اليابان تفوز على الأرجنتين/ والصين على سوريا وديا

من طرف **b a s e m** 08/10/10, 07:31 pm

انتهت منذ قليل بعض المباريات الودية للمنتخبات
ففي طوكيو استطاع المنتخب الياباني أن يححق الفوز على ميسي ورفاقه
بهدف وحيد سجله أوكازاوا في الدقيقة 19 من عمر المباراة ..
وفي مباراة أخرى استطاع الفريق الصيني أن يفوز على منتخبنا السوري
في بكين وبهدفين لهدف ..
سجل زهو الهدف الأول في الدقيقة 38
وعاد زهانغ يونغ هاي ليسجل الثاني في الدقيقة 51
من ركلة جزاء أثر عرقلة من الدكة تسببت في طرده ..
ولكن المنتخب السوري قلص الفارق عبر عادل عبدالله بعد
10 دقائق رغم النقص العددي ..
يذكر أن المنتخبين تواجها في تصفيات المؤهلة للدوحة 2011
وحقق المنتخب السوري الفوز ذهابا 3-2
وايابا في بكين تعادلا 0-0 .
بالتوفيق لمنتخبنا السوري الذي لم يذق طعم الانتصارات
منذ ما لا يقل عن عشر مباريات ..

من طرف **ONK** 08/10/10, 07:37 pm

اليابان فازت ع الارجنتين .. وسوريا خسرت من الصين => سورية رح تتبهدل مع اليابان

من طرف **b a s e m** 08/10/10, 07:40 pm

ONK كتب:اليابان فازت ع الارجنتين .. وسوريا خسرت من الصين => سورية رح تتبهدل مع اليابان

الحمد لله انو عرفنا مستوانا من هلق
واكيد انت شفت مستوى اليابان بالمونديال
وانا كنت مرشحا للنهائية بجدارة
....
مشكور أونك
ولاحول ولاقوة الا بالله على هالمنتخب

من طرف **NAPOLION MARMARITA** 09/10/10, 04:08 am

مشكور امر متوقع

من طرف **b a s e m** 09/10/10, 04:49 am

هلا نابو .. الله يجيرنا

من طرف **ONK** 09/10/10, 05:11 am

بعدين في شفلة .. بس اذا حكيتا رح تتهموني بحسي الوطني .....

انو شو بشان عادل عبدالله .. انصاب بالمنتدى بمباراة فريق مرسين نادي درجة تانية بتركيا .. ودية مالها طعمة ..
وانحرمنا من مشاركتو بكأس الاتحاد .. وكان احس اسباب الخروج ..

ومن قريب اسبوعين
سمعت انو بدو شهر ليتعافى ..
بقومو بيستدعو عالمنتخب !!!!!! انو شو بشان ..!!!!!

من طرف **b a s e m** 09/10/10, 05:18 am

ONK كتب:بعدين في شفلة .. بس اذا حكيتا رح تتهموني بحسي الوطني .....

انو شو بشان عادل عبدالله .. انصاب بالمنتدى بمباراة فريق مرسين نادي درجة تانية بتركيا .. ودية مالها طعمة ..
وانحرمنا من مشاركتو بكأس الاتحاد .. وكان احس اسباب الخروج ..

ومن قريب اسبوعين
سمعت انو بدو شهر ليتعافى ..
بقومو بيستدعو عالمنتخب !!!!!! انو شو بشان ..!!!!!

والله يا معلم اذا حضرت حلقة الكرة بملعبم تبع لطفي مبارح ...
اتصلوا بفاروق سرية رئيس الاتحاد وقال انو مصلحة المنتخب اهم من النادي
واللاعب لازم يجي عالمنتخب بأي وسيلة وفي معسكر بهاليومين مغلق للمنتخب
ورح يستدعوا المحترفين وغيرن عأساس مشان يحضروا مزبوط ويستلم المدرب الصربي الجديد شغله
مشان يعرفوا التشكيلة المناسبة ويشتغلوا عليها ...

من طرف **ONK** 09/10/10, 05:31 am

يا أخي على عيني وراسي ..

طيب .. لا تقليمافي خيار وفؤوس بالاتحاد الرياضي .

يوم طلب ابو شاكر انو يعتذرو لعيبة المنتخب .. كان عنا لعبة بآسيا وكان فيلعبة ودية للمنتخب يمكن السويد ..
قالو بدنا نعاقب لعيبة الكرمة يلي مابيجو .. وبنفس الوقت كانو جماعة الجيش عم يعسكرو بالامارات .. وطبعا ....
يحق لي مالا يحق لغيري ..

