ريبورتاج اليوم عن مادة الاقتصاد السياسي

من طرف **الـمعـتز باللــــ?** 31/01/10, 06:38 pm

تذكير بمساهمة فاتح الموضوع :

استفتحنا الخير من دخولنا للكلية لتأدية واجب صلة الرحم لجيرانا كلية التربية فبعد النظر الى جدول حضور الطلاب في قاعات الامتحان لتأدية مادة الاقتصاد السياسي أصبح من الواضح ان الطلاب موبس بالكلية رح تقدم لأ ورح نستعير قاعات الجيران والحمد لله عنا جيران لولا هيك كنا قدمنا عالسطح مثلا؟ الله يعلم

وهلأ رح نحكي عن مزايا مادة الاقتصاد السياسي:

أول شي لما رح تكون طالب مستجد مغرور وفرفور وحلو رح تتعلم كم شغلة:

1- رح تتعلم الدقة في المواعيد لان اذا بدك تفوت بعد الدكتور بدك تكون مجهز حالك انك تصير طرفة قدام رفقاتك طبعا مو دوما وخود بالك الشكل واللبس وموديل الشعر رح يكون الو تأثير على شكل الطرفة سلبا أو ايجابا.

2- رح تتعلم مصطلحات موبس بالاقتصاد السياسي ورح تكّون فكرة عن نظريات كانت تدرس اول مرة عام 1986( طبعا معناها ايمت تأفت هالنظريات؟) المهم يعني انت هلأ حتصير من الباحثين التاريخيين في علم الاقتصاد ويانيالك عند ربك من الثواب.

3- رح تتعلم الانضباط التام لان الغلطة بكفرة واكيد اذا غلطتت حيصير الك لقب هدية مارح تنساه طول تاريخ دراستك (اذا مو بعد) ورح تسمع كلمة يضحكو عليك كل رفقاتك وحتى اللي مابدو يضحك لازم يعبر عن مساندتو وموفقتو بالرأي فلازم يضحك والاكمان حيسمع كلمة يعني باختصار الظرافة وحلاوة الدم خليها لبعدين.

ثانياً عند تحضيرك للمادة قبل الامتحان:

طبعا اول شي بعد ما الطلاب السابقين رح يعطوك فكرة شاملة ودفعة معنوية هدّامة رح تروح حضرتك تحكي لاهلك عن هالمادة وعن معاناة الطلاب فيها تحسّباً مشانا اذا رسبت بتكون ممّهد الطريق المهم رح تتمتّع بكتير مزايا:

1- احتمال تصير شاطر ببقية المواد الفصلية بعد ماتكون كوّنت فكرة مسبقة انك رح تحمل المادة لان بهالحالة رح يكون في مادة محجوزة مسبقا وبالتالي رح يدور براسك ان ماعندك غير 3 مواد مسموح ترسب فيهن وبجوز يستمر هالشعور معك اكتر من سنة.

1- أثناء دراستك للمادة لازم تتعلم تحافظ عكتبك لان هالكتاب حيكون رفيقك لفترة طويلة انتبه ماتخسرو وبتصير شطور اليّ بجلدو واليّ بيعمللو راصور وياسلام على هالكلام.

2- لما بتكون عم تدرس وحدا من أهلك متعود يطلب منك شي بمجرد يشوف الكتاب بايدك رح يلغي كل طلباتو ورح يعمم عالكل لاحدا يزعج الشطور عم يدرس اقتصاد سياسي وأكلك وشربك وتيابك ومصروفك كللو بيجي لعندك انت لاتاكل هم شي.

رح تحصل على دلال من أمك وابوك مسبوق النظير وقت رح شوفوك رايح جاي بالكتاب ورح يشوفو فيك جهاد العلم ورح يتخيلوك وانت عم تسمع لحالك كيف حتصير دكتور مهم بالمستقبل.

3- يوم المادة اكيد رح يقولولك خلص فوت نام عبكير وارتاح مشان ماتتشابك اللافكار براسك (طبعا ماعندن خبر ان الفكرة الجديدة عم تمسح كل شي قبلها) المهم حيطلبو انك ترتاح وتصور رغم انك نايم حيكون في حدا سهران عم يدعيلك طووول الليل.

