طالعين مشوار ويمكن نزور شي مكان

من طرف **M A N A R** 10/10/10, 09:27 pm

مرحبا شباب وصبايا الاقتصاد اليوم موضوعنا اسمه طالعين مشوار وبدنا نزور مكان

يعني الشباب يطلعوا مع بعضهم مشوار وويتمشوا والصبايا كمان مع بعضهم مو خلاف.............

المهم ماموضوعنا هون الموضوع كالتالي اذا كنت بالكلية او اي مكان عام اخر يعني رايحين عليه زيارة وجالسين مع اصدقائكم شب او بنت مايهم

حبيتو تشتروا شي او تاكلوا شي

مين يلي يجب ان يدفع الشب او البنت
ولماذا شو السبب وراء جوابكم

خبرونا وناطريكم

من طرف **sad eyes** 10/10/10, 09:34 pm

أنا من عادتي دائمن لازم أول خليا علينا وإحلف كم يمين إلا أنا أنا إدفع
ومابهمني إزا شب أو بنت اللي معي
هلأ إزا أصروا بفضل إنو كل واحد بيدفع عن حالو
بس مابحب حدا يدفع عني

من طرف **Be Happy** 11/10/10, 01:07 am

هلق انا من عادتي بحب انا كون عطول اللي بيدفع مين ما كان معي يكون ...
ورفقاتي بكل حال ما بيقصرو تقريبا كل مرة واحد ...
بس احيانا بكون يعني شبه مفلس فبقول اميركية ..يعني كل واحد عن حالو ...
مشكور ..منار ..

من طرف **المــ♥ــلك** 20/10/10, 05:13 pm

عجبتني هي منكـ بلاكـ أمريكية :lol!:

=========

بصراحة بحب آانا أدفع أغلب الأحيان متل بلاكـ بس كمان يعني الشباب ما يزودوها ;)

واذا كان في بنات طالعين مشوار ويمكن نزور شي مكان M94

ما برضى لا والله غير انا أدفع ما بيصير لأنو بحس عيب

هاد رآأيي

====

مشكور منار الغالي عـ الموضوعـ ;)

طالعين مشوار ويمكن نزور شي مكان Fjhd

من طرف **ONK** 21/10/10, 02:31 am

هلء بشلة الكلية .. ما بتفرء .. يعني يلي بقوم بيطلب .. بيدفع عن الكل ..
وبعبي هالطاولة ..

بحمص .. مع الشباب .. مناتيف شرواي بالخير ..
اذا شغلة بسيطة .. مو محرزة .. واذا شغلة عليا الئيمة .. (أمريكية) أو تسجل لصاحبها ومنعوضلو ياها بطلعة تانية ..
وطبعا لا يخلو الامر من بعض الايام يلي بيتسلبط فيها احدنا عالآخر .. تبعا لظروفو الاقتصادية السيئة ..

الله حيك ابو الحوارية ..

من طرف **zeeen** 27/10/10, 05:34 am

طبعا الشب يعني بدا تنين يحكو فيا
ومو بس الشب اذا كان مع بنت لازم يدفع انا ومن ناحيتي اذا كان شب او بنت رح ادفع
لان الشغلة اسما نخوة
بعدين الواحد اذا كان مع بنت مابدا اميركية وشو بعرفني لازم من دون ما حدا يقلو يقوم يدفع مو هو الرجال ولا شو

من طرف **M A N A R** 30/10/10, 06:12 pm

مشكورين جميعا على ابداء رايكم

من طرف **NAPOLION MARMARITA** 30/10/10, 08:48 pm

مابعرف شو بدي ألك
انا بفضل الشب يدفع اذا كان اعد مع بنات
بس انا كتير رايح عمطاعم بالضيعة وبحمص وبالشام عادي كتير شايف بنات عم تحاسب
او عم تعطي الشب حسابا
بقى هيدا لموضوع بضل جدل
وملاحظة صاحب النخوة بضل فقير
يعني مصيبة اذا الشب وخصوصا اذا ماعندو مدخول كل ماطلع بدو يحاسب

