:: Universe Latest News ::

ممم
حلوة الفكرة
بما انو بيتعلق بكل شي بيحيط فينا و بالاحداث اللي بتصير حوالينا
ممكن يعني يكون اسمو : أخبار الكون
او ممكن بالانكليزي بيطلع احلى The news of the universe
يعني هيك برايي العنوان بدل على المضمون و ببساطة
و بالتوفيق ان شاء الله
يسلمو اونك

للعلم .. كلمة نيوز ..
بالانكليزي .. لا تعرف بالـ(the) ..

وشكرا للمرور .. ولاقتراح الموضوع .. وعسى تكوني من روادو .. ومتتبعي اخبارو ..

أونك مشكور على الموضوع وعلى أول خبر ...بالتوفيق.

ONK كتب:للعلم .. كلمة نيوز ..
بالانكليزي .. لا تعرف بالـ(the) ..

وشكرا للمرور .. ولاقتراح الموضوع .. وعسى تكوني من روادو .. ومتتبعي اخبارو ..

شكرا ع التصحيح :oops:
ان شاء الله

هلا فريند ..
نفس الحكي موجه لالك كمان ..
ما ترحبي وتضلي ماشية .. قلتي قبل انك بتحبي الفلك .. فرجينا بدعك تبقي ..


لول .. ولو .. يا ام الانكليزي ..

:oops:
صايرة عم :oops: عفس ما ؟؟
:oops: :oops: :oops:
عاد انا بحب كتير الانكليزي بيقوم هيك بيصير :shock:
و شكرا مرة تانية ع التصحيح
بطلت شارك بالانكليزي الصبح :lol!:
يسلمو

لا اصطدام محتملا بين عطارد والمريخ والزهرة والارض قبل ثلاثة مليارات سنة

أظهرت دراسة حول تطور النظام الشمسي نشرتها مجلة "نيتشر" البريطانية ان اي اصطدام بين كوكب عطارد او المريخ او الزهرة او الارض لن يحصل قبل ثلاثة مليارات سنة على الاقل والخطر يبقى محدودا جدا حتى خمسة مليارات سنة.

وبعد عملية محاكاة على جهاز كمبيوتر ل2501 سيناريو محتمل حول تطور مسار هذه الكواكب استنتج جاك لاسكار ومايكل غاستينو من مرصد باريس ان عطارد والمريخ والزهرة والارض ستواصل بنسبة 99% في الخمسة مليارات سنة المقبلة مسارها المنتظم حول الشمس، من دون ان تصطدم.
والشمس التي تكونت قبل خمسة مليارات سنة ستستمر بالاشعاع في شكلها الحالي لخمسة مليارات سنة اضافية قبل ان تتحول الى نجمة عملاقة حمراء وتتوسع لتشمل الارض وعطارد والمريخ والزهرة.

لكن بحلول ذلك الوقت هل ان الاصطدام بين كواكب مثل عطارد والمريخ والزهرة والارض محتمل? ؟؟

للرد على هذا السؤال قام جاك لاسكار وفريقه من معهد علم الكواكب بعمليات محاكاة لتطور النظام الشمسي اخذين بالاعتبار مساهمة القمر ونظرية النسبية العامة لالبرت اينشتاين.
وفي 1% من الحالات تقريبا تؤدي الحسابات الى اصطدام بين كواكب او بين كوكب والشمس على ما افاد المركز الوطني للبحث العلمي.
واضاف لاسكار "في احد السيناريوهات يمر المريخ على مسافة قريبة جدا من الارض" هي 794 كيلومترا بعد 34،3 مليارات سنة موضحا "عندما يمر على هذه المسافة القريبة جدا فهذا مشابه لعملية اصطدام". وقال ان هذا الامر سيكون كارثيا للحياة على الارض.

وليوضح الصورة اجرى الباحث 201 عملية محاكاة اخرى مع مسار معدل بشكل طفيف لكوكب المريخ في كل مرة.
وباستثناء خمس حالات يخرج فيها المريخ من النظام الشمسي فان كل الحالات الاخرى تؤدي الى اصطدام بين كواكب او احد الكواكب مع الشمس
بعد 34،3 او 44،3 مليارات سنة. وفي 29 من الحالات تصطدم الارض بالمريخ وفي 18 حالة بالزهرة وفي حالة واحدة بعطارد.


المصدر: وكالات

أونك أكيد رح تابع بس أنا بحب الفلك ...الفلك البسيط يلي منشوفو بالسما ...هاد الخبر عن اصطدام الشمس معقدشوي ...

لا معقد ولا شي .. بس شكلك نعسانة ..
القصة ومافيا .. انو الكواكب المذكورة .. الارض والزهرة وعطار والمريخ .. طلعت اشاعات انون حيصطدمو
وطلعو فريق العلماء وعملو دراسات .. وبرامج كمبيوتر محاكية للواقع ..
يعني صممو كون عالكمبيوتر .. بحاكي الكون الحقيقي .. بشكل مصغر
وأجرو دراسات وحطو سيناريوهات ومسارات مختلفة لهالكوكب .. لعلا وعسى بيصطدمو ..
بس 99% من هالمسارات .. كانت بتقول انو اقرب اصطدام هوي بعد 3 مليارات سنة وما حيكون اصطدام ..
مجرد اقتراب المريخ من القرض لمسافة الـ 700كم .. وهي بالحقيقة حسب التقرير .. متل الاصطدام ..

واذا كنا عايشين بهديك الايام .. بشرحلك اكتر واكتر ..

ان شاء الله تكون وصلت ..!!
اذا هاد الموضوع ما مشي حالو .. شلون ما تشوفي موضوع الخلايا الحذعية ..