ولما لعبنا مع الاردن .. لعيبة الاتحاد كان صرلون يومين مخلصين لعبة كاظمة .. وما شرفو لتتاني مباراة ..

كلو هالشي .. بينتسى .. وما رايحة غير على يلي آكلهم المنتخب عن جد ..

ولا تقلي مصلحة المنتخب .. وما مصلحة المنتخب ..
اذا المدرب .. رايح مراقب .. يعني مارح يتدخل بالمباراتنين تبعوت الصين ..
واذا لعيبة الجيش مو رايحين .. واذا لعيبة الاتحاد مو رايحين .. واذا فراس وجهاد مو رايحين .......
بالله عليك .. وين مصلحة المنتخب !!!!!!!

من طرف **b a s e m** 09/10/10, 05:49 am

ONK كتب:يا أخي على عيني وراسي ..

طيب .. لا تقليمافي خيار وفؤوس بالاتحاد الرياضي .

يوم طلب ابو شاكر انو يعتذرو لعيبة المنتخب .. كان عنا لعبة بآسيا وكان فيلعبة ودية للمنتخب يمكن السويد ..
قالو بدنا نعاقب لعيبة الكرمة يلي مابيجو .. وبنفس الوقت كانو جماعة الجيش عم يعسكرو بالامارات .. وطبعا ....
يحق لي مالا يحق لغيري ..

ولما لعبنا مع الاردن .. لعيبة الاتحاد كان صرلون يومين مخلصين لعبة كاظمة .. وما شرفو لتتاني مباراة ..

كلو هالشي .. بينتسى .. وما رايحة غير على يلي آكلهم المنتخب عن جد ..

ولا تقلي مصلحة المنتخب .. وما مصلحة المنتخب ..
اذا المدرب .. رايح مراقب .. يعني مارح يتدخل بالمباراتنين تبعوت الصين ..
واذا لعيبة الجيش مو رايحين .. واذا لعيبة الاتحاد مو رايحين .. واذا فراس وجهاد مو رايحين .......
بالله عليك .. وين مصلحة المنتخب !!!!!!!

استضافوا مرة بالكرة بملعبك جهاد وفراس سوا ..
وحكوا التنين أنو المنتخب لازمه المحترفين شنكو وسنحاريب ومرقص حتى يقدر يعمل شي بالدوحة وغير هيك مستحيل
وبالنسبة للاعبين عندن مصلحتهم من مصلحة ناديهم ... يعني يروح اللاعب ينصاب بالمنتخب اللي ما عم يعطيه شي يذكر ..
حتى ضمانات صحية مافي بالمنتخب ....

تخيل نفس الكليشة من عشرين سنة .. نفس الباص تبع المنتخب وملاعب التدريب يادوب .. والفنادق وغيرا ....
يعني نحنا ما عنا احتراف بحيث انو اللاعب يحس حاله جاهز
الاحتراف بدو مصاري .. ومصاري عنا .. اوعى تسأل

من طرف **ONK** 09/10/10, 05:53 am

هاد حكينا ..
بيطلع المسؤول الرياضي .. وبلعب على وتر الوطنية وحماس الشباب ورفع اسم الوطن ..
طب شو بشان المصاري .. شو بشان المعسكرات الخارجية .. شو بشان مدرب متل الخلئ .. شوبشان وشو بشان وشو بشان ........

انا بشوف ننسحب من البطولة .. لانو البهدلة شايفة ئدام عيوني ..

من طرف **b a s e m** 09/10/10, 06:10 am

ONK كتب:هاد حكينا ..
بيطلع المسؤول الرياضي .. وبلعب على وتر الوطنية وحماس الشباب ورفع اسم الوطن ..
طب شو بشان المصاري .. شو بشان المعسكرات الخارجية .. شو بشان مدرب متل الخلئ .. شوبشان وشو بشان وشو بشان ........

انا بشوف ننسحب من البطولة .. لانو البهدلة شايفة ئدام عيوني ..

لما قالهم كابريني المدرب الايطالي قبل مونديال 2010 انو عطوني منتخب الشباب ورح أعملوا اعداد وأهلكم عكأس العالم 2014
فورا حجزولوا مقعد بطيارة عا ايطاليا ...

وهلق استلم فاروق سرية ومن أول اجتماع للاتحاد قال انو خزنة الاتحاد فيها 40 مليون ليرة سوري
ومصاري بعملات تانية بيطلعوا شي 30 مليون بالسوري وأجانا من الاتحاد الدولي منحة ما بذكر كم 100 الف دولار
بس وين عم يروحوا بهالمصاري
معقول .. /هدايا/ لابن همام ؟