ريبورتاج اليوم عن مادة الاقتصاد السياسي

من طرف **الـمعـتز باللــــ?** 31/01/10, 06:38 pm

استفتحنا الخير من دخولنا للكلية لتأدية واجب صلة الرحم لجيرانا كلية التربية فبعد النظر الى جدول حضور الطلاب في قاعات الامتحان لتأدية مادة الاقتصاد السياسي أصبح من الواضح ان الطلاب موبس بالكلية رح تقدم لأ ورح نستعير قاعات الجيران والحمد لله عنا جيران لولا هيك كنا قدمنا عالسطح مثلا؟ الله يعلم

وهلأ رح نحكي عن مزايا مادة الاقتصاد السياسي:

أول شي لما رح تكون طالب مستجد مغرور وفرفور وحلو رح تتعلم كم شغلة:

1- رح تتعلم الدقة في المواعيد لان اذا بدك تفوت بعد الدكتور بدك تكون مجهز حالك انك تصير طرفة قدام رفقاتك طبعا مو دوما وخود بالك الشكل واللبس وموديل الشعر رح يكون الو تأثير على شكل الطرفة سلبا أو ايجابا.

2- رح تتعلم مصطلحات موبس بالاقتصاد السياسي ورح تكّون فكرة عن نظريات كانت تدرس اول مرة عام 1986( طبعا معناها ايمت تأفت هالنظريات؟) المهم يعني انت هلأ حتصير من الباحثين التاريخيين في علم الاقتصاد ويانيالك عند ربك من الثواب.

3- رح تتعلم الانضباط التام لان الغلطة بكفرة واكيد اذا غلطتت حيصير الك لقب هدية مارح تنساه طول تاريخ دراستك (اذا مو بعد) ورح تسمع كلمة يضحكو عليك كل رفقاتك وحتى اللي مابدو يضحك لازم يعبر عن مساندتو وموفقتو بالرأي فلازم يضحك والاكمان حيسمع كلمة يعني باختصار الظرافة وحلاوة الدم خليها لبعدين.

ثانياً عند تحضيرك للمادة قبل الامتحان:

طبعا اول شي بعد ما الطلاب السابقين رح يعطوك فكرة شاملة ودفعة معنوية هدّامة رح تروح حضرتك تحكي لاهلك عن هالمادة وعن معاناة الطلاب فيها تحسّباً مشانا اذا رسبت بتكون ممّهد الطريق المهم رح تتمتّع بكتير مزايا:

1- احتمال تصير شاطر ببقية المواد الفصلية بعد ماتكون كوّنت فكرة مسبقة انك رح تحمل المادة لان بهالحالة رح يكون في مادة محجوزة مسبقا وبالتالي رح يدور براسك ان ماعندك غير 3 مواد مسموح ترسب فيهن وبجوز يستمر هالشعور معك اكتر من سنة.

1- أثناء دراستك للمادة لازم تتعلم تحافظ عكتبك لان هالكتاب حيكون رفيقك لفترة طويلة انتبه ماتخسرو وبتصير شطور اليّ بجلدو واليّ بيعمللو راصور وياسلام على هالكلام.

2- لما بتكون عم تدرس وحدا من أهلك متعود يطلب منك شي بمجرد يشوف الكتاب بايدك رح يلغي كل طلباتو ورح يعمم عالكل لاحدا يزعج الشطور عم يدرس اقتصاد سياسي وأكلك وشربك وتيابك ومصروفك كللو بيجي لعندك انت لاتاكل هم شي.

رح تحصل على دلال من أمك وابوك مسبوق النظير وقت رح شوفوك رايح جاي بالكتاب ورح يشوفو فيك جهاد العلم ورح يتخيلوك وانت عم تسمع لحالك كيف حتصير دكتور مهم بالمستقبل.

3- يوم المادة اكيد رح يقولولك خلص فوت نام عبكير وارتاح مشان ماتتشابك اللافكار براسك (طبعا ماعندن خبر ان الفكرة الجديدة عم تمسح كل شي قبلها) المهم حيطلبو انك ترتاح وتصور رغم انك نايم حيكون في حدا سهران عم يدعيلك طووول الليل.

وهلأ منجي لزايا هالمادة الخفيفة عالقلب لصباح الامتحان:

أول شي رح تحس ان الدوام بلش لان حيكون في زحمة بالكلية ورح تلتقا بكل الاحباب ومن جميع السنوات بعد انقطاع فترة الدراسة والامتحانات اللي قبلها فحيكون يوم لقاء الأحبّة.

وهلأ انت فتت عقاعة الامتحان وتوزعت ورقة الاسئلة:

1- رح تشعر بحاجتك لزيارة طبيب امراض عقلية بعد ماتقول ياالله هالشغلات كلها مارقة معي بس كيف بدّي بلّش وفي اسئلة رح تحرّك محرّك البحث بعقلك الباطن وتسأل ياترى هالسؤال من وين؟؟؟ وبالتالي بتكون المادة لفتت انتباهك لحاجتك لزيارة الطبيب قبل مايتفاقم الوضع.

