النتائج الامتحانية مابين توقعات الطلاب والنتيجة الفعلية (الصادمة)

من طرف **ابو الريان الحمصي** 26/07/11, 10:52 pm

في هذه الأيام وفي فترة الظهيرة يزداد عدد المتصفحين للمنتدى والسبب كما تعلمون هو النتائج الامتحانية .....
يسجل الطالب دخوله للمنتدى ويلقي إشعاع بصره الثاقب لأعلى الصفحة ليرى إن كانت إحدى المواد قد صدرت ,أم لا ....
قدماه ترجف وقلبه يخفق ومع ذلك يضغط على الرابط بكل ما يملك من قوة متبقية داخله لتحميل العلامات ......
وكما تعلمون لشدة سرعة الانترنت يحتاج الملف إلى أكثر من عشر دقائق ليكون بحوزتك .. يبدأ العد العكسي لتحميل الملف ومن الأكيد ستضعه في شريط المهام ومن ثم تقوم بالترويح عن نفسك إما بالتصفح أو إطفاء شاشة الكمبيوتر لتخفي خوفك ولكن قطرات العرق في وجهك ستكون الدالة على حالتك ......
ينتهي العد العكسي وتعرض الصورة أمامك لتبدأ بالتفتيش عن اسمك تنظر لعلامتك ومن ثم علامات وجهك ستدل على وضعك ربما البسمة , ربما الصدمة , ربما النكسة ......إلخ
من هنا أدعو جميع الطلاب أن تتحلوا بأعصاب باردة لاستقبال النتيجة وان تجعلوا دقائق الانتظار استغفار وإذا كانت علامتك ما مثل ما توقعت لا تحاول تشتم دكتور المادة وتذكر شو كنت كاتب وجملة (( حسبنا الله ونعم الوكيل )) بتساوي الدنيا وما حوت وحاول تجتهد بالأيام اللي بقيت للفحص الجاي .
أما إذا كنت متأكد من الشي اللي كاتبو والدكتور مخطأ بحقك اكيد ما مسمحلك تشتموا لكن سامحوا من شان تلائي حدي بالأيام يسامحك .
بتمنى من كل الطلاب التحلي بالصبر ولا تسيئوا الظن بالدكاترة لأنن بيعتبرونا مثل أخواتهن وما لحدا منن مصلحة أنو ينقص من علامتك أو يحملك المادة .

من طرف **أمير الاقتصاد** 27/07/11, 04:14 pm

نصائح حلوة..شكرا أخي زهير...معقووول كل هالتوتر بيصير بالطلاب ونحنا عم نحط العلامات؟؟

من طرف **SHinCHi** 27/07/11, 05:07 pm

اي والله يا أمير ..
وبضيف ع كلام زهير ...
بأني أنقل الواقع ..
... فمشان ترفه عن نفسك عبين ما تطلع النتائج .... بتصير تعمل إشيا ... بتخلي أي حدا يشوفك يقول "مجنون" .. فلذلك بذكاءك الخارق .. بتعمل حجر صحي على نفسك لمدة شي ساعة .. بتقعد بغرفتك وبتقفل الباب على حالك .. وبتسكر كل "خرم"بالغرفة ..
وبس تطلع النتيجة .... بترجع وبتكفي الحجر الصحي لأن الأمر بيكون استفحل ع الأخير وإذا طلعت ... بتكون خطر على القارة الآسيوية .. فلازم تقدر الوضع وتضل بغرتك وما تحكي إلا مع اللي متلك - يعني رفقاتك بالجامعة اللي طالعلهن مواد متلك وجانين متلك -

إذا كنت شب ... فبتصير "تخترع " مسبات جديدة ... بس مو ع الدكاتره طبعا رغم أنه البعض بيسب ع الدكاتره ولهدول الناس منوجهلن النصائح اللي زهير وجهلن ياها بس أنا عم احكي الواقع
وإذا كنت من مدمنين تويتر -خصوصا- نصيحتي الك ما تدخل ع حسابك أبدا أبدا ... لأن بالغالب إذا فتت وانت بهل حاله .. فأكيد رح تبات بفرع ....
أما إذا كنت من مدمنين فيس بوك ... ودخلت وانت بهل حالة .. نصيحتي .. تبلش تصلي بعد دخولك مباشرة ...

إذا كنت بنت ... بدك تسألي المختصين لأن ماجربت كون بنت ولا مرة !!!!!!!!!!!!!!!!!!!!!!!!!!!!!!!

