أخبار رياضة التنس

تذكير بمساهمة فاتح الموضوع :

شو يا شباب مافي بالرياضة بس كرة قدم خلص أنا رح صير نزل أخبار بطولات التنس لأنا عجد لعبة كتير حلوة..... :!:

رح بلش مع بطولة مونتريال بكندا يلي اختتمت اليوم وحقق القب البريطاني آندي موري بعد فوز صعب على الأرجنتيني خوان مارتن ديلبوترو بمجموعتين لمجموعة وحدة 7/6-6/7-6/1- فكانت المجموعة الأولى للأرجنتيني وعنجد كان لعبو رائع بس بآخر المجموعة التانية انصاب بشد عضلي وقدر البريطاني إنو ينهي المجموعة التالتة بسرعة ويحصل على اللقب ليتقدم للمركز التاني بالتصنيف العالمي لتنس محل الإسباني نادال أما دلبيوترو فبنتيجة هل مباراة رح يرجع لتصنيفه الخامس عالمياً محل آندي رودك..... :arrow:

هي بمدينة تورينتو.....صراحة انا انقطعت فترة منيحة عن البطولات......لأنها متل زخ المطر.....خيو المدينة تورينتو.....والبطولة سنسياتي..بس ليش ما باركت لفيديرير؟؟؟؟

محمود .. فوتتني بستميت حيط ..

مدينة تويرنتو .. بكندا ..
وسنسياتي باوهايو بالولايات المتحدة الامريكية .. ولكن ولاية اوهايو .. تطل على البحيرات العظمى .. وع التأكيد على عدم وجود اي تماس على اليابسة بين هذه الولاية ..
ولكن البطولة (سنسياتي) محسوبة على الولايات المتحدة ..

اذا عندك شي غير هيك .. نورني .. لانك بجد ... خيلتني ..

مع الاخذ بعين الاعتبار .. وجود بطولة تنس في ميدنة تورينتو بكندا للماسترز .. تسمى
بطولة تورنتو ..
ولكن على مايبدو مافي استمرارية بالنسبة لبطولات الرجال .. فلم تقم حتى الان نسخة 2009 للرجال .. والفائز بنسخة 2008 هو الماتادور الاسباني بواقع مجموعتين ل لا شيء على الالماني نيكولاس كيفر .
على صعيد السيدات اختتمت الاحد 23/8 البطولة بمباراة النهائي اللي كان روسي من ( العيار الجميل ) بين شارابوفا وديمنتييفا الرابعة عالميا وفازت ديمنتيفا على شاربوفا بواقع مجموعتين ل لا شيئ

أكيد مبروك لفديرير لقب بطولة سينسيناتي مشكور أمير على الخبر حتى لو خربطت بالاسم أونك مشكور على أخبار التنس الممزوجة بالجغرفيا ..

THE FRIEND كتب:أكيد مبروك لفديرير لقب بطولة سينسيناتي مشكور أمير على الخبر حتى لو خربطت بالاسم أونك مشكور على أخبار التنس الممزوجة بالجغرفيا ..

هلق يا onk فديرير شو دخلو ليش مابدك تباركلو ....
والله كنا عم نشكرك هي أول مرة بسمع بمدينة تورينتو وانشاله دايمأً محمود يخربطك وبعدين تدور ساعة وتجبنا هيك أخبار جديدة ....بس من دون أنا ما رد ردود تخليك تقول ههههههه.....

انا الحئ عليي ..

:(

شو في هلق بطولات
قال في بطولة جديدة

,منكم نستفيد أونك باشا...

أمير الاقتصاد كتب:,منكم نستفيد أونك باشا...

بس وجعتلي راسي ..
فتلت وفتت بستميت حيط .. بدي اعرف شو جاب تورينتو لسنسياتي ..

لا تبقى تعيدا ..

:lol!:

ozon كتب:شو في هلق بطولات
قال في بطولة جديدة

اهم بطولة هلئ ..
بطولة نيو هيفن بامريكا رجال وسيدات
وبالجنسين موصلين على نص نهائي والمتأهلين من الرجال ..
1-ايغور اندريف من روسيا (7)
2-سام كوبري من امريكا على حساب دافدينكو المصنف (1)بالبطولة
3-فيرداسكو الاسباني (2)
4- هالمركز لم يحسم بعد بين .. اكاسوسو من الارجنتين ..وفلوران سيرا من فرنسا


وعند السيدات
1-ايلينا فنسينا من روسيا
2-كارولين فوزنياكي (2) من الدنمارك
3-فلافينا بينيتا من ايطاليا
4-لم تحدد بين كوسنتسوفا الاولى في البطولة وموريسمو التامنة ..

عند السيدات ..
تأهلت موريسمو بفوزا على كوسنتسوفا مجموعتين لمجموعة ..

ONK كتب:انا الحئ عليي ..

:(

لا والله إنت مافي منك....
مشكور على أخبار بطولة نيو هيفن على فكرة المصنفين الأوائل ماشاركو بهي البطولة لأنن عم يستعدو لبطولة أمريكا المفتوحة من بطولات الغراند سلام ....