2- طبعا اعادة ورقة الاسئلة و بعد اجراء عملية حسابية مسبقة انك هلأ بعد ماتكتب كل اللي براسك وتتفاجأ انك ماحتوصل لعلامة الخمسين رح تحط الورقة من ايدك وبالتالي رح تقررماتكتب لان المادة غالبا بتكون اخر مادة وبتكون ايدك واجعتك فبتقول يلا با مانكتب مادام النتيجة وحدة بس انتبه لازم تكسر بياض الصفحة مشان ماينفض عليك غرامة تسليم ورقة فارغة.

- ومن الجدير بالذكر انك رح تحصل على فرصة رائعة مقطوعة النظير بأنك رح تقعد مع حالك بين مايصير نص الوقت وتقدر تتطلع تنفس وبهالحالة رح يكون عندك فرصة تراجع ذكرياتك وتراجع تصرفاتك وتراجع الماضي وتفكّر بالمستقبل.

وأهم شي بدي الفت نظركم الو بعد كل هالكلام:

هالحكي بصير مع الطالب اللي ماكان عندو وقت يدرس المادة ومنحكي اللي علينا كمان بصراحة اللي بيدرس المادة صح من أول مرة بطالعها والمشكلة مشكلة وقت لان اذا ماطالعها الطالب مابقا رح يصير عندو وقت يدرسها متل العالم الا اذا رسب وهالحكي جد الجد وأنا شخصيا كنت اتمتع فعلا بالحضور والدكتور المسؤول عن المادة فعلا وبكل جدية يستحق الاحترام وله كل التقدير.

ودمتم بخير.

من طرف **al-masa** 31/01/10, 11:07 pm

الموضوع كتتتير مهضوم
والكلية ليوم كانت بتجنن

من طرف **خالد** 01/02/10, 12:05 am

موضوع حلو أمير النور, بتعرف بشو ذكرني يوم الاقتصاد السياسي... ذكرني بحفلة التعارف يلي وعدنا الدكتور فيها, وهلأ نفذ الوعد ريبورتاج اليوم عن مادة الاقتصاد السياسي Icon_farao

من طرف **b a s e m** 01/02/10, 12:42 am

من طرف **الـمعـتز باللــــ?** 01/02/10, 03:23 am

al-masa كتب:الموضوع كتتتير مهضوم
والكلية ليوم كانت بتجنن

اهلا اخت الماسة نورتي والكل كان مبسوط اليوم ولا كأن في فحص

من طرف **الـمعـتز باللــــ?** 01/02/10, 03:29 am

خالد كتب:موضوع حلو أمير النور, بتعرف بشو ذكرني يوم الاقتصاد السياسي... ذكرني بحفلة التعارف يلي وعدنا الدكتور فيها, وهلأ نفذ الوعد

أهلا اخ خالد وصحي تنفذ الوعد بشكل اااخر بس النتيجة وحدة وتنذكر ماتنعاد المادة اما الذكريات والزملاء انشالله دوم مبسوطين

من طرف **الـمعـتز باللــــ?** 01/02/10, 03:35 am

pipo408 كتب:

اهلا وسهلاااااااا نورت

من طرف **Hamadah** 01/02/10, 05:25 am

أحلى شي بالأقتصاد انك بتلتئى مع كل رفئاتك

من طرف **Be Nice** 01/02/10, 06:48 am

موضوع كتييييير حلو , ذكرني بايام السياسي هههههه
كل كلمة فيه مظبوطة و تستحق التقييم
يسلمو :D

من طرف **THE FRIEND** 01/02/10, 07:20 am

بالتوفيق لكل يلي قدمو الاقتصاد سياسي... موضوع ظريف مشكور أمير النور

من طرف **الـمعـتز باللــــ?** 01/02/10, 05:03 pm

اخ محمد زاهر
اخت نايس
اخت دافريند
نورتووووو

من طرف **ميمو** 01/02/10, 05:14 pm

مشكور امير النور موضوع جدا رائع وكلمات من الواقع فعلا
كان جو الفحص مبارح حلو و بيضحك لانك شفت عالم بتعرفن وعالم اول مرة بتشوفن فعلا حفلة تعارف
الحلو بالاقتصاد انو همك مشترك مع كل الطلاب وهذا بيشجع الطلاب مايدرسوا بيقولوا وقفت علينا الكل راسب بالمادة
وبفضل هالمادة تشجعت السياحة بحماة
واخيرا انشالله الكل بينجحها وحاجة بقى لازم نخلص من وهم الاقتصاد السياسي

من طرف **GOOD MAN** 01/02/10, 06:24 pm

والله يا معتز أنا رحت ع الهيئة الأدارية و طالبة بإلغاء حفلة التعارف

لأن يوم أمتحان الفصل شفت عالم أول مرة بشوفها

من الأولى للرابعة و الله لو كانت حفلة أو رحلة مجانية

ما بيجي عليها هيك عدد

و الله وضع سخيف و بيخجل وبرأي الكلية لازم تلاقي حل لهل المادة

مشكور معتز

من طرف **ozon** 01/02/10, 08:26 pm

هههههههههه
والله الموضوع المناسب بالمكان المناسب

كأن الك شهرين عم تحضر لهيك موضوع

مشكور عزوز

بس كأنك مبدع بهالفحص

من طرف **ONK** 02/02/10, 12:33 am

لهلهلهلهلهلهلهلهله
كنت جاي قيملك الموضوع .. لو ماقريت آخر فقرة ..

