ليش صعب الاعتذار والمصارحة ليش!!!!!!!!!!!!!!!!

من طرف **M A N A R** 02/10/10, 08:53 pm

اتركم مع هذا الكلام

أعمارنا ... هي أيامنا ...

وأيامنا حملت بين طياتها النقيض

فرح وحزن ... ألم وأمل ...
حب وكره ... رضى وغضب ...

دمعة وبسمة ...

لحظات سطرتها مواقف ...
لتبقى ذكرى على صفحاتنا ...

أيامنا ... تعاملنا معها بقلوبنا وعقولنا ...
وعشناها بمشاعرنا ....

ماأروع العيش بمشاعرنا ..
لكن الأروع تقدير مشاعر من حولنا

تمر علينا مواقف ...
نكتشف بأننا اخطأنا التصرف ...

فجرحنا مشاعرهم ...

لكن

عندما نخطيء ...
لانبادربالبحث عن أسلوب للإعتذار ...

بل نبحث عن أعذار لاخطاءنا ...

لنبرر لأنفسنا ولمن حولنا
بأننا لايجب علينا أن نعتذر ...
وكأن الإعتذار يفقدنا شيء من قدرنا ...

ماأسهل أن نخطيء بحق الأخرين ...
وماأسهل أن نجرح مشاعرهم ...

ولكننا نرى أن الإعتذار صعب علينا وعلى أنفسنا

متى نتعلم بأننا مسؤولون عن تصرفاتنا ...
وأن أخطاءنا لن يصلحها سوانا ...

الإعتذار .. أسلوب وفن ...
يوثق العلاقات ... ويصفي القلوب ..

ويحفظ للنفوس احترامها

ماأروع أن نتعلم هذا الفن ...
ليس صعباً ...

فهناك الكثير حولنا أهم من أن نخسرهم

لخلاف بسيط كان بأمكاننا إزالته بإعتذار بسيط

جميل أن نعيش بالقرب ممن نحب ..
وأن لاتحرمنا تصرفاتنا يوماً منهم

هل مازلتم تشعرون ان الاعتذار والمصارحة صعبة

ام تفضلون الذهاب والرحيل والسكوت وترك كل شيء على ما هو ؟؟؟؟؟

من طرف **المــ♥ــلك** 02/10/10, 09:58 pm

آاحباناً بحياتنا بيكون الهرب خيارنا الأول من موضوع فشلنا فيه

آأو حتى لاقينا صعوبات

==========

آأنشالله ما آأضطر للهرب و بتكون عندي القوة و القدرة لواجهـ مشاكلي

======

و قد ما كان في صعوبات رح يكون في فسحة للأمـل

خلينا ندور عليها وما نيآأس

مشكور منار

سلمت يداكـ

من طرف **Salam** 02/10/10, 11:32 pm

فكرة مميزة وطرح حلو ..

هل مازلتم تشعرون ان الاعتذار والمصارحة صعبة

ام تفضلون الذهاب والرحيل والسكوت وترك كل شيء على ما هو ؟؟؟؟؟

اصعب شي ممكن اعملو بحياتي اني اجي اعتذر من انسان .. وقلو انا عملت هيك هيك
وغلطت بحقك والخ ..

وفعلا اصعب مواقف نحطيت فيها بكل عمري هيي مواقف الاعتذار مع انهم معدودين ..

وبعدين الصراحة بتدبح باحيان كتيرة ..

بظن الافضل الواحد يسكت او يعتذر بطريقة غير مباشرة .. ويترك الايام هيي تتصرف لوكان الموضوع بسيط او قابل للتجاهل .. لان الاعتذار بيخلق احيانا جوا الواحد شعور بالذل ..

طبعا بالنسبة للهرب ابدا مانو حل .. بس كمان الاعتذار ماهو الدوا السحري لنسيان المشكلة ..
يسلمو ..

من طرف **Be Happy** 03/10/10, 12:24 am

مشكور منار على هالطرح الجميل لموضوع اجمل

انا بالنسبة لالي ما عندي مشكلة من الاعتذار ولكن بشرط ان اكون انا المخطئ ..الاعتذار مو عيب ..

