للنقاش بين كل الأعضاء.. كيف نقتل وقت الفراغ؟؟؟

++++

بشكرك على الموضوع الحلو

رح ارجع بس برد يناسب الموضوع

أنا عن حالي ماكتير عندي وأت فراغ
بس لما بصير عندي وأت فراغ
بأضيه بالأشياء الغير مفيده يعني
نت تلفزيون
وهيك شي
بس فكرة الموضوع ظريفه

موضوع مهم...لي عودة كرماوي...

أمير وساد وكينغ منار ناطركن

رواد شكرا لمشاركتك

انا برأي بالمواهب يعني لازم شخص ينمي ويبدع بشي
يعني عنجد حرام شخص نجي نقلو بشو انت مبدع بيجي بيسكت مافي شي بيعملو بيميزت عن غيروا انا براي المواهب

منار أنا كمان متلك كنت اقرا ألغاز بس خلصت كل الألغاز وحفظتها بصم من لما كنت بالابتدائي

شكرا لمشاركتك

نابليون كلام حلو وشكرا لمشاركتك

بانتظار باقي الأعضاء

هلأ أنا وقت بكون فاضي و عامل كل شي مخططو لليوم
يا بحط النت وبقعد
يا اما بشوف شي فلم خرج ينحضر
ههههههه يا اما بدور عشي مشكلة اتسلى فيها
وبالنسبة لشغلة القراءة هي في الها طقوس خاصة قبل النوم يعني أنا ما بقرأ بالنهار أبدا
وغالبا بكون في شوية خواطر قبل القراءة بكتبها
طبعا هدول إزا كنت بالبيت أما إزا كنت فاضي و الجو خرج طلعة اي عاد بشفلي شي شلة فاضية من رفقاتي وبصيع شوي
و أنا مع نابو انو لازم يكون في شي الواحد بيبدع فيه
و المواهب و الهوايات وقت بتكون مفيدة أكيد بتكون أحسن شي الواحد بيعملو بوقت فراغو
والله هالموضوع بدو ++
مشكور كرماوي

هلق أنا أهم بلوعة بصرف فيها فراغي التلفزيون...طبعا هالشي بالحالات العادية وبعد ما كون عملت اموري الضرورية...بحب بالتلفزيون اتفرج على ثقافات العالم...يعني مثلا قناة كوريا من متابعيها...أحيانا بشوف كردي...شركس...الخ....

بس هلق السؤال كرماوي كيف نقتل أوقات الفراغ...المفروض بالإنسان المنظم ما يكون عندو وقت فراغ..هيك المفروض...يكون معبي وقته كلو...

شكرا كرماوي...

هلا أمير وماهيرو نورتوا

الفائدة من هالموضوع أنو كل واحد يشوف رفقاتوا شلون عم يقضوا وقت فراغن ويستفيد من آرائن

بانتظار آراء تاني من الأعضاء