ريبورتاج اليوم عن مادة الاقتصاد السياسي Lol

من طرف **الـمعـتز باللــــ?** 02/02/10, 05:05 am

الاخت ميمو
اخي عبد الله
اخي مصطفى الاخ اونك

مشكورن لمروركم
نورتووووو
اونك راح علي التقييم؟ بدك منحذفها هههه

من طرف **أسير الصمت** 02/02/10, 05:17 am

مشكور أميرو على الموضوع

الحمد لله كان في جيرانا التربية بس أنا بظن السنة الجاية رح يكون جيرانا البيطرة

بس على فكرة هي المادة مالازم الواحد يرفعا من أول دورة

لآن إذا رفعا بيخسر كل المعلومات يلي قالها أمير

يالا الاسف على يلي بطالعا من أول دورة لآن خسر

وشكرا

والله الحكي يلي حكاه أمير صحيح كلشي ببلش فيها من أول برفعا ويلي بيهملا بيرسبا

متل ماصار معي ومع الاغلبية

وشكرا

مع تمنياتي بالتوفيق والنجاح للجميع بالاقتصاد السياسي وغيرها من المواد

من طرف **الفتى النبيل** 02/02/10, 06:45 pm

الله عليك يا أمير النور
فعلاً كلامك صحيح ههههههههههههه

بس بتبقى هالمادة رائعة رغم كل المعاناة يلي بمر فيا الطالب لحتى ينجح فيا

و عفكرة السبب الأساسي لصعوبة هالمادة أنها بتحوي أفكار بتشمل كل علم الاقتصاد و بكل سنة بكون في مواد بتتعمق بأحد الدروس بالاقتاد السياسي

مشكور أمير النور ... موضوع رائع

من طرف **economic student** 02/02/10, 07:28 pm

الموضوع حلو كنير وحطيت إيدك عالجرح يازميل بس المصيبه انو تكون آعد بالقاعه وعم تعصر مخك وماتتزكرشي والناس اللي حواليك نازليين كتابه وبعد ماتفقد الأمل من تزكر شي وتطلع من القاعه يطلعلك حدا بوشك ويئلك شو هالأسئله كتييير سهله

من طرف **GOOD MAN** 02/02/10, 07:42 pm

عادي صارت معي كتير

من طرف **الـمعـتز باللــــ?** 02/02/10, 07:58 pm

أســــــــــــيـــــــــر الصمت رأيك بمحلو
أخي حســـــــــــان طولت الغيبة وانا في انتظارك وشكرا لرأيك
الزميلة طالبة الاقتصاد مرحبا بك وبعليقك فعلا شي بيغيظ اوقات لما الواحد بيطلع وبقولو شو هالاسئلة السهلة
نورتو بمروركم جميعا

من طرف **Salam** 03/02/10, 11:19 pm

ههههههههه الله يعينكم ويوقف معكم هي متل المعلوماتية الحيوية عنا رفيقة الدرب من السنة التانية للخامسة هههههههه ..

يسلموووو ..

من طرف **الـمعـتز باللــــ?** 04/02/10, 01:18 am

هلااااااااااااااااا سلام نورتي واله يعينا ويعينكم

من طرف **Bushra** 04/02/10, 02:18 am

يسلمووووووووووووو الموضوع كتييييييييييير حلو انا للأسف ما قدمت مادة الاقتصاد السياسي هاد الفصل لأن متاكدة أنها راسبة ففضلت اني سافر لعند اهلي أحسنلي بس على هالحكي شكلو هاد اليوم كان غير عن السنة الماضية و الله شهيتوني اني كون مقدمتها

من طرف **الـمعـتز باللــــ?** 04/02/10, 05:55 am

Bushra كتب:يسلمووووووووووووو الموضوع كتييييييييييير حلو انا للأسف ما قدمت مادة الاقتصاد السياسي هاد الفصل لأن متاكدة أنها راسبة ففضلت اني سافر لعند اهلي أحسنلي بس على هالحكي شكلو هاد اليوم كان غير عن السنة الماضية و الله شهيتوني اني كون مقدمتها

اهلا اخت بشرى انشالله مايكون سبب عدم تقديم المادة النظرة المسبقة من الطلاب
بتمنى تقدميها الفصل القادم وترفعيها بس اعطيها شوي من وقت مابتخوف ابدا والدورة الجاي انشالله تنبسطي بالتقديم وبالنتيجة وبالسلامة
نورتي

ريبورتاج اليوم عن مادة الاقتصاد السياسي

ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي