ميثولوجيا سوريا

من طرف **سهل عزالدين** 22/09/11, 01:41 am

بعض المقولات التي تداول في سوريا
وهناك بعض الناس يصدقون هذا الكلام ويؤمنون بها.........
أترككم مع هذه المقولات:

إذا انكسرت كاسة بيقولوا: انكسر الشر
(تقولوا الشر مخلوق من الزجاج)

[size=25]* اذا مر حدا فوق الطفل ما بقا يطول

* قص الاظافر بالليل مو منيح
(لا تسألو ليش ما بعرف ولا حدا بيعرف بس مو منيح و خلص )

* رش المي فراق

* للي بيفوت على بيت جديد بيفوت معه
عرق اخضر و مقص و مصحف و يدخل بالرجل اليمين
(واللي بيعمل غير هيك يا ويلو )

* اذا اجت الكندرة فوق الكندرة يعني رايحين مشوار
(واذا اجت تحتها يعني راجعين من المشوار ؟؟!!)

* اذا زحف الولد او زقزقت العصافير معناها جاينا ضيوف

*اذا طنت ادنك اليمين حدا عم يحكي عنا بالمنيح
و اذا طنت اليسار معناها حدا عم يجيب سيرتنا بالعاطل
(واذا طنوا مع بعض معناتها طرشت عليك العوض )

* اذا كان في خناقة بيقولوا اقلبوا الصرامي لتحمى الخناقة

* اذا رفت عيني اليمين بيكون جاينا خبر طريف
واذا رفت عيني الشمال بيكون جاينا خبر مو منيح
(اما اذا رفوا سوى فأنت اكيد احول )

*إذا حكني كفي اليمين معناها بدي أقبض مصاري
و إذا حكني كفي اليسار معناها بدي أدفع مصاري
(اما اذا حكك شي تاني بقى فأنت اكيد جربان روح تحمم )

* و ما بصير الحمام بالليل
(طبعا شي بديهي لأن اكيد المي بتكون مقطوعة )

*و ما بينفع كب المي بالبلوعة بالليل
من غير التسمية بالله
والاستعاذة أولا
(يالطيف مشان ما يأذونا ولا نأذيهن)
بس عرفتوا مين هدول؟؟؟؟؟؟؟؟؟؟؟؟؟؟........... ولا انا !!!!

*واذا شفت مقص مفتوح لازم فورا تسكرو
( لانو المقص الفاتح تمو بيعمل خناق )

*وإذا عمل العصفور تحتو على الأواعي يعني جاييكون رزقة
(وما لازم تغسل ملابسك شي سنة وانت عم تستنى الرزق)

*و دلق القهوة رزقة كمان .......... جخو

*و شرب المي بعد القهوة قلة زوء
(حتى لو اتشردقت موت ولا تشرب مي )

* كمان يلي حامل بصبي بتتباشع واذا حامل ببنت بتحلا .......... واللي بتضل على حالا هي وحامل رح تجيب سعدان يعني !!!!

* وإذا الطفل قعد بالصينية وهي عالأرض بيرتعبوا لأنه
هاد الولد رح يضيع
(ويمكن يتشرد هاد اذا ما طلع حرامي كمان )

* و كمان إذا حدا صبلك شاي او قهوة وملى الفنجان كتير
بكون قلبوه مليان منك واذا صبها ناقصة هدا دليل
على انو هالشخص ناقص ......... بقا لاقيلا حل اذا بتلاقيلا

*واذا عندك ضيف اتقيل دم وبدك يروح من عندك على السريع شك دبووس او عدة دبابيس بأيد المقشة او اقرأ سورة الزلزلة
(بس اكيد في عالم اذا بتقرأ القرأن كله بيضلوا لزقة فلا تحاول)

*واذا خايف من عين اتصيبك جيب ورقة واكتب عليها
اسم الشخص الي خايف من عينو وغزها بالدبوس
وانت عم تقراء المعوذات وتقول من عين افلان و تنفخ...
وفي حل تاني انك تروح تشيل عيونه وبلا وجعة هالراس

*والي بيعدّ النجوم بيطلعلو تالولات بايدو
(بس اذا حسن يعدهم ما بيطلع شي )

*وبعد ما نخلص صلاة نطوي السجادة مشان
الشيطان ما يصلي عليها
(على أساس هو بيصلي يعني!!!)

