أخبار رياضة التنس

شو يا شباب مافي بالرياضة بس كرة قدم خلص أنا رح صير نزل أخبار بطولات التنس لأنا عجد لعبة كتير حلوة..... :!:

رح بلش مع بطولة مونتريال بكندا يلي اختتمت اليوم وحقق القب البريطاني آندي موري بعد فوز صعب على الأرجنتيني خوان مارتن ديلبوترو بمجموعتين لمجموعة وحدة 7/6-6/7-6/1- فكانت المجموعة الأولى للأرجنتيني وعنجد كان لعبو رائع بس بآخر المجموعة التانية انصاب بشد عضلي وقدر البريطاني إنو ينهي المجموعة التالتة بسرعة ويحصل على اللقب ليتقدم للمركز التاني بالتصنيف العالمي لتنس محل الإسباني نادال أما دلبيوترو فبنتيجة هل مباراة رح يرجع لتصنيفه الخامس عالمياً محل آندي رودك..... :arrow:

والله صرلي زمان ما تابعت تنس ما عم افضا

بس ليش هيك نادال متراجع
والله هاللاعب خارق
لايكون مصاب
اذا بتعرف شي
قلنا

معك حق أوزون ونادال كان عندو إصابة بالركبة وتعرضلها ببطولة فرنسا المفتوحة وبتذكر إنها أدت لإنسحابه وحقق لقب البطولة فديرر وتقدم بنتيجتها إلى المركز الأول عالمياً ومازال محافظ عليه. وبطولة مونتريال هي أول بطولة شارك فيها نادال بعد الإصابة وطلع من الدور الربع نهائي على يد ديلبوترو وهلق رح يشارك ببطولة سينسيناتي سابع بطولات الماسترز ويلي بدأت بالأمس لنشوف شو رح يحقق ......وانشاله رح نزل أخبار المباريات الأساسية بالبطولة .....

المانتادور وبس
وينك يانادال
دخيل ربك شو بحبك

مشكور يا صاح

مشكور على مرورك ONK ومنيح إنك فرحت بعد هالغيبة .....!
هلق نادال عم يلعب وبس لتخلص المباراة رح نزل أسماء يلي طلعوا على الدور التالت ببطولة سينسيناتي لحد اليوم .

صح وهي إعادة وهي على الملاعب الصلبة والنتيجة المجموعة الأولى لنادال 7/6 وشطوين لشوط بالمجموعة التانية لصاحبنا يلي لابس أزرق وأبيض أول مرة بشوفة بهدول التياب ولهلق ماحدا خسر شوط ارساله ....

والله بالتحديد ما بعرف بس هلق إذا سمعت من المعلق بقلك .

فديرير ـ جيلس سيمون ـ موري ـ إلى الدور الثالث بالبطولة
فرداسكو ـ تسونغا ـ سودلرينغ ودعو البطولة
ديلبوترو لم يشارك بسبب الاصابة ....
نادال ما زال على الطريق ......

شو صار بعدين

مشكورة زميلة......أيهاه انا ما عم بوفت عنادي الرياضة لانو مليت من القدم...
بس التنس تمام....

هلق في بطولات كتير..أنا كنت تابع من قبل بس هلق..ضعت...كل يوم بسمع أنو صار بطولة وفاز حدا..

انا شخصيا بحب لعب جوكوفيتش....لعبو كتير حلو...وهو شب صغير..

THE FRIEND كتب:فديرير ـ جيلس سيمون ـ موري ـ إلى الدور الثالث بالبطولة
فرداسكو ـ تسونغا ـ سودلرينغ ودعو البطولة
ديلبوترو لم يشارك بسبب الاصابة ....
نادال ما زال على الطريق ......

وأنا يا صديقي.....فيني آخد اللعبة؟؟؟؟؟؟ :oops:

أوزون أمير مشكورين على التواصل أونك مشكور على فكرة الهدية
بالرجعة لأخبار البطولة مبارح كان الدور النصف النهائي ةتأهل موري فيديري جوكوفيتش نادال مقابل خسارة اللاعب الفرنسي سيمون المصنف التاسع عالمياً وكمان ودع اللاعب هيوت واللاعب بينيتو ولاعب رابع
أما اليوم فمنافسات الربع نهائي جمعت بالمنافسة الأولى موري وفديرير وكان فديرير أول الواصلين للمباراة النهائية أما المنافسة التانية بين نادال وجوكو مازالت مستمرة لهلق ومنقولة مباشرة وجوكو كسب المجموعة الأولى 6/1 خلال 29 دقيقة أما المجموعة التانية لهلق 5/3 لصالح جوكو .....

أمير الاقتصاد كتب:وأنا يا صديقي.....فيني آخد اللعبة؟؟؟؟؟؟ :oops:

الطليعة لازم تاخذ البطولة

لازم تاخد هالبطولة الطليعة
بس الطليعة يمكن ما تعرف الا عالملاعب الترابية

THE FRIEND كتب:أوزون أمير مشكورين على التواصل أونك مشكور على فكرة الهدية
بالرجعة لأخبار البطولة مبارح كان الدور النصف النهائي ةتأهل موري فيديري جوكوفيتش نادال مقابل خسارة اللاعب الفرنسي سيمون المصنف التاسع عالمياً وكمان ودع اللاعب هيوت واللاعب بينيتو ولاعب رابع
أما اليوم فمنافسات الربع نهائي جمعت بالمنافسة الأولى موري وفديرير وكان فديرير أول الواصلين للمباراة النهائية أما المنافسة التانية بين نادال وجوكو مازالت مستمرة لهلق ومنقولة مباشرة وجوكو كسب المجموعة الأولى 6/1 خلال 29 دقيقة أما المجموعة التانية لهلق 5/3 لصالح جوكو .....

عراسي يا حبيب....والله باينتها اللعبة كتير حلو....طيب فينا نلعبها جماعي..عبر البلوتث....؟؟
عل كل:
فيديرير....يفوز في بطولة تورينتو......صراحة المباراة ما شفتها....بس سمعتها بالأخبار...

بس إلما يعيدوها على الجزيرة الرياضية.....يللا ألف مبروك لفيديرير....

هي بمدينة تورينتو.....صراحة انا انقطعت فترة منيحة عن البطولات......لأنها متل زخ المطر.....خيو المدينة تورينتو.....والبطولة سنسياتي..بس ليش ما باركت لفيديرير؟؟؟؟