حبيبتي سوريا

من طرف **ماسه** 03/09/11, 04:08 pm

حب الوطن غريزة فطرية , تستقر فى كيان كل إنسان !!
وطنى سوريا , ما أجملها من كلمة عظيمة حبيبة إلى القلوب , تتغنى بها الألسنة , وتنطق بها الشفاه من جيل إلى جيل , فما أطهرها من معنى يثير فى النفوس اسمى المشاعر , وأعذب الذكريات إنها جنة الله فى أرضه , من أرادها بسوء قصمه الله , فحب الوطن طاعة وعبادة , والموت من أجله شهادة
وطنى سورياالحبيبة , الذى أكلت من خيراته , وشربت من مائه, ومشيت على أرضه , وعشت تحت سمائه , وتعلمت فى مدارسه , حب يسرى فى قلبى ودمى , وما أجمل قول مصطفى الرافعى :
بلادى هواها فى لسانى وفى دمى ... ويمجدها قلبى ويدعو لها فمى
ولا خير فيمن لا يحب بلاده ... ولا فى حليف الحب إن لم يتيم
إننا كسوريين, رجال ونساء , كبار وصغار , مسلمون ومسيحيون نعتز بوطننا سوريا, سوريا العزيزة التى تتمتع بمكانة بارزة فى العالم القديم والحديث , فكلنا نفخر بسوريا مهد الحضارة , ومنبع الثقافة وقلب العالم , ملأت الدنيا هداية وحضارة ونور , إن السلام والإسلام فى سوريا !! فهى خير بلاد الله , وشبابها أفضل جند الأرض ,
سورياهي ذاك المزيج الفوضوي الذي يجري في شوارع العاصمة ، آلاف من ‏السيارات والبشر المختلطة وفق منظومة معقدة لا تستطيع أن تدركها أو ‏تفهم آلية عملها ولكنها في النهاية تعمل ، تمتزج ، تتحرك ، وتنفصل وتتلاشى الحركة في الشوارع لتبدأ الحياة في المنازل التي تحب السهر ، ‏وتبقى البيوت المتراكمة المتسلقة جبل قاسيون مضاءة حتى يطفئوها الفجر ‏الذي يعلنه صوت الآذان
سورية هي فيروز الصباح و " سيرة الحب " في ليل دمشقي طويل أو ‏موال شجي عتيق على أنغام قد حلبي
سورية .. نشرة الأخبار بين عشق الرجال وكره النساء
هي خوف صبية عائدة إلى البيت في مساء متأخر ، هي حب مراهق لبنت ‏الجيران هي وجوه الناس التي ألفناها وقصص البيوت التي تناقلناها،
سورية هي الحارة والأصحاب ، المدرسة والطريق الذي " تسكعناه " مئات ‏المرات ، هو الطاولة التي درسنا عليها والغرفة التي تشاركنا بها إخوة ‏وأخوات ، هي همومنا الصغيرة التي كبرت وأحلامنا الكبيرة التي تضاءلت ‏، هي الذكرى التي تجمعنا في الماضي والأمل بلقاء في المستقبل قد لا ‏يكون
سورية هي الحب القديم ، هي القلب الذي خفق في صدورنا أول مرة ، هي ‏الغيرة التي اشتعلت على فتاتنا تضحك لرفيق لتترك في النفس حرق لذيذ ، ‏هي حلاوة اللقاء الذي كان وربما لن يتكرر ، هي الحياة التي انتزعناها من ‏عمر مضى واحتفظنا بها مجرد ذكريات
هي ضحك ، بكاء ، مئات الكلمات ، أحاديث وصور تبعثرت في ذاكرتنا ‏يستحضرها الحنين ويحفظها الشوق ونحن نعرف بأنه لا أمل لنا في اللقاء
سورية هي أيام عشناها في وطن كان .. نخاف أن يضيع
سورية هي ‏الحبيب الذي هجرناه ولم نستطع أن نعشق سواه
سورية هي الماضي الذي ‏منه ولدنا وعلينا أن نحرص لكي يكون المستقبل الذي يحيا أولادنا فيه
سورية كلمة عندما نسمعها ، تشتعل قلوبنا بالمحبة ، وتدمع عيوننا الحائرة ‏فرحا وحزنا ، وتتلعثم ألسنتنا مثل مراهق يريد أن يبوح لفتاته بكلمة .. " ‏احبك
سورية هي تلك العشق الابدي الذي يجري بدمي
سورية بداية الدنيا فمنها بدأت و اليها تعود
سورية هي ذلك الشعب الحر الأبي العظيم

