هل الحجاب يؤخر الزواج

بعد نص ساعة من الكتابة علق الكمبيوتر و راح كل شي كتبته!!

أعتقد إني كتبت:

يسعدني إنك طرحت الموضوع فهو مهم جداً و بالنسبة لي فقد ناقشت العديد من الناس من مختلف الأديان و الأجناس و الألوان... و أذكر عندما كنت في الجامعة كانت إحدى زميلاتي تقول (أن بس إكبر بتحجب) فقلت (ليش؟ ما في داعي، هلأ وقته، أنا شخصيا بس إكبر يمكن شيل الحجاب) طبعا ما رح شيله بس المنطق اللي بتحكي فيه غلط.
الحمد لله أنا محجبة و عن قناعة و هذا بيخليني أقدر على النقاش، ببساطة الحجاب أمر من رب العالمين، بدي ما بدي بقدر ما بقدر الناس المجتمع الحكي، الشعر، البشرة كله بالنهاية سؤال واحد: هل ستنفذين أمر الله سبحانه و تعالى؟

الله يهدينا و يهدي جميع المسلمين و لأجيب على سؤالك: أعتقد اللا حجاب يؤخر الزواج فمعظم الشباب -بين 20 و 35-يفضلون المحجبة عند الزواج و الله أعلم.

عندي بعض القصص التي حدثت معي أو حولي عن هذا الموضوع إذا جاي عبالكم تسمعوا -بالأحرى تقروا- قولوا لي.

أم مهند وسارة
مشكورة ع الرد و برحب فيكي خاصة بأول تماس بيني وبينك
وإذا عدك قصص منسمع(منقرا)ليش لا

والله يا اخي فعلا موضوع يتحمل النقاش بجدارة والاراء مختلفة
انا بالنسبي الي طبعا الحجاب ما بأخر الزواج واعتقد العكس أما اني اتزوج انسانة غير متحجة فكمان مابقول لأ لان هناك الكثير من الناس يختبؤون وراء النقاب كما هناك الكثير من الفتيات الرائعات الغير متحجبات ولكن ادعو الله لهم ان يتحجبو
شكرا للموضوع الجميل ايها المميز خلص بدي سميك المميز اوك؟

برأيي....ومن خلال المجتمع المحيط فيني.....لاء........

الحجاب إلتزام بين المرأة و ربها و المفروض أن يدخل ضمن (الأمر بالمعروف و النهي عن المنكر) و ليس فرض الحجاب على الأخت و الإبنة لأنها بهذا تكرهه و ألآف البنات تضعه و ترفعه كلما سنحت لها فرصة و آسفاه.

من القصص التي أذكرها، إيميل وصلني من صديقة لي ألمانية.
تعرفنا في دمشق و دامت صداقتنا حوالي سنة تشاركنا فيها نفس البيت و تناقشنا بثلاث لغات في مختلف المواضع و منها الحجاب، و طبعاً كانت تسألني إذا سنحت لي الفرصة أن أخلعه فهل سأفعل؟ ألا أحب أن يداعب الهواء على شاطئ البحر شعري؟ كنت أجيب بشكل خفيف الى حدٍ ما، لا لن أخلعه أبداً فالله يراني حيث الناس لا تراني و أما بالنسبة لهواء البحر قلت لها نعم ممكن أخلعه لو تمكنت من إخفاء كل الرجال على الشاطئ، فكانت تضحك. يعني لم أكن (فظة و حاولت أن أكون لطيفة و أترفق في الإجابة. و حاولت أن أغير نظرتها عن المحجبات "اللئيمات، الجاهلات، الجبناء، المتخلفات..الخ" للأسف هذه نظرة الغرب للحجاب، قمع لحرية المرأة!!

المهم الإيميل وصلني بعد عودتها الى ألمانيا قالت فيه أنها و خلال ندوة عن المرأة تم طرح الحجاب بالإسلوب التقليدي، الهجوم عليه، فقامت و دافعت عنه قالت الحجاب ليس قماش على الرأس إنه منهاج حياة أو موقف من الحياة إذا أحسنت الترجمة. قالت أنه لا يمنع و لا يعارض الحرية و لا التعليم و العمل ..الخ.

