لنصنع مقالة تعبر عن همومنا

من طرف **الفتى النبيل** 06/10/10, 07:30 pm

من أول يوم افتتحنا فيه المنتدى ولهلأ كتير انطرح مواضيع عم تحكي عن همومنا و مشاكلنا
عالم كانت مؤيدة و عالم كانت معارضة
واسينا بعض كتير
بس النتيجة كانت ولا شي والسبب أنه ماحدا مننا بيطلع بإيده شي و يلي بيطلع بإيده شي ما شاف شي من كلامنا هون ههههههههه

و الحل أنه نحن بالمنتدى نصيغ مقالة معبرة توضح همومنا و مشاكلنا و ندعمها بالصور و أنا بوصلها لاتحاد الطلبة ينزلها بمجلة الغد ... و أكيد رح تنزل .. باسم أعضاء منتدى الاقتصاد
بقا بدي منكن تطرحوا مشاكلكن بشكل حلو خرج ينزل بالمجلة و مشرف نادي اللغة العربية رح يصيغها كلها بالشكل المناسب ونوصلها لإدارة المجلة
و هيك أكيد كلامنا رح يكون مسموع

يلا زملائي و زميلاتي حاولوا خلال 10 أيام تكونوا طرحتوا كل المشاكل هون بالموضوع مشان ما نتأخر بتنزيل المقالة.

سلاااااااااام

معتز
المقالة رح تكون تكون تحت عنوان عريض باسم كلياتنا
و رح يكون فيا عناوين فرعية
1 ــ المواد الدراسية
2 رفاهية الطلاب
3 ــ لسا البواب مفتوحة شباب عطونا آراءكم

من طرف **الـمعـتز باللــــ?** 06/10/10, 07:54 pm

حلوة كتير الفكرة ومنكم نستفيد
طبعا عندي كتير افكار براسي واستفسارات واقتراحات وانا مستعد ينزل الموضوع باسمي اذا بدكن وعلى مسؤوليتي الشخصية لهيك احكو شو في براسكن
وفي الانتظار

الفتى النبيل: لا معتز المقالة رح تنزل باسم أعضاء المنتدى
و شدلنا همتك بوظيفتك الجديدة

من طرف **الـمعـتز باللــــ?** 06/10/10, 08:00 pm

اول شي بدي احكي عن تسلط المواد
بالنسبة للسنة الاولى مادة الرياضيات العامة في بية كليات الاقتصاد الطلاب مابيعرفوها مو لان ماعندن مبلا بس لانها مادة مفروغ منها ومادة معدل انا هلأ سنة تالتة ومفروض كون رابعة ولسا عندي ياها
مادة الاقتصاد السياسي في اقتصاد اللاذقية غير موجودة نحنا عنها ياها عقدة وبكل فخر
مادة لاحصاء والتطبيقي في حلب من مواد السنة التالتة
ياريت ياجماعة تطلعو على بقية الكليات موبس نحكي همومنا لسبب واحد لان همومنا فعلا سببها سوء تقدير ورح تلاحظو هالشي ببقية الكليات
ولحديثي بقية......

من طرف **M A N A R** 06/10/10, 08:05 pm

الرياضيات نساها لانو رح تنجح فيها انا وعدتك نجاحها عندي وصار من مسؤوليتي

بس بدك تدرس عمو وماتقلي هي بعرفها وهي بعرفها ورح تجيب معدل فيها

والحلوان مابدي لله يسامحك فيه لانو نجاحك فيها هو الحلوان

بالتوفيق واول ماتفضى خبرني مشان نكسحها للرياضيات

بالتوفيق

===============================

حسان مشكور على فكرة الموضوع كنت بدي رد فورا بس اجلت قليلا

من طرف **sad eyes** 06/10/10, 08:05 pm

الفتى النبيل الموضع بيستاهل أن يرفع له القبعه
بالفعل لأنو نحنا بحاجه يوصل صوتنا لحدى يسمعو
أنا إعتراضاتي كتبتا بموضوع ليش نحنا موطلاب
إعتراض عن البناء وعن المواد

من طرف **Altyb RaWad** 06/10/10, 08:14 pm

شكرا على هل الخطوة الجبارة اخي الفتى النبيل والي بتهم كل طالب اقتصاد
انا ياشباب تعليقي على رفاهية الطلاب نحنا طلاب كلية الاقتصاد كل سنة عم نزيد اكتر واكتر وهاد الشي مو غلط ولكن معقول انو عم نجمع شعبتين بشعبة واحدة .. عم يلتقى بالقاعة فوق 150 طالب والي عم يقعد بالاخير مافي يداعي يفوت لان فعلا مابشوف شي ولا عم يسمع شي ...
شغلة تانية موضوع
موضوع الكفتريا ياشباب نحنا جامعة يعني اسمنا جامعة يعني اقل مايمكن الخدمة والترفيه ياشباب طلعوا على كلية الهندسة بحمص لا بلا كلية البيطرة او اي كلية شوفوا كيف الكفتريا فيا ونحنا يالطيف بس فكرت تنزل على الكفتريا بدك واسطة لتلاقي طاولة ..
شغلة تالثة موضوع
الباحة الموجودة ورا بناء الجامعة نحنا شو مستفيدين منو ولا شي يعني ايام بحسا هل الباحة لطلاب التربية .. طيب يااما يعملونا فيا جنينة صغيرة فيها كراسي ومقاعد وقعدات يااما يعملونا فيا كفتريا تانية بهل الحالة الضغط بخف شوي .

