لحظة وداع

من طرف **hazar** 01/07/08, 06:31 am

فجاة....
يتسلل الالم والحزن إلى داخل إنسان....
يدق بابه من دون استئذان.....
يشعره بالضيق والاسى والحرمان....
مالذنب الذي أرتكبه في هذا الزمان....
هذا الذي يطرح في الأذهان...
وأصبح بين إنتمائه...وبين مستقبله ..حيران.
تساءل .تغرب.صبر.حزن.بكى وبكى إلى أن جف هذا الإنسان...
جفت قطرات الفرح من حياته كما يجف الندى من على الأغصان...
نظر من حوله ..لا أحد .فوقف وقفة ذهلان..
تمر لحظة ..واللحظة تنتظر أن ينفجر البركان...
لأنه حدث لهذا الإنسان ..مالم يكن بالحسبان...
ونادى شعاره.."كنت في غربة وطن أصبحت في غربة أوطان"
فعلا أنا هذا الإنسان..وكان أختياري..ولكنه كان أختيار سكران؟؟؟

حبيت شارك بهي الساحة بشغلة صغيرة بتمنى أنو تعجبكن بما أنا أول شي رح نزلو هون

من طرف **ONK** 01/07/08, 03:36 pm

هزار .. الله يعطيك العافي يا رب .. انا بطير عقلي بالكلام المسجوع .. فكيف اذا مسجوع و جميل ؟؟!!

من طرف **سيدرا** 01/07/08, 03:47 pm

حلوووووو كتيييييييير

ليش هذا الكلام الرائع حاسسستو عنك

تسلميلي يا رب ما بحب لحظات الوداع

انت بقلوبنا وبقلبي دائما

وشكرا

من طرف **LOoOLOo** 01/07/08, 04:54 pm

والله هالايام مواضيعك كلها وداع وفراق ولاتعطي قلبك لحدا مابيستاهل

كل مواضيعك صايرة بتوجع القلب

الله يبعد الحزن عنا وعنك والله يحققلك اللي ببالك يا رب

من طرف **TaBoUsH** 01/07/08, 06:54 pm

لك شو هيدا يا عمي

شفت مبارح الموضوع بالليل اول ما نزلتي قريت شوي فدمعت عيني

قلت لحالي خلص ما بدي اقرا قبل ما نام مشان ما اقلق بالليل وقلت خلص بكرى الضهر اول واحد رح رد عالخاطرة

بجي بلاقي نص الاعضاء معلقين عليها لكن الشي الحلو ما بيتخبى

هزارررررر جد رائعة ومكتوبة باحساس

يا صاحبة الاحاسيس

يشعره بالضيق والاسى والحرمان....
مالذنب الذي أرتكبه في هذا الزمان....

شو هيدا يا عمي ييييييي ما بقدر اعلق ئدام هيك كلمات

نزلينا الباقيات هزورة

:lol!:

من طرف **TaBoUsH** 01/07/08, 06:58 pm

ما حبيت احكي انو شو سبب هالحزن شنو هي خصوصياتك

بس عموما الله يبعد عنا الحزن ويجعل كل ايامك سعادة

والله انتي بتستاهلي كل خير

من طرف **hazar** 02/07/08, 06:26 am

والله خجلتوني ياجماعة

شكرا اونك كلك زوق والله
وسيدرا أهلا وسهلا فيكي
ولولو الله يسمع منك أمين ويبعد عن جميع العالم الحزن والفراق صعب كتير
ل مواضيعك صايرة بتوجع القلب
والله قلبي عم يوجعني ههههههههههههه عندك بندول

أما طبوش يعني والله عطيتني أكتر من حقي
أنت كمان بتستاهل كل خير الله يوفقك ويفق الجميع يارب

من طرف **Saleem** 02/07/08, 06:45 am

موضوع حلو
بس ليش مشان الله احكي
ليش هيك على طول شي متشائمة شي حزينة شي وداع ومدري شو جاية
مشان الله لما بشوف مواضيعك بحب روح على الزاوية وابكي
ما بصير كل هالشي رحمي صحتك
بدون زعل هزار ها أيوااااااااااااااااااا
بس مدري بحسك أوقات مزاجية وعلى طول زعلانة غلط هالشي
بس والله كلام حلو يا هزار
يسلمو كتير

من طرف **hazar** 02/07/08, 07:31 am

لك شبكن قمتو علي بالعالي كلن موضوعين واحد شرحت في شو قصدي
وهي خاطرة كتبتا عن لحظة فراق يعني انو مريت فيا
يحرق حريشكن شو الانسان مابحس انو اياما زعلان حزين بتمر عليه ظروف شوي قاسية يعني انا ماحكيت شي