أسعدتني و أثلجت صدري... و أتمنى أن يرى العالم كله بدءًا منا نحن العرب و الملسمون حقيقة الحجاب.

شو إحكي كمان؟؟
بسرعة بسرعة.
كان عندي صاحبة نرويجية شقراء فارعة الطول باهرة فعلاً جميلة و كانت دائما تشكو من مضايقات الشباب لها في الشارع،علما بأنها تفهم العربية، و بعد عدة لقاءات بيننا، عرفت أنها "تحجبت" لم تُسلم و لكنها وضعت الحجاب و إرتاحت. قالت أنها تشعر بأن الناس تحترمها أكثر!!

badforlife كتب:أم مهند وسارة
مشكورة ع الرد و برحب فيكي خاصة بأول تماس بيني وبينك

أظن أول تماس كأن بموضوع (فلسطيني) مو هيك؟؟ على راسي والله
بس حاج (bad) خليك (cool)
:afro:

رأي ام مهند وسارة رائع جدا كفيتي ووفيتي والله
مشكورة

امير النور كتب:رأي ام مهند وسارة رائع جدا كفيتي ووفيتي والله
مشكورة

العفو :oops:

امير النور
أم مهند وسارة
أمير الاقتصاد
مشكوريييييين ع الردود المقنعة
بس أنو غير باد مستحيل
I WILL STAY BAD FOR EVER
BADBOYFORLIFE
ومشكوريين مرة تانية

السلام عليكم جميعا



اول شي بالنسبة للحجاب ..هاد فرض من رب العالمين ولازم كل بنت مسلمة انها تتحجب

وبالنسبة لسؤالك انو الحجاب ياخر الزواج ...انا بجاوب لا ..او حسب الشخص

بس بالنسبة الي انا مستحيل اتزوج من بنت غير محجبة لان امي واخواتي محجبات والحمد لله

بس انا رح اسال انو شو رايكم ببعض بنات عم يلبسو نصف حجاب وببينو نص شعرهم وعم يشوهو صورة الحجاب

انا برايي بلا يتحجبوا بكون أحسن :twisted: ..او متل بعض بنات عنا بالكلية بدون ذكر اسماء بحطو الحجاب بالشتوية وبشيلو بالصيف قال شو اشم هوى ..يروحو ياكلو هوى احسن:giveup: ..هدول متل ماوصفهم الرسول كاسيات ..عاريات ..وهدول صنف من اصناف النار والعياذ بالله...

بس بدي اذكر شغلة كمان انو في بنات غير محجبات بس والله هني بقمة الاخلاق ..طبعا مع احترامنا لكل الاديان والحريات ومدري شو...``

بدي اشكر الاخ باد على الطرح الحلو ومتل ماقالت ام مهند ليش باد خليك كوووووووووووول على طووووووووول... :lol!:

اولا بدي أشكرك ع الموضوع اللي كتير مهم و حلو
أنا بشوف انو الحجاب ما بأخر الزواج و متل ما قريت ردود الزملاء مشكورين دليل كافي ع هالشي و لو انو ما بالضرورة يكون الكل بنفس الرأي
بس للأسف في بعض البنات ما عم تدرك أهمية الحجاب و حقيقته و انو مانو قطعة قماش تغطي فيا البنت شعرها و بس , الحجاب الو معنى اكبر من هيك بكتير و البنت لازم تتحمل مسؤوليتو

الله يهدي الجميع


شكرا كتيييييييييييير

nicelolo7
مشكور لردك اللطيف

مالو علاقة
بس يبقى الحجاب حرية شخصية
بس لازم مايتأخر
والمهم الاخلاق

ozon
وهي وجهة نظر جديدة مشكور

أكيد لا
الحجاب أمر الله به لنه يعرف ما هو لصالح عباده و ما هو الأفضل
بسم الله الرحن الرحيم ألا يعلم من خلق و هو اللطيف الخبير
صدق الله العظيم
فالحجاب هو لصون المرأة