بس في شغلة قبل الاعتذار ..هي لمين بدك تعتذر ..احيانا من تريد ان تعتذر لهم هم الذين ينظرون اليك بنظرة الذل ..طبعا هول قلال وهني عالاغلب الذين لا تربطك بهم صلة صداقة ..
فمثلا بالصدفة كنت ماشي وطلع قدامك شي شب وانضربت في بدون قصد المفروض انك تعتذر ...بس احيانا كتير هالشخص بيطلع عليك بالعالي ..بزعم منو انك خايف مشان هيك عم تعتذر ..هاد من بعض المواقف ..

اما بالنسبة للمصارحة ..فهي شغلة صعبة عليي ..وانا بعترف بهالشي ..

مشكور منار ..

من طرف **b a s e m** 03/10/10, 12:56 am

مشكووور منار ..

ان شاء الله مالي رجعة

لأنو شو بدو الواحد يحكي

خلينا ساكتين ..

من طرف **NAPOLION MARMARITA** 03/10/10, 02:33 am

مشكور انا عطول بواجه اي شخص

من طرف **ONK** 03/10/10, 04:06 am

ما صعبة .. بل واجب ومن باب الاحترام والادب .. ولكن عندما أكون انا المخطئ ..
وعندما يكون الشخص المقابل .. يستحق ان اعتذر له ..

من طرف **hero** 03/10/10, 04:19 am

لفت انتباهي الموضوع ....برد نفس كلام اونك تقريبا
اكيد الاعتذار قوة ومانو ضعف ابدا وقت منكون على خطأ والطرف التاني
بيستاهل الاعتذار ...شكرا لصاحب الموضوع

من طرف **THE FRIEND** 03/10/10, 08:03 am

أكيد الاعتذار شي كتير أساسي وضروري وهو دليل على تحمل المسؤولية...وأنا ماعندي أي مشكلة من الاعتزار وبشوف إنو بحسن العلاقات بين الناس بدرجة كتير منيحة ...بس يمكن في غلط بالتربية من ناحية تعويد الولاد على الاعتذار لأني بحس إنو حتى الولاد يلي كتير صغار بيخجلو وما بيعتذرو بسهولة يمكن لأنو الأهل بيفرضو عليهن هالشي فرض من الأساس..
وكمان في شغلة إنو التعويد على الاعتذار واستساهلو مو منيح بعني ما بصير تغلط بحق حدا لأنك مأمن إنك بأسوأ الأحوال إذا زعل منك فيك بكلمتين تعتذر منو وتراضي (تضحك عليه بكلمتين ) يعني الاعتذار لازم يضل محافظ على مصداقيتو وإنك لما تقول لحدا آسف تكون عنجد مزعوج لأنك قصرت بحقو...
مشكور وولف على الموضوع الحوار في كتير مهم...

من طرف **الـمعـتز باللــــ?** 03/10/10, 12:07 pm

موضوع ملفت والطرح جميل والمشاركات اروع

هل مازلتم تشعرون ان الاعتذار والمصارحة صعبة

ام تفضلون الذهاب والرحيل والسكوت وترك كل شيء على ما هو ؟؟؟؟؟

والله من قبل ولحد الان الاعتذار واجب واذا كان لشخص اكبر منك فهو فريضة مابقلك الاعتذار عادي ومدري شو طبعا موسهل بس مو لدرجة نتجاهلو لان متل ماقلت بالموضوع
الإعتذار .. أسلوب وفن ...
يوثق العلاقات ... ويصفي القلوب ..