سورية هي وهي وهي وهي ..
فعلينا أبناء سوريا أن نتحدى الصعوبات , ونجتهد فى نهضة بلادنا وأمتنا مهما كلفنا ذلك من جهد وتعب , فبلادنا تستحق منا الكثير
فهيا بنا إلى حب الوطن , والعمل من أجله , من أجل نهضة وتقدم ورقى ,
ويقول شوقى : وطنى لو شغلت بالخلد عنه *** نازعتنى إليه فى الخلد نفسيله
الله يحمي سوريا وشعب سوريا

من طرف **NAPOLION MARMARITA** 03/09/11, 04:22 pm

مشكور +++++++
كلام جميل بس بدك شعب يقدر

من طرف **ماسه** 03/09/11, 04:43 pm

اهلا

Napolion marmarita

شكرا الك بس باكدلك انو شعب سوريا مقدر

لان مافي اعظم من شعب سوريا

نورت

من طرف **Altyb RaWad** 03/09/11, 08:29 pm

NAPOLION MARMARITA كتب:مشكور +++++++
كلام جميل بس بدك شعب يقدر

ليش استاذ نابليون الشعب مو عاجبك ولا حابب يتغير مثلا

الشعب السوري شعب عقائدي قومي روحي اخوي و عواطفي ... وبقدر وقت لازم يقدر لان نسيج كامل ..

الشعب السوري شعب اصيل بكل اطيافو .... وقت بتشوف اسمك بالجواز ولا بالهوية بتلاقي الجنسية سوري بكفيك فخر انك سوري واني سوري وانو قاعدين بسوريا .. وبس

انا بحب سوريا لانها بلدي وبحب شعبا لانو هنن اخواتي ومن ارضي

وكليتنا بيعرف انو الشعب السوري من اعرق شعوب الارض وانو سوريا مهد الحضارات كلها

والمفروض انضحي بكلشي كرمالا ...

مشكورة ماسة على الموضوع

من طرف **RAGHEB** 03/09/11, 09:54 pm

NAPOLION MARMARITA كتب:مشكور +++++++
كلام جميل بس بدك شعب يقدر

الشعب السوري بقدر وعم بضحي بدمو مشان سورية

من طرف **ماسه** 03/09/11, 10:35 pm

Altyb Rawad

Ragheb

مشكورين كتير

ومعكون حق

بس لازم نحترم كل الاراء

نورتو

من طرف **Be Happy** 04/09/11, 12:07 am

ماسه كتب:
سورية هي أيام عشناها في وطن كان .. نخاف أن يضيع
سورية هي ‏الحبيب الذي هجرناه ولم نستطع أن نعشق سواه
سورية هي الماضي الذي ‏منه ولدنا وعلينا أن نحرص لكي يكون المستقبل الذي يحيا أولادنا فيه
سورية كلمة عندما نسمعها ، تشتعل قلوبنا بالمحبة ، وتدمع عيوننا الحائرة ‏فرحا وحزنا ، وتتلعثم ألسنتنا مثل مراهق يريد أن يبوح لفتاته بكلمة .. " ‏احبك
سورية هي تلك العشق الابدي الذي يجري بدمي
سورية بداية الدنيا فمنها بدأت و اليها تعود
سورية هي ذلك الشعب الحر الأبي العظيم