واذا كنا عايشين بهديك الايام .. بشرحلك اكتر واكتر .. بتقدر تتخيل حالك بعد 3مليارات سنة

ان شاء الله تكون وصلت ..!! هلق الموضوع معقد مو يعني ما فهمتو ...أكيد وصلت بس على البطيء
اذا هاد الموضوع ما مشي حالو .. شلون ما تشوفي موضوع الخلايا الحذعية .. خلص هاد الموضوع ركض مو بس مشي ...
إذا كان قصدت الخلايا الجذعية فبانتظار الموضوع وسمعانة بهيك خلايا من قبل ...

اي بقدر اتخيل حالي بعد 3 مليارات سنة ........ أكبر ب 3 مليارات سنة ..
والحمد لله انك استوعبتي الموضوع ..
وبشان الخلايا الجذعية .. متأكدة انك ماقريتي اخر رد بالدراسات .. ولا قاريتيه .. وعم تماطلي

كما عودتنا أونك على أفكارك الجميلة... فكرة حلوة...أنا ما رح أشكرك...مشان ما تقلي شكرت ورحت...لأن لي عودة....

عليي ما عليي وانت بتعرف هالشي ويعني ما بدها الشغلة يمينات

ولا مسك شوارب لانو دخيل عينك انا لا جاي قاتل ولا حارب

المهم وبلا طول سيرة انا بعتني ابو عبدو المنئروطي لاقترحلك عناوين املاً ان تعجبك احداهم وتتبناها

مثلا :

جديد الكواكب .. ومديلات المراكب

أخبار الفضاء .. والنفوس المرضاء

اتعلم الفلك .. وهدية ئلك

راقب النجوم .. مع صحن توم

مع اونك الارصاد .. تفضل لعنا عاد

اذا ما عجبتك التشكيلة .. مجهزة قائمة تانية لعيناك

TaBoUsH كتب:


مع اونك الارصاد .. تفضل لعنا عاد

:wywy: :wywy: :D

ههههههههههههههههههه

هلا طبوش .. ينعن ديبك ..

بس جد .. لاقيلنا عنوان مقبل .. ماحلو شالفين الموضوع بلا عنوان ..



لول .. عالفاينة ..... جاهزة

الأربعاء المقبل أول أيام فصل الخريف فلكيا
2009-09-19


تشير الحسابات الفلكية إلى ان الاعتدال الخريفي لهذا العام سيكون يوم الأربعاء الموافق 23 أيلول الحالي ، حيث ستكون الشمس عامودية تماما على خط الاستواء في تمام الساعة "00" والدقيقة "20" بعد منتصف الليل بالتوقيت المحلي الصيفي (توقيت مكة المكرمة) ، وفي هذا اليوم ينتهي فصل الصيف الذي استمر لمدة 93 يوما وثلاثة أرباع اليوم ويبدأ فصل الخريف فلكيا كما يتساوى الليل والنهار على الكرة الأرضية.

وبعد الاعتدال الخريفي مباشرة تتحرك الشمس في حركتها الظاهرية في السماء نحو الجنوب ، وفي هذه الحالة يطول الليل ويقصر النهار ، كما تغيب الشمس عن القطب الشمالي ويسود الظلام لمدة ستة شهور متواصلة وتظهر الشمس في القطب الجنوبي ويستمر النهار لمدة ستة شهور متواصلة أيضا ، ثم تصبح الشمس عمودية تماما على مدار السرطان يوم 22 كانون الأول القادم وهو يوم الانقلاب الشتوي حيث يكون الليل أطول ما يمكن خلال العام والنهار اقصر ما يمكن ، وتبدأ أربعينية الشتاء وهي ابرد أيام السنة كلها.

هزة ارضية بقوة 5ر3 درجات جنوب شرق الحسكة
2009-09-21


وقعت هزة أرضية مساء أمس جنوب شرق الحسكة بحدود 20 كيلومترا بقوة 5ر3 درجات على مقياس ريختر دون أن تسفر عن أضرار بشرية أو مادية .

وأوضح المركز الوطني للزلازل في تقرير له أن الهزة وقعت عند الساعة 14ر23 بالتوقيت المحلي عند التقاء خط العرض 367ر36 مع خط الطول 84ر40 شرقا على عمق 11ر1 كم تحت سطح الأرض .


سانا

رواد الفضاء يعثرون على أول كوكب صخري خارج النظام الشمسي




قالت مجموعة تضم رواد فضاء أوروبيين إنها عثرت على أول كوكب صخري خارج المجموعة الشمسية.

ويمثل هذا الاكتشاف الذي تم من قبل فريق من علماء الفضاء الأوروبيين في مرصد جنوب أوروبا في جارشينج بألمانيا خطوة مهمة لأن هذه هي المرة الأولى - من بين أكثر من 300 كوكب تم اكتشافها خارج النظام الشمسي - لا يكون فيها الكوكب كبيراً أو غازياً.
وأطلق على هذا الكوكب اسم «كوروت - 7 بي» وله كثافة تماثل تلك الخاصة بالأرض.
ورغم أنه يشبه كوكب الأرض في العديد من النواحي إلا أن درجة حرارته المرتفعة تصعب الحياة على سطحه حسبما يقول رواد الفضاء.
كما أنه قريب من الشمس التي يدور حولها ويمكن أن تصل درجة الحرارة على سطحه إلى ألفي درجة مئوية خلال النهار و200 درجة تحت الصفر ليلاً حسبما قال ديدييه كويلوز العالم البارز في سويسرا. ويقع الكوكب على مسافة 500 سنة ضوئية من الأرض.





وكالات

ONK كتب:

:www: :www:
:oops:

يعني عرفتي شو القصة ..

اللي ما فهمتا عالفاينة :roll:
هي هيي القصة اللي عم تحكي عليها؟