اما الانسان الغلطان اللي بيرحل وبيترك كل شي على حالو رح يجي يوم مايلاقي شي يتركو وقت يبقى لحالو بجوز مايصفالو غير يطلع من تيابو
المهم الاعتذار موسهل لهيك الانسان يعمل حساب قدر الامكان مايغلط وبفس الوقت الاعتذار المقدم الينا من اجمل الكلمات فهي تطفئ نار القلب عندما تكون نابعة عن قناعة مو كلمة اعتذار وانقالت
بشكرك منار

من طرف **M A N A R** 03/10/10, 11:08 pm

اممممممممممممممم

هلق يلي مع الاعتذار 6 (ملك - اونك - هيرو -فريند - معتز _ نابليون)

يلي هيك وهيك 1 (سلام _ بلاكو )

يلي ضد الاعتذار او بيفضلوا عدم الاعتذار 1 ( بيبو)

مشكورين على تشريفكم الموضوع جميعا وارائكم لنشوف البقية

من طرف **b a s e m** 03/10/10, 11:19 pm

WHITE WOLF كتب:اممممممممممممممم

يلي ضد الاعتذار او بيفضلوا عدم الاعتذار 1 ( بيبو)

هاد مثال عن الاعتذار
سامحوني فليسامحنا الله جميعا

وهاد بيجي بعد الاعتذار

رد: لــــــــــــــــــــــــــــــــــــــــــــعبة المصارحة

شي بخلي الواحد يتشاءم

من طرف **M A N A R** 03/10/10, 11:29 pm

خير انشاء لله

من طرف **b a s e m** 03/10/10, 11:38 pm

WHITE WOLF كتب:خير انشاء لله

مافي الا الخير

بس حماده عم يحكي هيك ..
نحنا طنشتونا

وملاحظة ألك وولف
( إن شاء الله ) تكتب هكذا

من طرف **تقوى** 04/10/10, 01:53 am

انا كمان مع الاعتذار اذا كان الشخص غلطان في حق شخص تاني صحي شوي صعب بس الاعتراف بالخطا فضيلة
مشكور وايت وولف

من طرف **M A N A R** 04/10/10, 01:57 am

اوك تقوى مشكورة على ابداء رأيك نورتي

من طرف **نالان** 06/10/10, 08:03 pm

WHITE WOLF
شو هالمقدمة أكيد كانت علاماتك بالتعبير ممتازة
هل مازلتم تشعرون إن الاعتذار والمصارحة صعبة
أم تفضلون الذهاب والرحيل والسكوت وترك كل شيء على ما هو ؟؟؟؟
مشان سؤالك بالنسبة لي الاعتذار مو صعب بس أحيانا أخطأ مع أشخاص أول مرة بشوفن و ما عاد شوفن بعدين .......يعني مثلاً بالصيف قابلت وحدة لأول مرة و بصراحة أنا كنت متوترة شوي (معصبة) و البنت سألتني سؤال فرديت عليا بطريقة بتر يعني سكتا و لهلأ كلما تذكرت الموقف بحس أنو عن جد غلطت معا بس المشكلة ما عاد ققدر شوفا أصلاً ما بعرفا يعني هيي مجرد بنت شفتا بالصدفة
و بحب ضيف أنو قبول فكرة الاعتذار من الآخر أو رفضا بيتوقف على طبيعة الشخصية يعني في شخصيات بينا و بين حالا بترفض تعترف بخطأها فكيف بدا تعترف بخطأها للغير
و عفكرة أسير الصمت مرة طرح هيك موضوع و طرح معو أكتر من سؤال

من طرف **M A N A R** 07/10/10, 09:33 pm

مشكورة نالان ع مرورك وابداء رايك بالموضوع

نورتي

من طرف **سهل عزالدين** 06/02/11, 06:40 am

هلق أنا من النوع يلي إذا أخطأ بحب يعتذر وما بخاف واجه يلي أخطأت معو
لآنو متل ماقالت تقوى: الاعتراف بالخطا فضيلة
مشكور منار على الموضوع الحلو

من طرف **أسير الصمت** 06/02/11, 08:01 am

الاعتذار شي ضروري بالحياة

ولكن ما ناخدو عادة

يعني نصير نجرح الشخص ومنقول هلا منعتذر منو بيمشي الحال

هون ما عاد اسموا اعتذار

لان الشخص ما عاد يأمن باعتذارك

وهو بدل عن قوة الشخصية وليس عن ضعف الشخصة

بس الاعتذار بدو مين يقدرو

لآن في كتير اشخاص بعتبرو الاعتذار ضعف من الشخص المعتذر

هاد دلالة على تكبر الشخص

مع تحياتي

اتمنى ان تقبلو مروري ورائي

مشكور منار

من طرف **لوليا** 06/02/11, 05:56 pm

هلق يلي مع الاعتذار 6 (ملك - اونك - هيرو -فريند - معتز _ نابليون)