سورية ..بلدي..يا ما اروعها من كلمة ..
موضوع راائع راائع راائع ..
وكلماتو في الصميم ..
سلمت يداكي ..ماسه ..موضوع ماسي متل صاحبتو
والله يحمي شعب واهل سوريا ..يااااا رب
اكيييد تقييم ..+

من طرف **الفتى النبيل** 04/09/11, 12:10 am

سوريا في صميم القلب
كلمات رائعة ماسة ++

من طرف **NAPOLION MARMARITA** 04/09/11, 01:26 am

ياجماعة انت مشكلتكن مابتشوفوا ابعاد الحكي
وحكيي موجه لكل شخص علق عردي
انا لماحكيت ما الت اني مابحب سوريا ولا بحب شعبا ولا انا طائفي
بالعكس انا بفتخر اني سوري ويلي عم يصير بلوقت الحالي بسوريا بزيدني حب وعشق لسوريا لان سوريا اكبر من يلي عم يصير
انا اصدي انو لو شعبنا فردا فردا بينطلق من نفسو بلدنا جننة علارض
بس اذا اغلبية العالم هاد لبكب محرمة عالارض
وهاد زبالتو عالرصيف
وهاد يلي عم يسرق من شغلو
وهاد
وهاد
وهاد
بس هالشي مابيعني انو في عالم شريفة وبهما وطنا وبتحافظ علي بروحا
اذا شفت انو يلي عديتن انا امور صغير
فالمشاكل لكبيرة تجمع هالمشاكل لصغيرة
انا ماعم قول ما اغلاط ببلدنا بالعكس
بس مو هيك بحلوا
نحنا اخوة ورح نضل اخوة رغم اي شي بيصير
اسلام مسيحية
بس نصيحة لالكن فكروا بيلي بحكي صح ولاتستعجلو بالحكم لان انا مو ولد ومابرمي حكي بالهوا
احلى شباب

من طرف **ماسه** 04/09/11, 02:28 am

محمود شكرا الك

شجعتني مشان ارجع نزل مواضيع

هاد من ذوقك

نورت الموضوع

من طرف **ماسه** 04/09/11, 02:30 am

الفتى النبيل

مشكور

نورت الموضوع

من طرف **ماسه** 04/09/11, 02:37 am

Napolion marmarita

انا حسيت انك مابتقصد الكلام يلي قلتو بالمعنى يلي فهمنا

اصلا نحن كلنا سوريين

ماهيك يلا حصل خير

سوء تفاهم مو اكتر

وهي كسبناك مرة تانية

مشكور مرورك

من طرف **king of the ring 2011** 04/09/11, 04:06 am

سورية هي أيام عشناها في وطن كان .. نخاف أن يضيع
سورية هي ‏الحبيب الذي هجرناه ولم نستطع أن نعشق سواه
سورية هي الماضي الذي ‏منه ولدنا وعلينا أن نحرص لكي يكون المستقبل الذي يحيا أولادنا فيه
سورية
كلمة عندما نسمعها ، تشتعل قلوبنا بالمحبة ، وتدمع عيوننا الحائرة ‏فرحا
وحزنا ، وتتلعثم ألسنتنا مثل مراهق يريد أن يبوح لفتاته بكلمة .. " ‏احبك
سورية هي تلك العشق الابدي الذي يجري بدمي
سورية بداية الدنيا فمنها بدأت و اليها تعود
سورية هي ذلك الشعب الحر الأبي العظيم

مشكورة ماسة ع الموضوع

(سوريا بلدنا )

أخ ما أحلاها كامة (انا سوري)

مشكورة كتيرررررررر ع الموضوع
والله بيستاهل تقييم
++++++

من طرف **Altyb RaWad** 04/09/11, 04:57 am

... دخيل هل روتوش انا...؟ لنشوف شو اخرها هل روتوش.. بس شو يعني روتوش .. حسبي الله ونعم الوكيل احسن شي...

