(الزواج العرفي)

من طرف **GOOD MAN** 17/04/09, 05:59 pm

تذكير بمساهمة فاتح الموضوع :

بسم الله الرحمن الرحيم

كثيرا من المحرمات نفعلها بعلمنا أو بدون قصد منا فى معظم الأحيان .

محرمات استهنا بها فانتشر الفساد بيننا وعم الخراب بيوت المسلمين..

وأننى لأجد أعظم هذه المحرمات ما يختص بالمرأة المسلمة

بأختى وأختك وأمي وأمك وزوجتى وزوجتك

تلك المحرمات التى ما كثيرا هدمت ما بنت ..

وأشعلت ما أطفئت وأظلمت ما أنارت ..

وأنا اليوم بصدد ذكرا بعض منها وأطلب مكنكم اخوانى نشرها

وتعليمها لك من أمكنك تعليمها له سواء ليقوم أو لتقوم بتعليمها

لغيره وغيرها وأرجو من الله أن يصل كلامي لكل نساء المسلمين.
قال رسول الله صلى الل عليه وسلم:

أيما امرأة نكحت بغير إذن وليها

فنكاحها باطل فنكاحها باطل فنكاحها باطل

من طرف **hunnie** 23/04/09, 11:34 pm

بدي اسأل سؤال مع أنو غبي شوي ...... انتو متأكدين أنو هاد الزواج عم يصير بسوريا؟ أنا هاي أول مرة بسمع في ... أنو بعرف أنو منتشر بمصر كتير بس ما بتخيل بحماة أو حمص رح تصير هيك قصص لأنو بحس أنو العالم في عندا رادع أخلاقي و ما رح يوصلو لهيك مرحلة ..... متل يللي عم يضحك عحالو اذا ما حدا معترف بالورقة :lol: :lol: :lol:

من طرف **GOOD MAN** 24/04/09, 12:50 am

طبعا موجود ونحن عم ناقش حالة عامة م
بس بسوريا نحن أنعم الله علينا بشغلة أنو المعاصي ترتكب بعيدعن الأنظار على مبدأ
إذا أرتكبتم المعاصي فاستتروا

من طرف **أمير الاقتصاد** 24/04/09, 10:06 am

هلق أخت hunnie وانا وكمان متفائل بمجتمعنا وما بظن أنو فيه زواج عرفي........
بس خلينا نحكي بصراحة......نحنا كطلاب....ما محتكين بالمجتمع بشكل كبيير عالأغلب.........

بس أنا لي بعض الرفاق يللي محتكين بناس كتيير أشكال الوان.....وبيحكولي انو بتصير حكايا.....طبعا انا بتفاجأ وحتى أحيانا بقنع نفسي أنو ما صدقهم رغم أنهم من أعز رفقاتي....وبقلهم حاج تبالغوا شو هالقصص ما بتصير عنا......

والأخ bad for life .....شي أكيد انو المعاصي تستتر "كل أمتي معافى إلا المجاهرون" وهي نعمة كبييرة علينا......
لكن وقت بيتم فضحها بالإعلام وبمحاضر الشرطة.....بتكون مصيبة.....

من طرف **GOOD MAN** 24/04/09, 03:57 pm

مشكور أمير وأنشا الله منكون وضحنا وجهة نظرنا

من طرف **ozon** 24/04/09, 10:45 pm

والله الا ما يلتقا
كنت اسمع سمعات
قول معقول عنا في هيك شي
طلع في كلشي

من طرف **GOOD MAN** 26/04/09, 05:14 pm

ياسيدي ما فينك تقول إلا الله يرحمنا

من طرف **ازهر الاوى** 26/04/09, 06:06 pm

وكل ما بتغرب عن وطنك العربي بتسمع اكتر
يا شباب نحنا عايشين بسوريا بالف نعمة ولك اقل شي لسة الجار بيعرف جارو
واللة ايام بسمع سمعات باوربا ما بتصير متل( الموضى اذا البنت ما لبست لبس يبين كلشي ال هي متخلفة و........الخ)
وكلشي باوربا مو منيح بيستعملو جزاييرين
والحمد للة

