النقد البناء للأعضاء

ONK كتب:أخي اسير .. هي امور .. بما انك صاحب الموضوع .. الك الحق الكامل بوضعا

يعني الشروط والكيفية والمدة الزمنية وطبيعة الاسئلة ومدة الاجابة عليها وكيفية انتقاء عضة تاني وعدد الاصوات اللازمة لنبلي شي عضو من الشباب ..
بانتظار اللائحة كاملة .. مشكور .. وبانتظار الانطلاقة الرسمية للموضوع ..

يبدو انو تم غض الطرف ..

يلا رح نبلش مع سيادة القاضي أوزون


تفضلوا للنقد

يعني يا جماعة أوزون رجل صادق وما بيكذب
 ومشاركاتو موضوعية و أراءه حلوة 
 
و طبعا هو شخص خفيف دم وما بيحب المشاكل

شو رأيكون

أنا معك مشاركاته وأراءه حلوة

بس مابعرف شي عن شخصيتة أي ولا مرة شفتو

بس أنا بتوقع أنوا شب كتير رايق وب يتمتع بأفكار وخيال واسع

وذلك من خلال كيفيت طرحه لمواضيعه ومساهماته

و بظن أنه حشري وعندو فضول ليعرف كلشي..

................. الخ

بتمنى مايزعل مني أو من الاعضاء

اذا هيك النقد انا موافق
نقدوا حبيباتي انقدو
انا مابزعل من حدا

ليش شو كنت مفكر النقد

هادا مدح .. ما نقد ..!!

بدي اعرف اديش معي فضا .. بشان حضر الانتقادات والاسئءلة .. ولا مافي اسئلة !!

انا برايي نعتمد الاسئله

وين تعليقي؟
شو هالنقد هاد اذا النقد عم ينحذف؟؟؟؟؟؟؟؟؟؟؟؟

امير النور كتب:وين تعليقي؟
شو هالنقد هاد اذا النقد عم ينحذف؟؟؟؟؟؟؟؟؟؟؟؟

ههههههههههه
معناها ما بناء نقدك ..
هات لنشوف .. انقد ببناءة ..

لا والله .. جد .. نزل الموضوع .. برأي النقد نقد ..
يعني .. كيف .. ويمن حيصنف النقد بناء او لاء ؟؟!!
النقد متل الدوا ولازم يكون موجود بحياتنا .. بس مو شديد ..
يعني بحدود الادب .. ودون قصد التجريح ..

فمثلا .. اذا بدي انقد اوزون .. ((لنشوف رح ينحذف الرد !!))
بيعلق على كل المواضيع .. وبيطلع عن محتوى المشاركة الاولى كتير

..
هالجملة .. ماقصدي فيا اجبحك .. وانتي قلبك كبير .. ورح يساعني .. بس
اذا بدنا نقعد نحكي بالحسنات .. ما صار اسمو نقد ..
مجرد ذكر الصفات التي لا تراها محببة او مقبولة او مبالغ فيها قليلا بالشخص .. نقد بحد ذاتو ..
وهيك بتمنى يكون الموضوع ..

اوزون ..
لا تفكر خلصت منك .. لسا عم حضرلك ليستت اسئلة .. و انتقادات

عن شو رح تكون الاسئلة
بشان ادرس شوي
لازم جهز حالي قبل الفحص

مافي داعي لتدرس لآن الاسئلة رح تكون نموذج امريكي

ههههههههههههههههههه

طيب سؤال ليش أنت حاطط أنو هوايتك الرسوب

لاني بعيد العنك
هالسنة رسبت بالتالتة
وناوي تابع عهالطريق
عجبتني الشغلة

خيو .. شكلو اسير .. مقاطعنا .. وما عم يفوت ..
بدنا نعرف اديش المهلة ..

ابو صطيف ..
بلا نقد .. واسف اذا زعجتك بردي الماضي .. اعتبارا من هالرد .. انا حوجه اسئلة للاعضاء ..
عذرا مرة تانية .. اذا اسأت فهمي ..

1-شو كان طموحك .. وميولك انتا وصغير ..
2-ندما على شي عملتو بحياتك .. واذا بينحكى .. ياريت تخبرنا ..
3-أيا أحلى فترة دراسية قضيتا بيحاتك ..
4-ايا أحلى سنة بالجامعة ..
5-شو كان شعورك لما تلقيت خبر رسوبك .. واحكي كلمتين لباقي الشباب .. بشان نهتم أكتر واكتر .. ونتجنب الرسوب باذن الله ..
6-شو عندك نشاطات بحمص ..
7-حاسس حالك مرتاح بمنصب القاضي ولا ناقصك صلاحيات ..
8-رشح عضو يستلم القضاء بعدك ..
9-عضو .. بس شفت ردو .. بتفوت عالموضوع .. وعضو بس شفت ردو .. بتقول .. خير اللهم اجعلو خير
10-رضيان كيف قضيت صيفيتك .. وشو مشاريعك هالسنة على اعتبار مارح تداوم ..

