كيف قضيت أيام العيد ..

من طرف **b a s e m** 16/11/10, 10:23 pm

السلام عليكم أعضاء منتدانا الأكارم

أضحى مبارك وكل عام وأنتم بألف خير

اكيد كل واحد عمل ألف شغلة بأيام العيد

فوت وخبرنا شو عملت كل يوم

ملاحظة .. ممنوع ادخال الألعاب النارية على المنتدى
ممنوع اكل الشوكولا بالمنتدى
ممنوع اي عضو يعزم عضو عالعشا بدون ما يخبرني
فيكن تعملو الموضوع شات محادثة
ممنوع الدراسة بالعيد

كيف قضيت أيام العيد .. 703215

احلى اعضاء ..

من طرف **غريتا** 16/11/10, 10:39 pm

يلا باسم منبدا من عندك....خبرنا شو عملت أول يوم العيد .....

:lol!: :lol!: :lol!:

من طرف **b a s e m** 16/11/10, 10:41 pm

لأ ما بصير لازم انتوا اول شي

من طرف **Samar.S** 17/11/10, 12:30 am

انا رح قلكون شو عملت
اول شي عايدت على بابا وماما واخواتي
بعدين عايدت كتاب الاقتصاد السياسي مشان ما يزعل
ودخلت عالمنتدى عملت جولة فيه
وهلق بدي استقبل ضيوف وهنن خالاتي
هاد هوي اول يوم
انطروني بكرة مع مغامرات جديدة
دور باسم

من طرف **غريتا** 17/11/10, 12:46 am

Samar.S كتب:
بعدين عايدت كتاب الاقتصاد السياسي مشان ما يزعل

:shock: :shock: :shock: :shock: :shock: :shock: :shock: :shock: :shock: :shock:

ســـــــــــــــمرررر شوووو مشااااانك!!!!!مين بيتزكر الاقتصاد السياسي...بهالإيام الفضيله :x

بانتظار دور باسم

كيف قضيت أيام العيد .. 552797

:lol!: :lol!: :lol!: كيف قضيت أيام العيد .. 703215

من طرف **Samar.S** 17/11/10, 12:51 am

انا اتزكرتو لانو صرت عم شوفو بمنامي كيف قضيت أيام العيد .. 703215

وانتي غريتا كيف العيد معك خبرينا

من طرف **غريتا** 17/11/10, 12:58 am

نيالك...ماعم شوفو بمنامي أنا

من زمان ماشفتو كمان :P

بالنسبه للعيد عندي ...فلسا ما بلش...ومع هيك حاسه إني معيـــده كيف قضيت أيام العيد .. 552797

من طرف **Salam** 17/11/10, 01:26 am

يعني ليش تفيقو جروحاتي :( ..
العيد بالغربة متل اي يوم عطلة عادي ..

فقنا الساعة تنتين انا واختي .. ماما طبيبة مناوبة بالشغل .
ولبسنا تياب العيد وتصورنا هههه
والساعة ستة وشوي طلعنا تعشينا انا وابي واخواتي ورحنا عايدنا عرفقات البابا ورجعنا وخلص العيد هههه

اخ عنجد كل مواطن سوري قاعد ببلدو عايش بنعمة موطبيعية .. بكفي وجود اهلو حواليه ..

عنجد حكولي كيف بكون عيد الاضحى بسوريا .. مابعرف جد كيف ..

ويسلمو باسم عالموضوع الحلو كتير ..وكل سنة وانت بخير ..

من طرف **سوار العسل** 17/11/10, 01:33 am

االيوم كان عادي .........إن شاء الله بكرابكون أحلى

من طرف **أمير الاقتصاد** 17/11/10, 04:57 am

والله أول يوم عيد....الصباحية ما رحنا لعند حدا...بعد الغدا على أقرابيين أبي...وبعدها على أقرابيين أمي....وبس...صحي لعبنا كم دق بلاي ستيشن انا وابن خالي...بس الملعون فازني.....يخرب بيتو ماألعبه...

من طرف **سوار العسل** 18/11/10, 02:00 pm

مبارح كان تمام ..........تم دبح الأضحية صباحاً و من العصر للمسا مشاوير

من طرف **Be Happy** 18/11/10, 07:32 pm

اليوم الاول ..من الساعة 9 صباحا ..رحت مع ابي واخي عالمقبرة وعايدت اجدادي (جدي وجدي وستي وستي ) وكم واحد غاليين على قلبي

..وبعدين رجعنا عالبيت افطرنا كيف قضيت أيام العيد .. 798750

..ورحنا لعند عماتي التنتين ما عندي غيرون ..وزرت عمي اللي ما في غير هالعيد ..لان البقية واحد بالحج الله يرجعو سالم ونيالو :roll: ..والتاني بالرقة مهندس ما حسن ينزل مشان طبيعة شغلو وعندو دوام ...والمسا رحت لعند رفيقين من رفقاتي ..كان يوم حلو بس متعب ..
واليوم التاني ..دائ خلقي كتير في وما عاد اعرف شو بدي اعمل فدرست شوية تسويق ..وبعدا فتحت مسنجر وحكيت مع عبيدة وعيدت علي ..والمسا رحت على لعبة كورة .. :bball:
اليوم لهلئ ما عملت شي ..بس المسا طالع مع الرفقة على سيزر كيف قضيت أيام العيد .. 955950

..بس..

من طرف **Altyb RaWad** 18/11/10, 08:02 pm

نوم نوم نوم نوم نوم نوم نوم نوم
يتابع في الحلقة القادمة

من طرف **M A N A R** 18/11/10, 09:11 pm

ماشاء يوميات الاعضاء حافلة

المهم انا ولله ملل ونوم ومعايدة رفقاتي
كلهم ماخليت حدا

واولهم كان عمو معتز وبعدو محمود ومحمود

وهلم جرا الخ الخ

وشوفة عينكم هلق المنتدى شوي والمسا في طلعة :lol: 8) :roll:

زيارة يعني انا ورفقاتي لا يروح ذهنكم لبعيد

من طرف **b a s e m** 19/11/10, 07:40 pm

اول يوم راحت معي نومة لل 11 :(
قمت واكلت شي خفيف وشربت شاي قبل ما أرد على كومة رسائل :roll:
بعدين عايدت عابابا والماما كانوا طالعين ورجعوا
وعايدت على اخواتي وطلعت عالحارة عايدت ع بيت جدي وبيت عمي والجيران وأقاربي كلون..
بعدين رجعت عالبيت وضليت للمسا ( لمينا الشلة هالمرة عند رفيقي ) وسهرنا شي 5 ساعات عالكيف + عشا وبلاي ستشن ...

تاني يوم طلعت لعند عمتي التانية بحماه والعصر لعبة طابة ..
والمسا طلعنا نتدرج ..

تالت يوم نوم للظهر ونت وبلاي ستيشن وتلفزيون .. والمسا سهروا عندي رفقاتي

رابع يوم .. عأساس أدرس :lol!:
بس حكي ..

ولسه ما عملت شي ولوحدي بالبيت ما بعرف وين طلعوا
بفضل ضل بالبيت واذا صار شي برد خبر 8)