من طرف **أم مهند وسارة** 27/04/09, 12:45 am

إي و الله ، الله يرحمنا...
الحقيقة أنه الزواج العرفي موجود في مجتمعنا بصورة أقل من بقية المجتمعات العربية
و فعلا السبب رفض الأهل لزواج من وجهة نظرهم مو مقبول أو غير متكافئ... هلأ المشكلة لما بيكون الشب و البنت مقتنعين إنه حب من الدرجة الأولى و إنهم ح يموتوا بدون بعض و الأبيخ إنهم لازم يتزوجوا بأسرع وقت ممكن! هون بيبدأ التخبيص
أنا شخصيا تعرفت على أم إبنها بالجامعة ، حب زميلته و الأم مو مقتنعة ، يعني عيلة البنت و تربيتها... ما إلى ذلك، المهم السيدة قالت لي ما بدي إخسر إبني رحت و خطبتها، أهلها رفضوا و مرارا حاولت تقنعهم بأنو خلي أولادنا يقربوا من بعض و يتعرفوا على الفروقات اللي عم منحكي فيها، و هذا اللي صار. لما الأهل ما كانوا العائق شافوا الشب و البنت إنهم متربين ببيئتين مختلفتين تماما و أن إرتباطهم صعب و خلال سنة تركوا بعض بسلام
و الله عجبتني فكرتها و بتمنى ما إحتاجها مع إبني لما يكبر ;)

صدقوني رأي الأهل بالزواج مهم جدا و العائق المادي مؤقت الله كريم، لذلك الواحد أو الوحدة ما يستعجل بالمرة

الله يسعدكم و يجعل بيوتكم عامرة بالحب و الألفة و البركة

قولوا آمين

من طرف **أمير الاقتصاد** 27/04/09, 01:38 am

آآآآآآآآآآآآآآآآآآآآآآآآآآمييييييييييييييييين

فعلا قصة فيها عبرة......."خلي يتعلم من كيسو" أحسن شي..........بس هيك البنت صارت مطلقة....وبتعرفوا المطلقة في مجتمعنا...."هاد بدو موضوع تاني"

من طرف **ازهر الاوى** 27/04/09, 03:23 pm

اميييييييييييييييييييييييييييييييين ولائيل انشاللة

من طرف **GOOD MAN** 27/04/09, 04:41 pm

فعلا الواحد إذا ما جرب وغلط و أتعذب ما بيتعلم
أم مهند أمير الأقتصاد أزهر الاوى
مشكوريين

من طرف **أم مهند وسارة** 27/04/09, 08:55 pm

لا ما صارت مطلقة لأنو ما إنكتب كتاب، خطبة و قراية فاتحة بس و صدقني أحسن من زيجة مكرفته و طلاق محاكم و أولاد يضيعوا أو تعاسة بقية حياتها

مو هيك؟؟؟

من طرف **GOOD MAN** 28/04/09, 03:49 pm

والله معك حق

من طرف **Salam** 28/04/09, 06:31 pm

يعني اول شي مابظن الزواج العرفي منتشر بسوريا ..بس مابعرف ..
الحلال بين والحرام بين .. والرسول صلى الله عليه وسلم امر انو نبتعد عن الشبهات
بس برايي الزواج العرفي حرام بين .. وقبل مايكون حرام فهو خيانة للاهل وللعادات
حتى خيانة للمبادئ اللي تربينا عليها ..
ماظني حتى الاشخاص اللي فكرو يعملوه انهم بأيدوه ..
بس مامتل ماقال بادفورلايف بنعرف الغلط وبنعملو طيش شباب وعناد احيانا
بهالحالة يعني بحالة الشباب احسن شي الواحد يحط الله بين عيونو بكل علاقاتو
وصداقاتو وحتى مشاعرو وهيك مستحيل يغلط
وشكرا الك عالطرح الحلو ..