كانو رح اخد على خاطري يا زميلي فتى النبيل

من طرف **الفتى النبيل** 04/09/11, 07:19 am

Altyb RaWad كتب: ... دخيل هل روتوش انا...؟ لنشوف شو اخرها هل روتوش.. بس شو يعني روتوش .. حسبي الله ونعم الوكيل احسن شي...

كانو رح اخد على خاطري يا زميلي فتى النبيل

لأ مافي داعي تاخد على خاطرك رائد
أنا وقت عدلت شوي بردك ... عدلت مشانك قبل ما يكون مشان المنتدى
بقى لا تزعل يخليلي ياك

من طرف **ماسه** 04/09/11, 04:05 pm

king of the ring 2011

ياهلاااا نورت

مشكور عمرورك

من طرف **RAGHEB** 04/09/11, 05:39 pm

NAPOLION MARMARITA كتب:ياجماعة انت مشكلتكن مابتشوفوا ابعاد الحكي
وحكيي موجه لكل شخص علق عردي
انا لماحكيت ما الت اني مابحب سوريا ولا بحب شعبا ولا انا طائفي
بالعكس انا بفتخر اني سوري ويلي عم يصير بلوقت الحالي بسوريا بزيدني حب وعشق لسوريا لان سوريا اكبر من يلي عم يصير
انا اصدي انو لو شعبنا فردا فردا بينطلق من نفسو بلدنا جننة علارض
بس اذا اغلبية العالم هاد لبكب محرمة عالارض
وهاد زبالتو عالرصيف
وهاد يلي عم يسرق من شغلو
وهاد
وهاد
وهاد
بس هالشي مابيعني انو في عالم شريفة وبهما وطنا وبتحافظ علي بروحا
اذا شفت انو يلي عديتن انا امور صغير
فالمشاكل لكبيرة تجمع هالمشاكل لصغيرة
انا ماعم قول ما اغلاط ببلدنا بالعكس
بس مو هيك بحلوا
نحنا اخوة ورح نضل اخوة رغم اي شي بيصير
اسلام مسيحية
بس نصيحة لالكن فكروا بيلي بحكي صح ولاتستعجلو بالحكم لان انا مو ولد ومابرمي حكي بالهوا
احلى شباب

بالنسبة للطائفية فالشعب السوري لو في جائزة للتسامح الديني بياخدها بمسلميه وبمسيحيه شوف حي المدينة يلي عنا بحماة كنيسة القديس جورج ثاني اقدم كنيسة بالعالم (بحسب معلوماتي ) تبعد فقط عدت أمتار عن الجامع الكبير رابع مسجد في الأسلام انا اعز صديق عندي وسيبقى هوي انطوان يلي متربي انا وياه من لما كنا صغار بالمدرسة وعندي بالجامعة منار الغالي وهوي من اكتر الناس يلي بحبن وبرتحلن بالجامعة
بس بالنسبة للي عم يسرق من شغلو وعم بزبل بالشارع فلو في قانون عم يطبق عليه ما كان قدر يعمل هيك
بالأمارات مثلا" مخالفة رمي الأوساخ بالطريق 500 درهم خلي اخو اختو يلي يرمي ويزبل
انا زلمة عشت بالأمارات من الصف الثامن لأخدت البكالوريا الشعب السوري ارقى من الشعب الاماراتي ب100 مرة ومافي مقارنة بس شوف الفرق بين شوارعهم وشوارعنا وبتمنى تكون فكرتي وصلت فكر بكلامي وعريف انو مافي بلد بالعالم كلو ملائكة ومدينة افلاطون مدينة خيالية والشعب السوري من اطيب وارقى شعوب العالم من وجهة نظري

