لماذا نكتم همومنا ...؟؟

يعطيك العافية بلاك
موضوع كتير حلو
وبما اني أعصابي تعبانة كتير بهالفترة
يمكن اكتب شي كتير لحتى اقدر عبر


لماذا يلجأ البعض لكتمان همومه وأحزانه؟!؟
لأن ما حدا رح يفهم عليك أد ما حكيت
ومتل ما بقولو الهم ما بوجع الا صاحبو


للنفس حركة نحن لا نراها .....

ولكن نحسها عبر تعابير الأشخاص

وأحاديثهم التي تعبر عن مواقف نفسية بالغة الغنى والثراء ......
من أكتر الأشياء يلي بكرها بحالي
انو كل احساس بقلبي شو ما كان ببان على وشي
كل الناس يلي بتشوفني بتعرف شو بكون حاسة باللحظة يلي شافوني فيا
يعني ما بقدر خبي بقلبي لا فرح ولا حزن
كلو ببان للناس


ولكن ..... لماذا نختلف .... ؟؟؟

ولماذا يغلق البعض على همومه وأحزانه صندوقاً يدفنه في أغوار قلبه ؟؟؟
هل خوفاً..خجلاً..أم لعدم وجود من نفتح له قلوبنا؟؟
صعب تلاقي حدا بفهم عليك كلشي
بس انا لقيت الحمد الله

يمكن بعض الأشخاص اذا ادايقت تقدر تعبر تماما عن السبب
وبعض الناس (متلي ) صعب توصل الفكرة يلي ببالها للشخص يلي ادامها

من معاناتي بحياتي
اذا حدا زعجني بموقف
كتير بحبس بقلبي
وما بحاول حسس حدا اني مزعوجة بس سبق وقلت ببان على وشي
بس ما حدا بيعرف ليش مزعوجة

لما بنزعج كتير كتير قبل ما احكي لحدا ببكي
اذا حسيت انو البكي ما جاب نتيجة
بفكر احكي لرفيقتي المقربة كتير كتير
(كتير بحب ابكي بين ايدين رفيقتي لأن كتير بتفهمني حتى لو ما حكيت)
بس اصعب شي انو الكلام يضيع وما يطلع بإيدك تعمل شي الا البكي
لأن الكلام بضيع بنص الطريق
كتير مواقف الناس بتجرحكوانت بتكون احساس بقلبك صعب تنقلو لأي شخص مهما كان ومهما حكيت
لأن في شي بالقلب بتقدر تحس في بس ما بتقدر تحكي
(وهاد برأي أصعب شي بالدنيا )
ومريت من فترة قريبة بهيك موقف ولحد الآن بعاني منو
ما عم اقدر وصل الفكرة لحدا

انا بصراحة من النوع الحساس كتير بعرف حالي
بس بالنهاية رح طق وموت وما حدا يعرف ليش متت

مشكور بلاك عالموضوع
فعلاً في كلام كنت من زمان حابة احكي وهلاء اجتني الفرصة
يعطيك العافية وآسفة عالاطالة

الي رجعة باذن الله بلاك
من هون لوقتا ..يسلمو

WHITE WOLF كتب:لماذا يلجأ البعض لكتمان همومه وأحزانه؟!؟

لا احد يكتم اسراره بل الحميع يفصح بها لشخص قريب
والكتمان خوفا لسان الناس السليط


ولكن ..... لماذا نختلف .... ؟؟؟

نختلف كل منا بسبب تعاليمنا في المنزل وطريقة تربيتنا ومعاملة اصدقائنا معنا
وكيفية ونوعية مشاعرنا ومقدرتنا على التحكم بها تجاه الاخرين



لماذا يغلق البعض على همومه وأحزانه صندوقاً يدفنه في أغوار قلبه ؟؟؟
هل خوفاً..خجلاً..أم لعدم وجود من نفتح له قلوبنا؟؟

يغلق البعض على همومه واحزانه لانه يعلم انه لاائدة من استمرار الحديث في لك بسبب ان كل الظروف والاوضاع ضده

كما قلت سابقا خوفا من لسان الناس السليط
وخجلا من مسخرة الخرين عليه
وهنالك دائما يوجد من نفتح له قلوبنا وان لم نجد من نفتح له قلوبنا

فهنالك رجل الدين الذي دائما سنجده منصتا لنا لمساعدتنا روحيا ونفسيا

هلا فيك منار ...مشكور لمرورك ولرأيك ....وان شاء ما بتشوف بحياتك هم ويضل في شخص عم يسمعك ..وينصحك ..