من طرف **أسير الصمت** 22/09/11, 02:38 am

بس هيك شغلات بطلت ومحدا بامن فيا هلا الا القليل

مشكور سهل

من طرف **king of the ring 2011** 22/09/11, 02:44 am

مشكور سهل ع الموضوع

*وإذا عمل العصفور تحتو على الأواعي يعني جاييكون رزقة
(وما لازم تغسل ملابسك شي سنة وانت عم تستنى الرزق)

من طرف **سهل عزالدين** 22/09/11, 04:50 am

أسير الصمت كتب:بس هيك شغلات بطلت ومحدا بامن فيا هلا الا القليل

مشكور سهل

طبعا أغلب العالم ماعت تصدق هيك أمور بس يعني خطر على بالي هل الموضوع لآنو بالفعل شفت ناس بصدقوا هيك كلام وطبعا هني على ما أعتقد عدد قليل بس حبيت أعرف رأي الآعضاء

نورت أسير

king of the ring 2011 كتب:
مشكور سهل ع الموضوع

*وإذا عمل العصفور تحتو على الأواعي يعني جاييكون رزقة
(وما لازم تغسل ملابسك شي سنة وانت عم تستنى الرزق)

هلا كينغ نورت حبيبنا

من طرف **ابو الريان الحمصي** 22/09/11, 05:08 am

شكراً حبيبي سهل وأكيد هاي عادات وتقاليد ما فينا نغيرا... +++

من طرف **سهل عزالدين** 22/09/11, 05:57 am

روبن هود كتب:
شكراً حبيبي سهل وأكيد هاي عادات وتقاليد ما فينا نغيرا... +++

هلا والله بروبن مشكور على مرورك

من طرف **تقوى** 22/09/11, 04:34 pm

ههههههه بس هاي مو بسوريا بس نحنا بالجزائر عنا نفس الشي تماما
بس اكيد مع ازدياد وعي الاشخاص الايمان بهيك اشيا عم يقل
مشكور سهل موضوع طريف

من طرف **سهل عزالدين** 22/09/11, 08:09 pm

تقوى كتب:ههههههه بس هاي مو بسوريا بس نحنا بالجزائر عنا نفس الشي تماما
بس اكيد مع ازدياد وعي الاشخاص الايمان بهيك اشيا عم يقل
مشكور سهل موضوع طريف

اي منيح لكن يلي عندكون هيك شغلات كمان متل عنا

ومشكورة على مرورك الظريف

من طرف **أسير الصمت** 23/09/11, 02:19 am

طبعا أغلب العالم ماعت تصدق هيك أمور بس
يعني خطر على بالي هل الموضوع لآنو بالفعل شفت ناس بصدقوا هيك كلام وطبعا
هني على ما أعتقد عدد قليل بس حبيت أعرف رأي الآعضاء

موضوعك على عيني

واي موضوع بدك تنزلو اهلا وسهلا فيه

وانا ماعلقت ع الموضوع على انو قديم او جديد

الفكره مهما كانت جديده او قديمه في ناس بجوز ماتعرفا

انا بس كان قصدي قول في نسبه من المجتمع ما عاد تامن بهيك شغلات

وانت فهمت غلط

وشكرا الك مره تانيه

من طرف **سوريه** 23/09/11, 04:22 am

من طرف **سهل عزالدين** 23/09/11, 05:19 am

أسير الصمت كتب:

طبعا أغلب العالم ماعت تصدق هيك أمور بس
يعني خطر على بالي هل الموضوع لآنو بالفعل شفت ناس بصدقوا هيك كلام وطبعا
هني على ما أعتقد عدد قليل بس حبيت أعرف رأي الآعضاء