من طرف **Be Happy** 06/10/10, 08:25 pm

الي عودة ...مشكور حسان

من طرف **الفتى النبيل** 06/10/10, 08:51 pm

أهلا بالجميع

ساد أنا شفت اعتراضاتك بهداك الموضوع
بس بدي منك ترجعي تصيغيا بشكل مقالة و تحطيا هون بهاد الموضوع

من طرف **الفتى النبيل** 06/10/10, 09:05 pm

Altyb كتب:شكرا على هل الخطوة الجبارة اخي الفتى النبيل والي بتهم كل طالب اقتصاد
انا ياشباب تعليقي على رفاهية الطلاب نحنا طلاب كلية الاقتصاد كل سنة عم نزيد اكتر واكتر وهاد الشي مو غلط ولكن معقول انو عم نجمع شعبتين بشعبة واحدة .. عم يلتقى بالقاعة فوق 150 طالب والي عم يقعد بالاخير مافي يداعي يفوت لان فعلا مابشوف شي ولا عم يسمع شي ...
شغلة تانية موضوع
موضوع الكفتريا ياشباب نحنا جامعة يعني اسمنا جامعة يعني اقل مايمكن الخدمة والترفيه ياشباب طلعوا على كلية الهندسة بحمص لا بلا كلية البيطرة او اي كلية شوفوا كيف الكفتريا فيا ونحنا يالطيف بس فكرت تنزل على الكفتريا بدك واسطة لتلاقي طاولة ..
شغلة تالثة موضوع
الباحة الموجودة ورا بناء الجامعة نحنا شو مستفيدين منو ولا شي يعني ايام بحسا هل الباحة لطلاب التربية .. طيب يااما يعملونا فيا جنينة صغيرة فيها كراسي ومقاعد وقعدات يااما يعملونا فيا كفتريا تانية بهل الحالة الضغط بخف شوي .

هلا فيك رائد
أرجو أن تدعم كلامك بالصور

من طرف **Altyb RaWad** 06/10/10, 09:15 pm

انشاء الله

من طرف **NAPOLION MARMARITA** 07/10/10, 03:13 am

اعتراضاتنا ليزم نكتبا هون شباب

من طرف **Be Nice** 07/10/10, 03:19 am

حلوي الفكرة كتير
يعطيكون العافية

بشوف شو بيطلع معي ...ع بالي فكرتين هلأ
الي رجعة باذن الله
يسلمو الفتى

من طرف **milan 88** 05/10/11, 09:00 pm

اولا مرحبا ثانيا انا بجوز ما بتكونو تعرفوني كتير لان تعليقاتي نادرة بس انا حبيت اعبر عن رأيي بقصة العلامات اللي بتروح السنة وما بطلعوها دكاترتنا وقصة انو احنا الكلية الوحيدة بسوريا ما فيها ولا مادة اتمتة لان بالصل ما عنا اجهزة اتمتة بينما كليات اصغر منا بكون عندها وتانيا قصة الاقتصاد السياسي اللي ما حدا بيعرف كيف بحلا لازم واحد يفرغ فصل كامل لحتى يرفعا عال60 واللي تترفع معو بقول باركولي تخرجت جد حرام احنا طلاب مو ؟؟؟؟ سلام

من طرف **milan 88** 05/10/11, 09:17 pm

بقبقبق

من طرف **أسير الصمت** 11/10/11, 01:18 am

مشكور كتير حسانو
ويعطيك العافيه على جهودك

____________________________

هلا بكليتنا في كتير شغلات لازم تتغير من بناء ولموضوع الدراسه

البناء كتير صغير وكليتنا اجا الوزير وحط حجر الاساس وله ما بداو فيا
وفي شغله متعلقه بالامتحانات يعني ليش ما باعلمو عن النتائج للمنتدى قبل صدورا
وشغلت نموذج الاسئله مابيعرفو الطالب الا وقت دخولو قاعة الامتحان وبحلب هلا المحاسبات عم يفكرو ياتمتوا ونحنا عنا السياسي او اي ماده نظريه لهلا ماقررو او احدددو ماده ماتمته
وشكل البرنامج بتلاقي ايام مضغوط فيا وايام ببتجي مشان ماده ومشلوفه الساعه 8 او 4
ويكون في شي اسموا خدمات الكترونيه

وشغلات تانيه وتالته ...

وشكرا لجهود كل من قام وقدم لهل المقاله