وهلق صاروا 7
دايما تعودنا نلاقي التميز بطرح الأفكار عند منار
يعطيك العافية

من طرف **M A N A R** 07/02/11, 12:38 am

سهل واسير لوليا

نورتوا الموضوع

عبارة حلوة سهل
وكلماتك اسير حلوة وارائك مقبولة دائما
ولوليا اهلين فيك على طول

ارائكم حلوة وبشكركم على ابدائها والمشاركة

من طرف **MAHERO** 07/02/11, 06:00 am

يعطيك العافية منار..وأنا من أنصار الإعتذار ..

وهوي مانو صعب بقدر ما هوي واجب إزا الإنسان غلط..

بس بكون صعب عن جد إزا أخطأت بحق شخص وبالرغم من انو يمكن يكون أخطأ أكتر

منك وتجي تتنازل وتعتزر أو حتى ما تعتزر بس تطلب فرصة لتبرير موقفك وهوي ما يعطيك

هالفرصة هون بكون اسمو "الإعتذار الصعب"..لأنو الصعوبة هون ما بتنتهي عند إقدامك

على الإعتذار وخلص مشي الحال ..لأ بتستمر الصعوبة لكن بتاخد شكل شعورين :الأول

ندم على التنازل والإعتذار , التاني ألم على الشخص لأنو بكون خسرك بإيدو ولو مؤقتا..

يسلمو منار ++++ ليش صعب الاعتذار والمصارحة ليش!!!!!!!!!!!!!!!! 52793

ليش صعب الاعتذار والمصارحة ليش!!!!!!!!!!!!!!!! 52793

من طرف **M A N A R** 08/02/11, 12:57 am

MAHERO كتب:يعطيك العافية منار..وأنا من أنصار الإعتذار ..

وهوي مانو صعب بقدر ما هوي واجب إزا الإنسان غلط..

بس بكون صعب عن جد إزا أخطأت بحق شخص وبالرغم من انو يمكن يكون أخطأ أكتر

منك وتجي تتنازل وتعتزر أو حتى ما تعتزر بس تطلب فرصة لتبرير موقفك وهوي ما يعطيك

هالفرصة هون بكون اسمو "الإعتذار الصعب"..لأنو الصعوبة هون ما بتنتهي عند إقدامك

على الإعتذار وخلص مشي الحال ..لأ بتستمر الصعوبة لكن بتاخد شكل شعورين :الأول

ندم على التنازل والإعتذار , التاني ألم على الشخص لأنو بكون خسرك بإيدو ولو مؤقتا..

يسلمو منار ++++

مشكور ماهر على كلامك

نورت الموضوع تم الاخذ برايك وبالنهاية بيعبر عن شخصيتك

شكرا مرة اخرى نورت الموضوع اهلا وسهلا

من طرف **RAGHEB** 08/02/11, 02:43 am

والله يا منار انت عم تحط ايدك عل جرح

في عالم والله لو بتعمل العجايب بتعتبر حالة صح

انا بحاول اعتذر دائما" اذا حسيت اني اهرت حدا او زعلت حدا بس اوقات بستحي وما بعرف شو الأسلوب يعني اذا كان رفيقي بعتذرلو بشكل مباشر ولو سألني ليش بذكرو بالقصة وبعتذر منو بس لما بكون الشخص مو كتير صاحبي ما بعرف كيف اعتذر وبفضل حاول ابتسم بوجهو او ارضي غرور عندو بأطراء معين يعني بحاول صلح غلطي بطريقة غير مباشرة

يعطيك العافية منار علا هل موضوع الروعة

ليش صعب الاعتذار والمصارحة ليش!!!!!!!!!!!!!!!!

ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!

رد: ليش صعب الاعتذار والمصارحة ليش!!!!!!!!!!!!!!!!