ONK كتب:

نيو هيفن للعلم .. الجائزة الكبرى 250 نقطة ..
في حين بطولات الغراند سلام .. 1000 نقطة ..
وهلئ فريند رح تعددلنا هالبطولات الخمس الكبرى ..

طبعا اذا ما عندا مانع .. :geek:

الغراند سلام الجائزة الكبرى 2000 أما بطولات الماسترز فهي 1000 نقطة هي صار معي علامة إذا خربطت بالبطولات بعد شوي
الغراند سلام .... فرنسا المفتوحة .. ويمبلدون ..أميركا المفتوحة ..
قطر المفتوحة ....والباقي في قلب الشاعر

يمكنلك غلطتي يا صديقتي ..
من وين جبتي قطر المفتوحة ....!!!
هههههههههههههههههه

هلئ الغراند هني 4 وبالترتيب حسب الاهمية ومجموع الجوائز
عندك استراليا المفتوحة .. نادال 2009 وتقام في ملبورن
فرنسا المفتوحة .. وتسمى بطولة رولاند غاروس وتقام في باريس .. فيدرير 2009
ويمبلدون .. في لندن .. فيدرير 2009
امريكا المفتوحة .. في نيويورك .. لم تقم هذا العام بعد .. فيدرير 2008


وتصحيحا لمعلوماتك فريند .. الفائز في هذه البطولات الكبرى يحصل على 1000 نقطة على سلم التصنيف العالمي ..

وباذن الله .. سوف احاول افراد كل بطولة في رد .. لنشمل جميع جوانبها ..

أنا كتبت قطر بس كنت عم فكر باستراليا :P
بالنسبة لنقاط البطولة بصراحة أنا منك عرفت إنها 1000 ومبين إنك متأكد ...
عنجد كتير حلو إنك عم تتفاعل مع الموضوع وعم تجبنا أخبار عن هالرياضة حتى لو رح تغلبني بهالموضوع يلي أنا نزلتو بس على فكرة كتير حلو هالتعاون :bounce:

ههههههههههههههههههههههههههههههههههه
قطر .. واستراليا .. هني بخربطو ..
هههههههههههههههههههههه

صراحة انا بحب التنس .. بس ما توقعت حالي عم دور وجيب معلومات ..
شفتك مندفعة بالموضوع .. قلت لكن بكرة منئرا آخر الاخبار .. أما شو طلعتي مندفعة
هههههههههههه

طيب .. لترسيخ التعاوين ..
انتي نئي بطولة واحكي عنا .... وانا بنئي بطولة وبحكي عنا ..

أنا رح احكي عن بطولة أمريكا المفتوحة بس لتبلش بصراحة أنا كل المعلومات يلي بنزلها بتكون من خلال التلفزيون هلق بطولة رولاغا روس شفتا وعنجد كانت كتير مميزة ففيني ساعد فيا ورح اترك البداية إلك لشوف كيف بدك تحكي ...

THE FRIEND كتب:أنا رح احكي عن بطولة أمريكا المفتوحة بس لتبلش بصراحة أنا كل المعلومات يلي بنزلها بتكون من خلال التلفزيون هلق بطولة رولاغا روس شفتا وعنجد كانت كتير مميزة ففيني ساعد فيا ورح اترك البداية إلك لشوف كيف بدك تحكي ...

هلئ هيك .. بدك تئضيا على اخبار التلفزيون .....!!!

هلق بلش إنت مع أخبار أول بطولة وبعدين بشوف إذا أخبار التلفزيون ما بتقدي فأكيد رح إسألك من أي موقع عم تجيب الأخبار لحتى أنا جيب الأخبار لأنك بتكون هيك عم تصعبها علي ولازم تساعدني :bounce:

طب .. اليوم بتبلش البطولة .....
خفيااااااااااا

بعدين ليش ما خبرتينا انو نادال صار ترتيبو التلت .. واندي موراي التاني ؟؟

ONK كتب:بعدين ليش ما خبرتينا انو نادال صار ترتيبو التلت .. واندي موراي التاني ؟؟

هيك بدك تزعلني منك أنا من أول يوم خبرتكن إنو نادال صار التالت راجع أخر سطرين من الموضوع الأساسي .
عنجد اليوم بتبلش البطولة بتعرف أي ساعة بدن يبلشو بالنقل إذا بتعرف قلي منشان خفا :D

ههههههههههههههههههههههههههههههه


ثواني لجبلك ياهون ..

بيبلشو بكرة .. سوا .. السيدات والرجال .. عالساعة 6 بتوقيتنا ..

أهم مباريات بكرة .. فيدرير وواحد امريكي اسمو بريتون .. بس هالمباراة الساعة 10
عند السيدات كمان ببلشو الساعة 6

بس على ما يبدو .. النقل بس للرجال .. ومباريات السيدات .. ما حنتابعون للاسف :(