المعتز بالله كتب:ولماذا يغلق البعض على همومه وأحزانه صندوقاً يدفنه في أغوار قلبه ؟؟؟
هل خوفاً..خجلاً..أم لعدم وجود من نفتح له قلوبنا؟؟

هلأ اغلبنا جرب باحد الاوقات يطرح هم من همومه لحدا وغالبا الطرف الاخر بقول اي ولو طول بالك شو صاير؟ وبكون الطرف المهموم حاسس الدنيا مقلوبة فوقاني تحتاني بيجي واحد بقلو شو صاير او طول بالك
طب شو استفدنا؟ بجوز هيك المهموم فوق همو يصير حاسس حالو بدو يفقع
وهالتجارب اكيد صارت كتير وصار الانسان بحط ببالو حدا معين يحكيلو حدا يحاتول يستوعب ويفهم واذا مافهم مايحكي بالموضوع كان مو صاير شي
في اصناف مابتحب تفصح عن اللي بققلبقها هدول بكونو حساسين كتير لدرجة ان احساسن العالي ممكن يقتلن
كل شخص عندو حدا يفهمو لهيك لايكتم مشان صمام الامان ماينفجر
والكتم والحزن الو تاثيرات سلبية جدا عالصحة العامة ياماناس مرضت نفسيا وياما ناس صابها جلطة او انضرب الكبد او هيك
الواحد يحكي همومو ولايكتمها بس يعرف لمين يحكي

مشكور بلاك موضوع حلو

هلا ابو العز ...مشكور لمرورك الجميل ...معك حق معتز ...الله بعين ..منور

water_lily كتب:يعطيك العافية بلاك
موضوع كتير حلو
وبما اني أعصابي تعبانة كتير بهالفترة
يمكن اكتب شي كتير لحتى اقدر عبر


لماذا يلجأ البعض لكتمان همومه وأحزانه؟!؟
لأن ما حدا رح يفهم عليك أد ما حكيت
ومتل ما بقولو الهم ما بوجع الا صاحبو


للنفس حركة نحن لا نراها .....

ولكن نحسها عبر تعابير الأشخاص

وأحاديثهم التي تعبر عن مواقف نفسية بالغة الغنى والثراء ......
من أكتر الأشياء يلي بكرها بحالي
انو كل احساس بقلبي شو ما كان ببان على وشي
كل الناس يلي بتشوفني بتعرف شو بكون حاسة باللحظة يلي شافوني فيا
يعني ما بقدر خبي بقلبي لا فرح ولا حزن
كلو ببان للناس


ولكن ..... لماذا نختلف .... ؟؟؟

ولماذا يغلق البعض على همومه وأحزانه صندوقاً يدفنه في أغوار قلبه ؟؟؟
هل خوفاً..خجلاً..أم لعدم وجود من نفتح له قلوبنا؟؟
صعب تلاقي حدا بفهم عليك كلشي
بس انا لقيت الحمد الله

يمكن بعض الأشخاص اذا ادايقت تقدر تعبر تماما عن السبب
وبعض الناس (متلي ) صعب توصل الفكرة يلي ببالها للشخص يلي ادامها

من معاناتي بحياتي
اذا حدا زعجني بموقف
كتير بحبس بقلبي
وما بحاول حسس حدا اني مزعوجة بس سبق وقلت ببان على وشي
بس ما حدا بيعرف ليش مزعوجة

لما بنزعج كتير كتير قبل ما احكي لحدا ببكي
اذا حسيت انو البكي ما جاب نتيجة
بفكر احكي لرفيقتي المقربة كتير كتير
(كتير بحب ابكي بين ايدين رفيقتي لأن كتير بتفهمني حتى لو ما حكيت)
بس اصعب شي انو الكلام يضيع وما يطلع بإيدك تعمل شي الا البكي
لأن الكلام بضيع بنص الطريق
كتير مواقف الناس بتجرحكوانت بتكون احساس بقلبك صعب تنقلو لأي شخص مهما كان ومهما حكيت
لأن في شي بالقلب بتقدر تحس في بس ما بتقدر تحكي
(وهاد برأي أصعب شي بالدنيا )
ومريت من فترة قريبة بهيك موقف ولحد الآن بعاني منو
ما عم اقدر وصل الفكرة لحدا

انا بصراحة من النوع الحساس كتير بعرف حالي
بس بالنهاية رح طق وموت وما حدا يعرف ليش متت