من طرف **أبو مالك** 31/10/10, 04:06 am

هلق أغلب الأحيان اذا الواحد مع بنت هو يلي بيدفع هاد بالنسبة الي

مع الشلة ما بتفرق اذا الشغل بسيطة اما اذا محرزة أمريكية

وعلى كل حال ما حد بخلي عليه

من طرف **ozon** 31/10/10, 08:20 pm

متل ما قال ابو مالك
ما في فرق

من طرف **M A N A R** 31/10/10, 08:23 pm

نابليون وابو مالك وعمو اوزون منورين

وشكرا على ابدا ارائكم

من طرف **الفتى النبيل** 01/11/10, 05:53 am

مشكور منار عالموضوع الحلو
:: حيك أبو الأفكار ::

و رأيي بيشبه كتير آراء يلي سبقوني
إذا شي مو محرز فواحد بيدفع عن الكل على أن تعوض له في وقت لاحق
يعني يوم ليك و يوم عليك

أما إذا الشغلة فيا ضرب مناسف و و وجبات غالية فأكيد أمريكية :md7:
و من ناحية شب و بنت ::ما بتفرق::
ـــــــــــــــــــــــــــــــــــــــــــــــ

أبو مالك كتب:هلق أغلب الأحيان اذا الواحد مع بنت هو يلي بيدفع هاد بالنسبة اليمع الشلة ما بتفرق اذا الشغل بسيطة اما اذا محرزة أمريكيةوعلى كل حال ما حد بخلي عليه

أبو مالك اشتهيت يوم شوفك مع بنت خخخخخخخخخخخخخخخخ :lol!:

من طرف **M A N A R** 09/11/10, 12:23 am

على راسي عمو حسان

نورتوا جميعا

ومشكورين على ارائكم

من طرف **M A N A R** 25/11/10, 10:29 pm

انا دائما وين ماطلعت مشوار مع رفقاتي مهما كانوا

بحب شوف اول شي الجو يعني كيف يفضلو هم مابدها شي

اول شي انا بحب ادفع عن الكل

بس في ناس ماتحب هالعادة وقتها انا بحترم رغبتها

وطبعا كل واح يدفع عن نفسه

انا هيك راي

من طرف **ozon** 26/11/10, 07:26 am

انا بحب اطلع مع منار
لانو بحب يدفع عن الكل

من طرف **M A N A R** 26/11/10, 11:47 pm

:oops:

:lol!::lol!::lol!::lol!:

بتشرف مصطفى

انت والكل

من طرف **ozon** 03/12/10, 04:45 am

جيتك انا وكل رفقاتي

ما كتار كلن 200 واحد

وكلن جوعانين

من طرف **Altyb RaWad** 03/12/10, 06:01 am

لك صطيف منور قدها
انا من وجهة نظري انا بحب ادفع عن الشباب او الصبايا الي معي لان بعتبر الجيبة وحدة ومابحب الاحراج لحدا لان اول شغلة لما بدنا نصير رفقة وشلة شباب وصبايا معناها نحنا مثل الاخوة وهيك الاخ مابيستحي من اخوة حتى اذا دفع عنو
يعني بالحموي اخوووية
اما بالنسبة لشب والصبية
انا برأي الشب بكون باغلب الاحيان دخلو اكتر من الصبية ومن رأي الشب هو اللازم يدلل الصبية
بربكون ياصبايا شايفني قديش عم ادعمكون لك روحوا مابيضيع فيكون شي

من طرف **king of the ring 2011** 27/01/11, 02:11 am

أخي منار سؤا ل وجيه
بس لازم يدفع الشب لأنو هوي الرجل
مشان يأخذ صفة النخوة والكرم
بس هادا الحكي من جهة أولى
بس من جهة ثانية
مابس إذا كانوا معو بنات بيصير بدوا يدفع
لازم إذا كان هوي والشباب لازم يقوم
بإظهار النخوة