مجموعة أسئلة للمتخرجين

slash كتب:مرحبا

ياريت اللي بيقرأ موضوعي يجاوبني على كل سؤال نظراً للأهمية

أنا تخرجت من الكلية حديثاً

بدي اسأل الشباب اللي اتخرجو كم سؤال:

1-شو عم يعملو دورات غير التوفيل والICDL

هلق بالنسبة إلي لأني مهتم بمجال الصيرفة الإسلامية بالذات عملت دورة محاسب مصرفي إسلامي معتمد عبر هيئة تدعى الأيوفي وهي أعلى هيئة تصدر المعايير الشرعية والمحاسبية في مجال الصيرفة الإسلامية وحتى المصرف المركزي عنا وبمعظم الدول يللي فيها مصارف إسلامية الزموا المصارف فيها بإتباع المعايير الصادرة عن الأيوفي
وبالنسبة لدورات تانية عندك CFA هي شهادة محلل مالي معتمد بس كلها بالانكليزي وفيها صعوبة شوي وتاكليفها كمان صعبة..بيدرسها معهد بالشام اسمه pdi ممكن تتواصل معه وتاخد معلومات أكتر عن هالشهادة وشهادات أخرى

2-ووين عم يتدربو من شان يكسبو خبرة وهل صار معاكم شهادات خبرة؟؟؟؟
مافيني جاوبك لأنو ما اقدرت لاقي تدريب لهلق

3-وبدي اسأل هل من الممكن انو نشتغل في بنوك في الخليج
ممكن...بس بدو يكون عندك مؤهلات عالية..اللغة أولها..المعلومات الاقتصادية والمعرفية آخرها

4-وهل مجال عملنا محصور في البنوك لما ممكن نشتغل في مجالات تانية
لاء ممكن تشتغل بأي مجال من مجالات الاقتصاد..وأنت وهمتك..وإذا بتاخد للمجال يللي بدك تتخصص فيه شهادات مهنية بيكون أفضل وأفضل

5-ولو اشتغلنا في مصرف أو شركة وساطة مالية هل المصرف هو اللي راح يتكفل بتدريبنا
هلق أي..بس المشكلة على أي أساس بدو يختارك المصرف..بدو يكون عندك مؤهلات جيدة مبدئيا لياخدك ويبدأ بتدريبك

6-وهل لو اشتغلنا في الخليج راح يتكفل المصرف مثلاً في الخليج في تدريبنا
ما بعرف بالضبط بس بظن متل سوريا أي