وانا كلي تفااااااااااااااااااااااااااااااااااااااائل

انا بحترم رايك كتير بس انت مابتعرفني يعني غلطان انا برأي ماني مزاجية ولا شي بالعكس مزوحة ومرحة كتير
وشكرا الك على المرور

من طرف **hazar** 02/07/08, 07:33 am

ولا تفكر انو زعلت بالعكس اهلا وسهلا فيك بحب اخد انطباع الناس عني

يمكن يكون صح وبصلح هاد الشي فيني

من طرف **Saleem** 02/07/08, 07:37 am

أوكي أنا أسف
بعرف إنا خاطرة بس هيك حبيت إلك يمكن فضول مشان اعرف ردك
والله أسف هزار خانم

من طرف **Saleem** 02/07/08, 07:39 am

لأ ما زعلت
انتي يلي لازم تزعلي مو أنا

من طرف **hazar** 02/07/08, 07:43 am

لك ولو اهلا وسهلا مافي داعي تعتزر

مية السلامة على اولة الحموية

من طرف **Saleem** 02/07/08, 07:47 am

دخيلك ودخيل الحموية شو جايينا منا
بس والله يا هزار كان فضول أكتر من حكي جد يمكن تسرعت بالكتابة بس شو بعرفني هيك صار وأنا ما بخبي شي على العالم
صريح لأبعد الحدود
يكمن هي سلبية فيي أكتر من إيجابية

من طرف **TaBoUsH** 02/07/08, 07:50 am

hazar كتب:غلطان انا برأي ماني مزاجية ولا شي بالعكس مزوحة ومرحة كتير
وشكرا الك على المرور

اي اي كتيرررررررر مرحة

بس عصبية شوي

انا بشهد

دوزي

من طرف **hazar** 02/07/08, 07:56 am

TaBoUsH كتب:
hazar كتب:غلطان انا برأي ماني مزاجية ولا شي بالعكس مزوحة ومرحة كتير
وشكرا الك على المرور

اي اي كتيرررررررر مرحة

بس عصبية شوي

انا بشهد

دوزي

لك فضحتنا يازلمة دوز انت قد هالتلت روس اللي حاططن خوتوني رايحين جايين

قال انا عصبية قال شو هاد اليوم العالم نازلين كسح في

بعدين كأنو طلعنا عن موضوع الخاطرة

من طرف **TaBoUsH** 02/07/08, 08:06 am

خاطرة جميلة يسلمو ايديكي هزار

وفقكي الله

والى الامام

من طرف **hazar** 07/07/08, 05:19 am

شكرا طبوش افندي كلك زوق ورقة واحساس

ووفقق الله انت

من طرف **Heart old** 08/07/08, 12:55 am

لحظة الوداع صعبة كتير بس بتكون الاصعب اما بتكوني بتودعي شخص حبيتي من كل قلبك وبتحسي انو يمكن مرح تشوفي انتي حساسة كتير وهالشي حلو فيكي

من طرف **أمير الاقتصاد** 08/07/08, 03:12 am

جميلة هي الكلمات و الأحاسيس عندما تنبع من داخلنا
خاطرتك لا اقول أنها جيدة جدا
و لا اقول انها رديئة جدا

لكنها محاولة جيدة منك للتعبير عن احساس ما بداخلك

و آسف إن كنت قد قدرتها هكذا إلا أنني في الشعر و الخاطرة لا أجامل

تحيتي لك حاولي أن تكتبي و أن تريني ما تكتبين فلربما نتساعد و لربما تصبحين كاتبة في المستقبل الكبير نفتخر بها
و لكن لا تنسي مشروع الأطفال التي تعهدته

تحيتي لك
دمت بالق الشعر و جماله

من طرف **hazar** 08/07/08, 06:28 am

اهلا بزميل الشعبة شكرا على رأيك فيني وعلى مرورك اللطيف

شكرا أخ زاهر على اعطاء رأيك بخاطرتي بكل صراحة وانا لأحب المجاملة بالعكس
وبصراحة كنت منتظرة مرورك

طبعا مارح انسى طموحي

كلك زوق

من طرف **أعظم العاشقين** 09/07/08, 12:15 am

كلمة عند نطقها لانحس بمعناها وإنما نحس بمرارتها عندما تحين لحظة الوداع

التي دائما تمر علي وهي أقسى وأمر اللحظات التي أعيشها

مع أنها لحظة إلا أنني دائما أفكر في هذه اللحظة أكثر من ليلة لأتقبل الأمر وأهونه

على نفسي حتى لاأمرض أو أصاب بالإحباط الدائم التي تسببه لنا هذه اللحظة وغيرها

من اللحظات المؤلمة في حياتنا

نعم حتى أتقبل الحياة من جديد وأمارس حياتي بكل الوسائل الطبيعية

لحظة وداع 6075452541256004640