وهلأ منجي لزايا هالمادة الخفيفة عالقلب لصباح الامتحان:

أول شي رح تحس ان الدوام بلش لان حيكون في زحمة بالكلية ورح تلتقا بكل الاحباب ومن جميع السنوات بعد انقطاع فترة الدراسة والامتحانات اللي قبلها فحيكون يوم لقاء الأحبّة.

وهلأ انت فتت عقاعة الامتحان وتوزعت ورقة الاسئلة:

1- رح تشعر بحاجتك لزيارة طبيب امراض عقلية بعد ماتقول ياالله هالشغلات كلها مارقة معي بس كيف بدّي بلّش وفي اسئلة رح تحرّك محرّك البحث بعقلك الباطن وتسأل ياترى هالسؤال من وين؟؟؟ وبالتالي بتكون المادة لفتت انتباهك لحاجتك لزيارة الطبيب قبل مايتفاقم الوضع.

2- طبعا اعادة ورقة الاسئلة و بعد اجراء عملية حسابية مسبقة انك هلأ بعد ماتكتب كل اللي براسك وتتفاجأ انك ماحتوصل لعلامة الخمسين رح تحط الورقة من ايدك وبالتالي رح تقررماتكتب لان المادة غالبا بتكون اخر مادة وبتكون ايدك واجعتك فبتقول يلا با مانكتب مادام النتيجة وحدة بس انتبه لازم تكسر بياض الصفحة مشان ماينفض عليك غرامة تسليم ورقة فارغة.

- ومن الجدير بالذكر انك رح تحصل على فرصة رائعة مقطوعة النظير بأنك رح تقعد مع حالك بين مايصير نص الوقت وتقدر تتطلع تنفس وبهالحالة رح يكون عندك فرصة تراجع ذكرياتك وتراجع تصرفاتك وتراجع الماضي وتفكّر بالمستقبل.

وأهم شي بدي الفت نظركم الو بعد كل هالكلام:

هالحكي بصير مع الطالب اللي ماكان عندو وقت يدرس المادة ومنحكي اللي علينا كمان بصراحة اللي بيدرس المادة صح من أول مرة بطالعها والمشكلة مشكلة وقت لان اذا ماطالعها الطالب مابقا رح يصير عندو وقت يدرسها متل العالم الا اذا رسب وهالحكي جد الجد وأنا شخصيا كنت اتمتع فعلا بالحضور والدكتور المسؤول عن المادة فعلا وبكل جدية يستحق الاحترام وله كل التقدير.

ودمتم بخير.

من طرف **الـمعـتز باللــــ?** 04/02/10, 05:55 am

Bushra كتب:يسلمووووووووووووو الموضوع كتييييييييييير حلو انا للأسف ما قدمت مادة الاقتصاد السياسي هاد الفصل لأن متاكدة أنها راسبة ففضلت اني سافر لعند اهلي أحسنلي بس على هالحكي شكلو هاد اليوم كان غير عن السنة الماضية و الله شهيتوني اني كون مقدمتها

اهلا اخت بشرى انشالله مايكون سبب عدم تقديم المادة النظرة المسبقة من الطلاب
بتمنى تقدميها الفصل القادم وترفعيها بس اعطيها شوي من وقت مابتخوف ابدا والدورة الجاي انشالله تنبسطي بالتقديم وبالنتيجة وبالسلامة
نورتي

من طرف **ozon** 04/02/10, 08:52 pm

هلق هاي مادة بينحكا فيا
حرام عليكن

شو بدكن اسهل من هيك

لسا القادم اصعب

من طرف **الـمعـتز باللــــ?** 05/02/10, 07:21 pm

انا اخدت فكرة عن هالموضوع ومعك حق
نورت ابو صطيف

من طرف **أمير الاقتصاد** 05/02/10, 10:54 pm

لازم تسمي هالموضوع "معلقة الاقتصاد السياسي".......شو هاد يا معتز.....والله شي مرتب ومنمنق..أكيد عم تحضر للموضوع من شهرين متل ما قال أوزون......هههه

أنا يوم فحص الاقتصاد السياسي كنت بالكلية "مشان هيك كان الجو بيجنن يا الماسة....هههه أنا كتير متواضع" وشفت الشباب واطمنت عنهم....والحلو بالمادة فعلا أنو عم تجمع الطلاب من كاااافة السنوات الدراسية....بساعة واحدة....شو بدكم أحسن من هيك.....العالم عم تدفع مصاري ليجتمعوا هيك جمعات...نحنا عم نجتمع ببلاش....