مشكورة نالان ع الرد الجميل

براي الحجاب حرية شخصية
ومابيكون مقياس ليأخر الزواج اولأ

يعني بصراحة اهم شي الاخلاق ممكن تلاقي حجاب بدون اخلاق وممكن العكس

الله يهدي الجميع

وردة حموية عاشقة كتب:براي الحجاب حرية شخصية
ومابيكون مقياس ليأخر الزواج اولأ

يعني بصراحة اهم شي الاخلاق ممكن تلاقي حجاب بدون اخلاق وممكن العكس

برأيك الحجاب حرية شخصية لا ما بظن أنو الحجاب بعتبر من الحريات
الحجاب من الضروريات

وطبعا الأخلاق شي مهم وهاد موضوع تاني ورح قوم بطرحه قريبا
بس بأكد أنا براي الحجاب ضروري وعدم وجوده بيأخر الزواج

حرية شخصية كيف يعني؟؟ يعني أنا حرّ ما بدي صلي- أنا حرّ ما رح صوم
أنا حرة ما رح أوصل رحمي
إذا هذا باب الحريات الشخصية فـــ و أسفاه

الحرية...توأمها المسؤولية
أصلاً أكبر حرية أن الله سبحانه وتعالى تارك لنا باب الخير و باب الشر و قال إختاروا مع هذه الحرية و أي حرية تأتي المسؤولية... مسؤوليتك عن إختيارك

فرضاً إشتريت جهاز جديد، تلفزيون كمبيوتر موبايل أي شي. فـحتى تعرف تشغله صح، إما بتسأل البائع أو صاحب الخبرة اللي صنعه، بس على الأغلب رح يكون معه كاتالوك تقراه. و لما بيصير معك مشكلة بترجع للكتيب الصغير لتشوف شو الحل. و الله سبحانه وتعالى و -له المثل الأعلى- هو صانع الانسان و الانبياء علمونا كيف نوصل بأنفسنا لأحسن طاقتها و نشغلها منيح و نحميها من التلف و القرآن هو الكتالوك.

ليش نناقش كتير بأمور بديهية.. لأننا أحرار!
و بكامل حريتي.. إخترت الامتثال لله عزّ و جلّ و إرتداء الحجاب، لأنه أعلم بي من نفسي... و أعلم بالناس مني... و الأهم لأنني أحبه كثيرا و أريد رضاه..

أم مهند وسارة
والل مشكورة وجزاك الله ألف خي ع الد القوي والمقنع

انا بقصد بكلمة حرية شخصية انو من الصعب تجبر صبية على انها تحط الحجاب
لانها بههي الطريقة راح تكرهوا
انا الحمد لله طوعيا حطيتوا من التامن
بس لما بيكون الحجاب بالاجبار بعطي صورة مو كتير حلوة عن الدين
هاد طبعا ما بيعني اني ما بعتبر انو فرض
بس بنفس الوقت بدو قناعة

طيب إذا هيك بمون أنا فهمت غلط وأنا بعتذر منك ومشكورة ع المشاركة

الحجاب مو شرط اساسي يعني المهم ترباية والاخلاق و يعني الحجاب لازم البنت هي يلي تقرر تحطو و يعني يكون مقتنعة فية وهي يلي تطلب من اهلها انو تتحجب لانو في كتير من الاهلي بيفرضو عل بناتهون الحجاب وهنى مو مقنعين فية
انا بشو ف انو الحجاب باول عمر البنت احسن يعني يكون عمرها15او16سنة

ازهر الاوى كتب:الحجاب مو شرط اساسي يعني المهم ترباية والاخلاق و يعني الحجاب لازم البنت هي يلي تقرر تحطو و يعني يكون مقتنعة فية
انا بشو ف انو الحجاب باول عمر البنت احسن يعني يكون عمرها15او16سنة

مو شرط أساسي لا
الحجاب شرط أساسي أصلا هو البصون البنت وبصون كرامته وبرأي أول شرط من شروط الأخلاق والتربية الجيدة تحجيب البنت
وبوافقك ع فكرة تحجيب البنت على صغر
مشكور