مشكور بلاك عالموضوع
فعلاً في كلام كنت من زمان حابة احكي وهلاء اجتني الفرصة
يعطيك العافية وآسفة عالاطالة

هلا فيكي ليلي ...يمكن هاد شي كويس انو يظهر على وجهك تعابير قلبك ...يمكن تلاقي دائما حدا مهتم وعم يسألك عن سبب هالتعابير ...يعني اذا كان عندك هم فورا بينفضح قدام اصدقائك ..ويمكن تسمعي منون كلمات يروئكي شوي ...
والله يفرجلك كل هم يا رب ...انتي قولي الله ...
وشو هي اسفة للاطالة ما الموضوع هوي للنقاش والتعبير عن الرأي ..
مشكور عالمرور..منورة

nicelolo7 كتب:الي رجعة باذن الله بلاك
من هون لوقتا ..يسلمو

ومن هون لترجعي الله يسلمك ...بعدين بقلك منورة ...
اهلا وسهلا فيكي ايمتا ما بتحبي

Black End كتب:

لماذا يلجأ البعض لكتمان همومه وأحزانه؟!؟



ممممممم ما كل الاحيان بيجي ع بال الواحد يحكي ..انا من هالناس اذا كنت متدايقة غالبا بحب أكتم حتى لو بان عليي.لان بس حكيت :(







ولكن ..... لماذا نختلف .... ؟؟؟

الناس أطباع و كل واحد بيختلف عن التاني

ولماذا يغلق البعض على همومه وأحزانه صندوقاً يدفنه في أغوار قلبه ؟؟؟
هل خوفاً..خجلاً..أم لعدم وجود من نفتح له قلوبنا؟؟


هلأ ما بظن لا خوف ولا خجل و بظن كل شخص الا ما يكون عندو ناس يرتحلون و رفقة اوا اخوة يحكيلون

بالنسبي الي
احيانا في اشياء بحب احكيا و احيانا لاء ..اكيد ما للسباب السابقة بس في شغلات بحب احتفظ فيا لنفسي او بكون اني ما احكيا احسن


و اذا بدي افتح قلبي بكون لرفقاتي المقربييين كتييييير او ل ماما و احيانا لاخي حسب الوضع يعني :) :) و برتاح لما بحكيلون
و اذا كتمت ببكي شوي و بيمشي الحال و بترجع الامور رواء :)

...

يسلمو بلاك بجد موضوع حلو كتير
شكرن

انا ما بقدر خبي
واذا عندي هم
وما حكيت يمكن طق
بس ما بينحكا لكل الناس

في عالم بستناك عشغلة بشان تشمت
وفي ناس ما بدا هموم فوق هموما


بس الواحد اذا حكا بيرتاح


مشكور بلاك نقاش جميل

لماذا يلجأ البعض لكتمان همومه وأحزانه؟!؟
هلأ هون لشغلة بتتوقف على لشخص وشخصيتو يمكن شخص يحب يشارك الناس همومو ويشاركن همومن ويمكن العكس هلأ انا من النوع يلي بيكتم بس لانسان عندو طاقة محدودة ولما بفضفض لشخص برتاح بس برجع بعد فترة بتتراكم لهموم شوي شوي وبتكون نفسا يلي فضفضتا
في انسانة كتير مهمة بحياتي ألتلي مرة أنو الاختلاف هوي أسا استمرار البشرية
تخيلو انو كلنا منشبه بعض
منختلف عن بعض لنكمل بعض
لان مستحيل تنين بيشبهو بعض يكون في بيناتن اتفاق ووحدة بكلشي بيجي يوم بحسو حالن غلط

ولماذا يغلق البعض على همومه وأحزانه صندوقاً يدفنه في أغوار قلبه ؟؟؟
هل خوفاً..خجلاً..أم لعدم وجود من نفتح له قلوبنا؟؟

في أشخاص بتكون اعدي بجو بسط وكيف بس من جوا كتير متدايقة ومثلا مابدا تنزع فرحة غيرا
انا ليوم متدايق انت ليوم مبسوط
اذا كل شخص فينا بدو يعيش مأساة كل لاشخاص يلي حوالي مصيبة
لان بهالحالة مارح ننبسط ابدا
وفي اشخاص انو افضاء همومن فضائح للاخرين

أتكون أنت عزيزي القارىء من هذه الفئة ......

إذاً ما الذي يدفعك لذلك

هلأ انا متل ماكتبت
ويلي بيدفعني هالشي هوي انو اغلب همومنا الا حلول وحدة لا اكثر
وهي الصمت والصبر والجهد