من طرف **الفتى النبيل** 27/07/11, 05:23 pm

لي عودة

من طرف **Red*rose** 28/07/11, 10:45 pm

بس عفوا زملاء
زهير الشامي عثمان...SHinCHi
يعني مع إحترامي إلكم ولكلامكم

بس إنتو لساتكون سني أولى يعني لسا ما شفتو من الدكاترة شي

بس لتصيرو سني تاني أو تالتي إبقوا عطونا رأيكون بالدكاترة(ملائكة الرحمة) والعلامات والمواد وقانون الغاب اللي عم يحكمنا

يعني بالمختصــــر ...
( اسألونا نحنا سني تالتي ورابعة (نحنا المخضرمين
ويعطيكون العافي عالموضوع

ولا حدا يزعل مني

من طرف **‏§‏‎§2ALO2A** 28/07/11, 11:06 pm

أي أعصاب باردة وأي الصبر عم تحكي عنو..خصوصا وقت منكون حاملين شي مادة هون بنكون قمة رواااق ومن شدة رواقنا مابنشوف قدامنا وبنصير بس بدنا نتفشش بشي حدي..لاحول ولاقوة إلا بلله..مشكور أخي زهير

من طرف **king of the ring 2011** 29/07/11, 12:02 am

والله ها النصائح حلوة ومنيحة بس شو بدنا نعمل هادا الخوف شي مفروغ منو أخي زهير
مشكور ع النصائح
أن تتحلوا بأعصاب باردة

من طرف **سهل عزالدين** 29/07/11, 10:31 pm

والله يا أبو الزوز ذكرتني بواحد رفيقي وقت كان كاتب على اساس منيح وإذ بتطلع المادة معو راسبة أجيت أنا ناقشتو شو كتبت يا حبيبنا قعد يقلي وإذ كمان طلع كل شي كاتبو تقريبا خطأ
فكمان بضيف شغلة على حكيك أنو الواحد لازم يكون متأكد من الشي يلي كاتبو

ومشكور أخي زهير

من طرف **SHinCHi** 30/07/11, 12:27 am

Red*rose كتب:

بس عفوا زملاء
زهير الشامي عثمان...SHinCHi
يعني مع إحترامي إلكم ولكلامكم

بس إنتو لساتكون سني أولى يعني لسا ما شفتو من الدكاترة شي

بس لتصيرو سني تاني أو تالتي إبقوا عطونا رأيكون بالدكاترة(ملائكة الرحمة) والعلامات والمواد وقانون الغاب اللي عم يحكمنا

يعني بالمختصــــر ...
( اسألونا نحنا سني تالتي ورابعة (نحنا المخضرمين
ويعطيكون العافي عالموضوع

ولا حدا يزعل مني

اي شو نحنا جايين نزعل من بعض ...
بس قولتك معناها الخير لقدام !!!!!!!!!!!!!!!!!!!!!!

من طرف **Be Happy** 30/07/11, 01:27 am

Red*rose كتب:

بس عفوا زملاء
زهير الشامي عثمان...SHinCHi
يعني مع إحترامي إلكم ولكلامكم

بس إنتو لساتكون سني أولى يعني لسا ما شفتو من الدكاترة شي

بس لتصيرو سني تاني أو تالتي إبقوا عطونا رأيكون بالدكاترة(ملائكة الرحمة) والعلامات والمواد وقانون الغاب اللي عم يحكمنا

يعني بالمختصــــر ...
( اسألونا نحنا سني تالتي ورابعة (نحنا المخضرمين
ويعطيكون العافي عالموضوع

ولا حدا يزعل مني

النتائج الامتحانية مابين توقعات الطلاب والنتيجة الفعلية (الصادمة) 180724

حلو هالكلام ..

من طرف **M A N A R** 30/07/11, 05:44 pm

حسبي لله ونعم الوكيل

يسلمو

من طرف **NAPOLION MARMARITA** 30/07/11, 08:14 pm

لا انا طالب سنة تانية بصراحة هاد اكتر فصل درست في وقدمت 7 مواد رسبو 4 ونجحوا 3
وبحياتا ماصارت معي لسا 4مواد ترسب
بس رغم هالشي نحنا كطلان سنة تانية نانظلما الا بالاحصاء صراحة
وفي انكليزي2 قدمتا هالفصل للسنة الاولى كمان جايب 80علامة قواعد ونحنا دارسين لكتاب
بظن في دكاترة هيك وفي هيك
مشكور

من طرف **ابو الريان الحمصي** 06/08/11, 08:27 pm

كل شي شارك وكتب رأيوا منحترموا ومنحترم رأيوا بس ماتصير مشاكل

وبتمنى من المدير يعمل تصويت على الدكاترة بهل الشي

من طرف **sad eyes** 07/08/11, 06:13 pm

ولله مافي أصعب من إنو الشخص يفاجئ بعلامته ماده كان متأكد إنو كاتب فيها كتير منيح
والغريب إنو في كتير ناس أخدين علامات عاليه ليش انا دون عن الناس أخدت هيك علامه معؤول أنا ماعرفت حل ولله الأسئله كانت سهله كتير
بس مو طالع شي بالإيد عوضي على الله