من طرف **NAPOLION MARMARITA** 04/09/11, 11:22 pm

ليش مين ال انو مافي قانون بعاقب
بس ليك خدا قاعدة بحياتك لشخص اذا مابدو ينطلق من نفسو مافي شي بيقدر يمنعوا

من طرف **تقوى** 05/09/11, 12:04 am

اول شي رائع الموضوع كيف لا وهو عن سوريا الحبيبة
تاني شي يمكن في نقاش حاد بينكم انا ما بدي ادخل ...بس حبيت قلكن انو بحياتي ما زرت سوريا بس باكدلكن انو ولا مرة سمعت انو في طائفية او في شي غير هيك ....
الشعب السوري شهم وبطل من يوم يومو وكل الناس اخوات
يمكن الراي بين الشخص والشخص بيختلف وهاي بتصير بين الاخوة ببيت واحد يعني عادي ....بس المهم انو بالاخير يضلو اخوة ويتقبلو الراي الاخر ....وما يخلو العصبية تسيطر عليهن
لهيك بوجهلكن تحية الكن جميعا ...والله يخليلكن سوريا ويخلي سوريا الكن لهيك حافظو عليها
حبيبتي سوريا 898673

من طرف **ONK** 05/09/11, 03:07 am

شميت ريحة من راس المنتدى .. بس يبدو القهوة انشربت بغيابي ... :)

المنتدى لو بدنا نتناول فيه وقائع سياسية .. كنا كتير اختلفنا .. ونحنا ما بهالوارد أبدا .. اخوة بنفس البيت بعد هالاحداث عم يتقاتلو .. لهيك أنا بشوف كل واحد يشتغل لسورية ويحب سورية بطريقتو .. طبعا اذا اتفئنا ع فكرة اساسية .. انو كلنا منحب البلد .. وكلنا بدنا نشتغل للبلد ..

من طرف **Altyb RaWad** 05/09/11, 05:10 am

اييي خير انشالله خير
كيفك اونك مانسيانين التحلاية استاذ

من طرف **●•ALaA aDi•●** 05/09/11, 10:31 am

الله ياخدو يلي خربها
وياخد كل واحد يفكر يخربها
سوريا للسوريين
ويلي مو عاجبو
ياكل تراب
مشكووورة على الموضوع
++++

من طرف **ماسه** 05/09/11, 10:30 pm

تقوى ياهلا نورتي الموضوع

ومتل ماسمعتي عن شعب سوريا مظبوط

انا باكدلك انو نحن الشعب السوري ايد وحدة

وماعنا اية طائفية على الرغم من تعدد الاديان

والمذاهب بس مافي احلى من شعب السوري

مو اكتر من اختلاف بوجهات النظر

ولازم تزوري سوريا

وتتعرفي عليها لان قد ماسمعتي عنها مابيوفيها حقها

مشكورة مرورك

من طرف **ماسه** 05/09/11, 10:35 pm

AlaA adi

اكيد سوري للسوريين

وماحدا بيقدر ياخدها منا

نورت الموضوع

من طرف **RAGHEB** 06/09/11, 03:27 pm

NAPOLION MARMARITA كتب:ليش مين ال انو مافي قانون بعاقب
بس ليك خدا قاعدة بحياتك لشخص اذا مابدو ينطلق من نفسو مافي شي بيقدر يمنعوا

حبيبي جورج
اخي جورج
حياتي انت
طول بالك الموضوع مالو موضوع مصيري بالنسبة للقانون فذكرلي النص إذا كان موجود
بدي اسألك سؤال ليش السوريين يلي بالأمارات ما بكبو وسخ بالشارع وما بيرتشو ليش ؟؟؟؟؟ ماهني مو كمان سوريين ولا لما بيطلعو لهنيك بصيرو شي تاني يعني
في فرق بين يكون القانون حبر على ورق وبين يكون عم يطبق فعلا"

حبيبتي سوريا

حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا

رد: حبيبتي سوريا