شكرا معتز......من أجمل المواضيع التي قرأتها منذ اشتركت أنا في هذا المنتدى....

من طرف **سيدرا** 06/02/10, 01:13 am

كتتتتتتتيييييييييييييييييييييييييير مهضوووووووووووووووم

تشكرات

من طرف **الـمعـتز باللــــ?** 06/02/10, 11:02 pm

أخي أمير الاقتصاد جملتك (من أجمل المواضيع التي قرأتها) عطتني اكتر من حقي بجد وكتير انبسطت فيها
ورأيك بمحلو وشكرا لمرورك
الاخت سيدرا نورتي بجوز قبل الفحص مالاحظتي الرغبة في التكلم عن هالمادة هيك بس هاد اللي طلع معي بعد الفحص نورتي سيدرا

من طرف **ozon** 07/02/10, 01:07 am

هاي على تلت مرات وهيك

بالمرة الرابعة

شو يمكن يطلع معك

من طرف **GOOD MAN** 07/02/10, 01:17 am

الله يعينا و يصبرنا أحسن شي

من طرف **الـمعـتز باللــــ?** 30/06/10, 02:32 pm

لك اااااااااه اااااه يا شباب والله رح طق 70 علامة حافظن بصم بس ذاكرتي انسحت
يلعن اخت هالحالة مع هالمادة
لعما انا رسبت فيا من الخوف هالفصل

من طرف **الـمعـتز باللــــ?** 30/06/10, 02:35 pm

1- رح تشعر بحاجتك لزيارة طبيب امراض عقلية بعد ماتقول ياالله هالشغلات كلها مارقة معي بس كيف بدّي بلّش وفي اسئلة رح تحرّك محرّك البحث بعقلك الباطن وتسأل ياترى هالسؤال من وين؟؟؟ وبالتالي بتكون المادة لفتت انتباهك لحاجتك لزيارة الطبيب قبل مايتفاقم الوضع.
بالضبط مشكور أمير النور صرت اشكر حالي والله جانن

من طرف **M A N A R** 30/06/10, 09:06 pm

مشكوووووووووووووووووووووووووووووور امير

مارح نحكي اليوم بكراج حمص

ماشاء افواج سياحية

كل شلة شي 6 ااو 7 مع بعضهم

او المنظر بالكلية ياعيني شي حلو

تقولوا مثل اول لقاء بالمدرسة الابتدائية

كل واحد فرحان على طريقتو هههههههههههههههههههههههههههههههههههههه

والاحلى من هيك يلي مضيع قاعته او اسمه

مو عرفان لله وين حاطوا

من كثر مادارس المادة على اساس

المهم هم وقدمناه

لله يوفقنا جميعنا

ويجعلنا من الناجحين

بدي انجح بها

وبعد الفحص كل واح طلع مبسوط ماشاء بياخذ 100

بس ايمت طلعنا شي 9:30

كل واحد رجع على بيته وهو يدعي لربه انو ينجح بها

من طرف **الـمعـتز باللــــ?** 01/07/10, 04:36 pm

خخخخخخ والله انا 11 كنت بفرشتي كان وقتها خلص الامتحان
يازلمي جد انجلطط مبارح ولهلأ صافن ليش صار معي هيك
بس قدر الله وماشاء فعل
الحمد لله

من طرف **ozon** 05/07/10, 01:30 am

بسيطة ولو
معك معك بتكتسب خبرة

ريبورتاج اليوم عن مادة الاقتصاد السياسي

ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي

رد: ريبورتاج اليوم عن مادة الاقتصاد السياسي