اكسفورد للمصطلحات السورية

من طرف **PRINCO** 10/12/10, 04:20 am

اصدر عدد جديد من قاموس اكسفورد يضم احدث المصطلحات السورية مع شرح تفصيلي ونبدأ بما يلي:

(بيناتنا)
للتشويق، وتُستخدم كمفتاح للدس والنميمة. ‏
(مالك علي يمين)
بداية لكذبة من العيار الثقيل لا تنزل بميزان أو قبان. ‏
(وحياتك عالغالي)
دعوة مبطنة لقصف عمر اللي عم يسمع ‏
(بدك الصراحة وللا بنت عما)
اعتراضية لتمرير كذبة بالحجم العائلي(ام الليترين وربع ) وبحرفية عالية. ‏
(إلك ولا للديب)
لتحريض النخوة، وتهيئة المستمع نفسياً لدفع مصاري أو استعارة غرض ما ‏
(يا مرحوم البي)
يجوز استخدامها كموسيقا تصويرية ولزيادة جرعة الإثارة (استخدمها جميس بوند بأحد افلامو). ‏
(مالك بالطويلة)
فاصل منشط محشور ضمن حكاية أطول من سيرة عمكون ابو زيد الهلامي ( على قولة جودة ابو خميس)‏
(محسوبك)
للمنفخة والاستعراض.
‏(الله يستر عليها)
لازمة في نهاية كل وصلة لنشر عرض بنات الحارة وصديقاتهن وقريباتهن وأنسبائهن. ‏
( سيدي ما علينا)
شارة مُعتمدة في ختام مسلسل نميمة من ثلاثين حلقة. ‏
(مع احترامي إلك)
و غالباً تعني (يا ...) بطريقة مهذبة. ‏
(اشتهيناك معنا)
للنكاية، ويجوز استخدامها بدلاً من (مثل قلتك) أو بالناقص منك. ‏
(أنت لسه ما بتعرفني)
تستعمل للتخفيف من حدة البهدلة وسواد الوجه. ‏
(ما كذبتلك خبر)
تأكيد على كذبة متوسطة المدى. ‏
(اعرِف مع مين عم تحكي)
تهديد منتهي الصلاحية لشخص عامل حالو مدعووووم من شي عامل بوفيه بالوزارة