موضوعك على عيني

واي موضوع بدك تنزلو اهلا وسهلا فيه

وانا ماعلقت ع الموضوع على انو قديم او جديد

الفكره مهما كانت جديده او قديمه في ناس بجوز ماتعرفا

انا بس كان قصدي قول في نسبه من المجتمع ما عاد تامن بهيك شغلات

وانت فهمت غلط

وشكرا الك مره تانيه

تسلم عينك على راسي يا أسير
أ كيد معك حق ممكن في ناس مابتعرف هادي الفكرة وحكيك صح
أنا ما فهمتك غلط ,,,فهمت وتقبلت رأيك وأكيد لازم أتقبلوا
وصح في كتير عالم ما عت يصدقوا هاد الكلام بس أنا ردت أعرف أنو لسا في هيك ناس من يلي حوالينا بتصدق هيك كلام بس ما أكتر

ومية أهلا وسهلا بأسير ونورت الموضوع ميثولوجيا سوريا 493396

سوريه كتب:

أهلا بسوريه مشكورة على مرورك

من طرف **Be Nice** 24/09/11, 11:22 am

موضوع قاريتو من قبل بس ما بمل منو ميثولوجيا سوريا 882658

حلو كتير ميثولوجيا سوريا 180724

يسلمو سهل..

من طرف **الـمعـتز باللــــ?** 24/09/11, 07:49 pm

فعلا موضوع لايمل منه هيك ماشية بعروقنا هالعبارات ههه وحتى اوقات بدون قناعة بس خلص التصقت باذهاننا

مشكور عالموضوع الحلو

من طرف **سهل عزالدين** 25/09/11, 10:19 pm

Be Nice كتب:
موضوع قاريتو من قبل بس ما بمل منو
حلو كتير
يسلمو سهل..

متل ما قلتي موضوع ما بمل الواحد منو على حلاوة الجمل تبعيتوا
مشكورة بي نايس على مرورك

المعتز بالله كتب:
فعلا موضوع لايمل منه هيك ماشية بعروقنا هالعبارات ههه وحتى اوقات بدون قناعة بس خلص التصقت باذهاننا

مشكور عالموضوع الحلو

نحنا بالفعل ما منحس على حالنا اي واحد مننا بيصر معو شغلة فما بتلاقي غير طلع منو شي جملة من هل الجمل بس طبعا على حسب الموقف يلي صاير

مشكور على مرورك معتز

من طرف **RAGHEB** 25/09/11, 11:35 pm

حلو كتير

واذا بتحب هيك شغلات تفرج على مسلسل ابواب الخوف ههه

يعطيك العافية وتسلم الايادي

من طرف **سهل عزالدين** 26/09/11, 06:11 am

RAGHEB كتب:حلو كتير

واذا بتحب هيك شغلات تفرج على مسلسل ابواب الخوف ههه

يعطيك العافية وتسلم الايادي

هلا والله براغب

لاوالله مابعرفوا للمسلسل لآني ما بتابع كتير مسلسلات

الله يعافيك نورت أخي راغب

من طرف **Alaa-tk** 27/09/11, 11:58 pm

اناا هيك شغلات بقولا احيان بس اكيد ما بصدقا لان صدفة لحتى تصير هيك امور مع الشخص وفورا بطبقوا قاعدة بالحياة ..

من طرف **سهل عزالدين** 28/09/11, 04:09 am

Alaa-tk كتب:اناا هيك شغلات بقولا احيان بس اكيد ما بصدقا لان صدفة لحتى تصير هيك امور مع الشخص وفورا بطبقوا قاعدة بالحياة ..

مشكور أخي علاء على مرورك ونورت الموضوع

من طرف **‏§‏‎§2ALO2A** 28/09/11, 04:25 am

هههه الموضوع ظريف وحلو

مشكور سهل

من طرف **سهل عزالدين** 28/09/11, 04:57 am

‏§‏‎§2ALO2A كتب:هههه الموضوع ظريف وحلو

مشكور سهل

أهلا ومية سهلا نورتي الموضوع ألوءة

ميثولوجيا سوريا

ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا

رد: ميثولوجيا سوريا