أسأل نفسك بكل صدق ... هل أنا طالب إقتصاد؟!

من طرف **Hamadah** 20/04/10, 01:21 am

رح شيل الفصحى ع جنب و أحكي بالعامية شوي

لا شك أنو منتدانا عم يطور و يتقدم يوم بعد يوم و لا شك أنو هاد الشي عم يتم بجهود الكل دون أستثناء
بس في شي بغص بالقلب لما الواحد بيفوت ع منتدانا و بشوف أنو أقل الساحات زيارة هيي الساحات الإقتصادية
طيب خلينا نسأل حالنا ليش ؟
أنا لاحظت أنو أغلب الأعضاء مقرن الأول هوي نادي الترفيه طبعا أنا مابلومن و لا بحكي شي علين
بس في عتب صغير أنو ليش نحنا مامنفوت ع ساحاتنا الإقتصادية و منغعلها و مننعشها بمواضيعنا و أفكارنا و أمنياتنا الإقتصادية
طيب بلا مانحط مواضيع عالأقل نفوت نقرأ شي موضوع شي خبر عن سوق دمشق شي خبر عن إقتصادنا انو نقول شكرا بس ليلي عم يجمع المعلومات
طبعا انا مابطلب حدا يشكرني لانو انا وقت بحط موضوع بكون انا فدت حالي و حابب انقل الفائدة

الحمد الله مسابقة المصطلحات صار فيها مشاركة فعالة

خلونا ننقل هالمشاركة ع باقي الأقسام بالساحة الإقتصادية
و أكيد ماحدا مننا خسران

خلونا أيد و حدة و نفوت كلنا ع الساحات الإقتصادية و ننعشها لنثبت أننا طلاب أقتصاد
خلو وجهتنا الساحة الإقتصادية قبل الترفيه و قبل الساحة العامة و قبل الطبيق و قبل الرياضية
مع إحترامي لكل المواضيع بكل الساحات
بس خلونا نحس حالنا طلاب إقتصاد و نشتغل كلنا سوا و نطور مهاراتنا و معلوماتنا قبل منتدانا لان الفائدة بتجي ع الفرد و بعدا ع الجماعة
بتمنى الكل بعد مايقرأ هالعلاك كلو أنو يعبرنا و يمر ع الساحة الإقتصادية
بس يشوفا ... يتصفحا مو أكتر
و بالنهاية دمتم و دام إقتصاد الوطن و دمتم إقتصاديين للوطن

من طرف **ONK** 20/04/10, 03:23 am

نداء .. برسم الأعضاء

شكرا محمد .. على كل شيء ..

من طرف **LOoOLOo** 20/04/10, 03:55 am

بالنسبة الي بدخل بكتب مشاركتين وبطلع

بس خلص بالصيف وعد اني رح حاول شارك بالمسابقات

اما المواضيع في شي بقراه ومابفهمو لذلك مابرد

وفي شي مابحاول اقراه لأنو كتبي ماعم اقراها

وبالنهاية شكرا الكن ..

من طرف **THE FRIEND** 20/04/10, 04:24 am

مشكور حمادة على المبادرة وانشاله يكون إلها أثر ايجابي على الساحات الاقتصادية....

من طرف **نغم الأحزان** 20/04/10, 10:46 am

صراحة كلامك مزبوط لأن أغلب الأعضاء و أنا منهم ما عم لحق محاضراتي لحتى أدخل بمواضيع إقتصادية معقدة لكن بالإمكان مناقشة مقرراتنا الجامعية التخصصية وهيك بتصير الفائدة تنتين

من طرف **الـمعـتز باللــــ?** 20/04/10, 03:56 pm

من طرف **b a s e m** 20/04/10, 06:46 pm

هاي بدا سؤال

من طرف **Hamadah** 20/04/10, 09:15 pm

ONK كتب:نداء .. برسم الأعضاء

شكرا محمد .. على كل شيء ..