أخي وصديقي اوزون .. ما خلصت اسئلة .. وكل ما طلع براسي سوال .. بدي اسألك يا ..
وياريت تاخدنا بحلمك .. يا ابو قلب كبير ..

يلا اوزون جاوب جاوب

انا عندي سؤال صغير

ليش بترد على الموضوع قبل ماتقراه
قصدي هيك يعني بطش ردودك طش....

شو رايكم نقلب الموضوع لعبة الصراحة

ههههههههههه

1-شو كان طموحك .. وميولك انتا وصغير ..

اني صير مهندس
2-ندما على شي عملتو بحياتك .. واذا بينحكى .. ياريت تخبرنا ..
ما بعمل شي وبندم عليه الحمد لله
3-أيا أحلى فترة دراسية قضيتا بيحاتك ..
الثانوية
كانت فترة للعب والضحك والتخويت
4-ايا أحلى سنة بالجامعة ..
السنة التالتة
كنت بايعة

5-شو كان شعورك لما تلقيت خبر رسوبك .. واحكي كلمتين لباقي الشباب .. بشان نهتم أكتر واكتر .. ونتجنب الرسوب باذن الله ..
انا كنت متوقع اترفع
لوقت يلي طلعت اللغة
حست كان حدا ضربني 600 كف
وضليت فكر كتير
بس بعدين قلت عادي
شغلة وصارت
ويلي بدو يتجنب الرسوب
ما الو الا يدرس
وخصوصا بالسنة التالتة
بدو يبذل الجهد ضعفين
باقي السنوات
نصيب
6-شو عندك نشاطات بحمص ..
عم انزل كل يوم عالجامعة بكير
هاي من اهم النشاطات
والمسا عم روح مع الشباب
بلعب شدة

7-حاسس حالك مرتاح بمنصب القاضي ولا ناقصك صلاحيات ..

ناقصني كتير صلاحيات
ما عطوني شي
من يلي كان بدي ياه
8-رشح عضو يستلم القضاء بعدك ..
بلاك ايند
9-عضو .. بس شفت ردو .. بتفوت عالموضوع .. وعضو بس شفت ردو .. بتقول .. خير اللهم اجعلو خير

بتابع كل الردود
وبفوت عكل المواضيع
وعضو بس شفت ردو بقول خير اللهم اجعلو خير
الظل الحزين
10-رضيان كيف قضيت صيفيتك .. وشو مشاريعك هالسنة على اعتبار مارح تداوم ..
والله صيفيتي ما رضيان عنا بنوب
قضيتا نوم وروحات

وما عملنا شي بفيد
ومشاريعي
الاحد القادم رح بلش بدورة بمهعد العالي للغات
بكلية العمارة
وعم فكر بلش بهالمواد

أخي وصديقي اوزون .. ما خلصت اسئلة .. وكل ما طلع براسي سوال .. بدي اسألك يا ..
وياريت تاخدنا بحلمك .. يا ابو قلب كبير


اسأل قد ما بدك
وشو ما بدك انا جاهز

hero كتب:يلا اوزون جاوب جاوب

انا عندي سؤال صغير

ليش بترد على الموضوع قبل ماتقراه
قصدي هيك يعني بطش ردودك طش....

شو رايكم نقلب الموضوع لعبة الصراحة

ههههههههههه

باخد الزبدة من الموضوع
اذا موضوع تلات ربع صفحات
شو بدي اقعد اقرا فيه
كتبي ما بقراهن
وبعدين شو بدك احسن من الطش
وبعدين لازم بكل موضوع
طشلي كم رد
بشان العين

ONK كتب:خيو .. شكلو اسير .. مقاطعنا .. وما عم يفوت ..
بدنا نعرف اديش المهلة ..

لا والله أنا مالي غنا عنكم
بس والله كنت مشغول شوي
بس أن شاء الله رح تابع معكم حتى النهاية

والله أوزون مافي منو....وصراحة..معظم إجاباته أنا كنت بعرفها...بحكم علاقتي فيه....صرت أعرف شو ممكن يجاوب أوزون على هيك أسئلة....

يللا انتظر ليستة الأسئلة مني أوزون.....وجهز حالك..."يمكن فوت وغوص بصماصيم قلبك"

شو الموضوع أنتقل من النقد للأستجواب شو ها لأسئلة
أوزون
الله يعينك ..والله لتكيف

أمير الاقتصاد كتب:والله أوزون مافي منو....وصراحة..معظم إجاباته أنا كنت بعرفها...بحكم علاقتي فيه....صرت أعرف شو ممكن يجاوب أوزون على هيك أسئلة....

يللا انتظر ليستة الأسئلة مني أوزون.....وجهز حالك..."يمكن فوت وغوص بصماصيم قلبك"

غوص وخود راحتك

بس بلا اسئلة محرجة

واذا شغلات بتعرفا ما في داعي تسال عنا

اكيد فهمت عليي

اميرو خليك حباب

المهلة رح تكون بعد التحديث يعني يوم السبت إذا تم التحديث

وبعدين عالمشناة

اي ..
شفتو انو ما بيلبقلنا ..
لا حدا فات سأل .. ولا حدا رشح واحد تاني ..