهم الفكرة شوفيلي ياها ؟؟

قيمت ما بدك .. يا سلام عليك
أنا بعتقد إنو بكون في سعر لكل صفقة ...ومنشان هيك سألت قبل ما قول إنو إذا كان في سعر لكل صفقة على حدا وكل صفقة بيدخل فيها عددمحدد من إجمالي الأسهم وبتعطي ربح محدد فما بصير نحدد قيمة السهم بهي الطريقة لأنو هيك إنت عم تقول إنو كل سهم حقق نفس الربح ...شو رأيك

ممكن ..
وبجوز .. وفقا لتفسيرك .. توخذ متوسطات كل شي بنهاية الجلسة .. وتحسب الارقام الوسطية ..

والله ما بعرف كيف بتحسب الأرقام بنهاية الجلسة بشكل دقيق بس بتوقع المتوسطات أزبط وإذا بدك تتأكد من طريقتك يمكن لازم نلاقي مصرف بجلستين متتاليتين ما قام بس بصفقة وحدة ولازم يكون محدد عدد الأسهم ونسبة الربح أو بدنا حدا مختص أكتر منا ...قولك يلي تخرجوا من الكلية بيفهموا بهيك أمور وبيعرفو الجواب..

با عتقادي .. المتوسطات هي الحل الامثل ..
وطبعا بدنا حدا يأكدلنا ..
وبالنسبة للخريجين .. ما بعتقد .. لانو هيك امور ما بتتدرس عنا .. وفي عالم مختصة بدرسها برا ..
معاهد او دروس خصوصية او ناس مختصة ومستشارين

معناتها رح ننتظر حدا يأكدلنا ...وكأنو رح نسكر النقاش مندون ما نوصل لحل نهائي ...بس مشكور كتير لأنو هي أول مرة بفكر بهالموضوع بطريقة جدية ومعمقة شوي وكنت بتمنى إنو البقية يشاركونا ...

شو بدنا نساوي ..
نجيبون غصب عنون ..
بس وحياتك ما بيتسكر .. وبدنا نعرف شو القصة .. وبدنا نجيب الجواب النهائي ..
انا من عندي حاسأل .. ما بعرف اذا استسلمتي ..!!
بس بدي جيب التفسير باذن الله

تسلم وشو هالحماس يلي عندك عنجد بشجع ...بتعرف شي مكتبة كتب اقتصادية إلكترونية ...

ليش عم تسأليني .. دوري ..
وللا الحماس لعالم وعالم !!! :cheers:

فوق ما تحمست وسألت...
دورت وقت بحث تمام كتير بس ما وصلت لشي كتير مهم ...ساعدني إذا بتعرف يلا منشان قلك مشكوووور