لا شكر على واجب

LOoOLOo كتب:بالنسبة الي بدخل بكتب مشاركتين وبطلع

بس خلص بالصيف وعد اني رح حاول شارك بالمسابقات

اما المواضيع في شي بقراه ومابفهمو لذلك مابرد

وفي شي مابحاول اقراه لأنو كتبي ماعم اقراها

وبالنهاية شكرا الكن ..

طيب خلي هالمشاركتين بالساحة الإقتصادية مو خسرانة شي
THE FRIEND كتب:مشكور حمادة على المبادرة وانشاله يكون إلها أثر ايجابي على الساحات الاقتصادية....

هلا فريند بتمنى يصير هالشي
نغم الأحزان كتب:صراحة كلامك مزبوط لأن أغلب الأعضاء و أنا منهم ما عم لحق محاضراتي لحتى أدخل بمواضيع إقتصادية معقدة لكن بالإمكان مناقشة مقرراتنا الجامعية التخصصية وهيك بتصير الفائدة تنتين

أنو شرحلي شو يعني معقدة بالنسبة الك انو اذا نزلنا خبر عن وسوق دمشق بكون شي معقد موق استيعاب البشر مثلا؟ او انو تعريف الاسهم شي اختراع عظيم ؟
بعدين مامنقدر نحط موضوع عن كتاب الاحصاء مثلا لانو المشاركة رح تنحصر بالسنة التانية فقط و قليل مايفوت حدا من باقي السنين فالفكرة مو منطقية بعدين المواضيع يلي عم تنزل مواضيع عامة بتهم الكل مشكور ع المرور

أمير النور كتب:

pipo408 كتب:هاي بدا سؤال

طبعا بدا سؤال

طيب اذا هاي مابدا شوهوي يلي بدو سؤال ؟

من طرف **كرماوي أصيل** 21/04/10, 12:10 pm

السلام عليكم ورحمة الله وبركاته........
أنا برأي أنو ما المهم طلاب كلية الإقتصاد يشاركوا بالمنتدى أو بالمسابقات يلي هون......
بعتقد إنو لازم كل طالب من طلاب الكلية يفوت بالحياة العملية ويتابع أخبار الإقتصاد وأخبار الشركات ويحضر محاضرات لحتى يفهم شو يعني إقتصاد.....
في كتير من الطلاب يلي بالكلية مفكرين حالن فايتين كلية عادية أو كلية متل هالكليات التاني مالها مستقبل !!!!!!!!!!!
الحمد لله رب العالمين فرعنا جديد والحمد لله رب العالمين أنو بلدنا هلأ منفتحا على الإقتصاد والحمد لله إنو إقتصاد إميركا واقتصاد اسرائيل إلى زوال....
لهيك ياشباب لازم كل واحد فينا يعرف حالو أنو فايت على كلية اقتصاد مانو فايت على تسلاي أو حتى يقطع وقت مع الزملاء والزميلات....
كليتنا بدها رجالها والجامعة بدها رجالها ويلي شايف حالو مانو مستاهل هالمكان يلي آعد فيه.... الأحسن ينسحب منو ويترك مجال لإنسان تاني يمكن يكون عم يبكي دم كرمال علامة راحت عليه بالباكالوريا وراحت عليه كلية الإقتصاد....
بعتذر علإطالة.... بس بتمنى يلي يقرا هالكلام يفهمو بألبوا وبعئلوا.....
والله من وراء القصد..... والسلام عليكم ورحمة الله وبركاته

من طرف **Hamadah** 21/04/10, 07:42 pm

اخي الكريم انا معك انو فرعنا حلو بس انا عم احكي ع واقع المنتدى هون مو ع الحياة العملية انو خلي وجهتنا الاولى هيي الساحات الاقتصادية و لو قراءة بلا مشاركة
مشكور ع رأيك غالي

من طرف **water lily** 21/04/10, 09:40 pm

مشكور حمادة ع هاللفتة الحلوة منك

وعلى جهودك بالمنتدى كمان

بس انا بتوقع انو هلاء الأعضاء كل واحد ملتهي بدراستو

يعني بفوت عالمنتدى ع السريع

يا دوب يقرا كم موضوع ويلعب شوي ويطلع

بتوقع بالصيف رح تكون الفعالية أكبر بكتير من هلئ

وعنجد صار لازم نحس أنو نحن طلاب اقتصاد

ومشكور حمادة مرة تانية

من طرف **Hamadah** 21/04/10, 09:49 pm

water_lily كتب:
مشكور حمادة ع هاللفتة الحلوة منك
وعلى جهودك بالمنتدى كمان
بس انا بتوقع انو هلاء الأعضاء كل واحد ملتهي بدراستو
يعني بفوت عالمنتدى ع السريع
يا دوب يقرا كم موضوع ويلعب شوي ويطلع

بتوقع بالصيف رح تكون الفعالية أكبر بكتير من هلئ

وعنجد صار لازم نحس أنو نحن طلاب اقتصاد
ومشكور حمادة مرة تانية

هلا ليلي لاشكر على واجب

بس انو طيب عم نقعد ع المنتدى شي نص ساعة مثلا
طيب خلينا نخلي منهن 5 دقايق للساحة الاقتصادية انو نزيد ثقافتنا شوي و لو بشغلات اكبر من سنتنا ب بالهاية وقت رح نواجه سؤال بالحياة ماحدا رح يسأل انت ايا سنة رح يقول انك طالب او طالبة اقتصاد و بيطالبك بالجواب

لهيك خلينا ننعش الساحة الإقتصادية كلنا سوا من هلئ و مانأجل شي لبكرا

من طرف **Be Happy** 23/04/10, 06:43 pm

رائع محمد
مشكور...
بدا طولة بال

من طرف **Hamadah** 27/04/10, 05:51 pm

النا مطولين بالنا كتييير صار بدها سكويز قصدي حركة

من طرف **ozon** 05/05/10, 12:04 am

سؤالك بدو صفني

مشكلتي ما الي
مراق للقراءة
الرياضية بقراها بالغصب
هوي لازم نقرا
بس........

من طرف **Hamadah** 06/05/10, 09:31 pm

يا اخي قرا و شارك مو ناقصنا شي الحمد الله كلنا النا عيون

شارق و طور ماتتفرج وبس

من طرف **ozon** 07/05/10, 06:23 am

الك عليي اذا مناخد
الدوري لاقرا وشارك

وحطلك مواضيع اقتصادية

وقاطع قسم الترفيه لمدة شهر
بس ناخد الدوري

من طرف **Hamadah** 07/05/10, 06:17 pm

معناها شاركت

من طرف **ozon** 07/05/10, 10:57 pm

راح الدوري

معناها شاركت
على قولتك

من طرف **سيدرا** 24/05/10, 07:35 am

معك حق...

ضروري كتييير...

انا يمكن ما بفوت الا نادرا ...

من يوم ورايح بدي فوت دوم...

ومن هلأ...

تشكرات..

من طرف **Hamadah** 26/05/10, 05:52 am

مشكورة سيدرا ع تلبية النداء و بتمنى نشوف لمساتك ع الساعة الاقتصادية

من طرف **Ayham_SN** 01/06/10, 06:00 am

لالا انا بدرس هندسة اتصالات :lol:

من طرف **Hamadah** 01/06/10, 07:52 pm

طيب اهلا وسهلا فيك بس انا عم حاكي الاقتصاديين

من طرف **NAPOLION MARMARITA** 09/07/10, 08:13 am

سؤال صعب بس واقع وقنا في ولازم نتحملو

من طرف **Hamadah** 10/07/10, 12:27 pm

واقع شو يازلمي
اذا هيك لازم يصير اسمنا منتدى الترفيه عن طلاب الاقتصاد

أسأل نفسك بكل صدق ... هل أنا طالب إقتصاد؟!

أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

مزبوط كلامك

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!

رد: أسأل نفسك بكل صدق ... هل أنا طالب إقتصاد؟!