أخبار رياضة التنس

من طرف **THE FRIEND** 17/08/09, 07:19 am

تذكير بمساهمة فاتح الموضوع :

شو يا شباب مافي بالرياضة بس كرة قدم خلص أنا رح صير نزل أخبار بطولات التنس لأنا عجد لعبة كتير حلوة..... :!:

رح بلش مع بطولة مونتريال بكندا يلي اختتمت اليوم وحقق القب البريطاني آندي موري بعد فوز صعب على الأرجنتيني خوان مارتن ديلبوترو بمجموعتين لمجموعة وحدة 7/6-6/7-6/1- فكانت المجموعة الأولى للأرجنتيني وعنجد كان لعبو رائع بس بآخر المجموعة التانية انصاب بشد عضلي وقدر البريطاني إنو ينهي المجموعة التالتة بسرعة ويحصل على اللقب ليتقدم للمركز التاني بالتصنيف العالمي لتنس محل الإسباني نادال أما دلبيوترو فبنتيجة هل مباراة رح يرجع لتصنيفه الخامس عالمياً محل آندي رودك..... :arrow:

من طرف **ONK** 31/08/09, 11:02 am

بيبلشو بكرة .. سوا .. السيدات والرجال .. عالساعة 6 بتوقيتنا ..

أهم مباريات بكرة .. فيدرير وواحد امريكي اسمو بريتون .. بس هالمباراة الساعة 10
عند السيدات كمان ببلشو الساعة 6

بس على ما يبدو .. النقل بس للرجال .. ومباريات السيدات .. ما حنتابعون للاسف :(

من طرف **THE FRIEND** 31/08/09, 11:20 am

معناتها بكرة استنى نتيجة المباراة لأنو على الساعة 10 التوقيت كتير منيح ومناسب
بس والله خايفة ما لحقلك إنت بثواني بتجيب الخبر :lol:

من طرف **ONK** 31/08/09, 11:26 am

لاء خلص .. حاتركلك اخبار الرجال
وانقل اخبار السيدات ..

من طرف **ONK** 01/09/09, 06:41 am

بانتظار اخبار الدور الاول للرجال .. :bounce:

من طرف **ozon** 02/09/09, 03:50 am

فيدرير تاهل بسهولة
غير هيك ما بعرف

من طرف **ONK** 02/09/09, 06:40 am

ما احلاه ما يتأهل ..

بالتوفيق لسافين ..

من طرف **THE FRIEND** 02/09/09, 09:06 am

أوزون مشكور على المشاركة ..أونك بالتوفيق لسافين .
اليوم بعد انتظالر طويل على شاشات الجزيرة أكتشفت إنو البطولة على أبو ظبي ووصلت للقناة الساعة تنتين ونص وكانو وقتا ناقلين ممباراة للسيدات بسخلال المباراة حطو لقطات من المباريات السابقة فقدرت أعر ف إنو جوكو تأهل بثلاث مجموعات وكمان كويري المصنف 22تأهل بنفس النتيجة وفي لاعب تالت بول تأهل للدور التاني وهو مانو محترف ...
وهلق انتهت مباراة موري وجلبيس المتقدم موري بثلاث مجموعات والمباراة كانت معقولة 7/5.
-6/3-7/5 ...
كنت بتمنى إنو البطولة تكون على الجزيرة لأنو المعلقين عندها غير شكل ومنن بتقدر تعرف كل الأخبار عن البطولة من خلال مباراة وحدة أما هدا المعلق خلصت المباراة وما عرفت منو خبر جديد ولك حتى ما عرفت جلبيس شو جنسيتو ..
هدا كل شي عندي لهلق إنشاله ققدر جيب باقي أسماء المتأهلين للدور التالت ..

من طرف **THE FRIEND** 04/09/09, 08:03 am

لأنو ماكان في أي مفاجآت وكل المصنفين الأوائل وصلو للدور التان واستكملو مبارياتن مبارح واليوم فرح نزل مباشرة أسماء الواصلين للدور التالت
جيمس بليك الأمركي المصنف 21 - الإسترالي هويت المصنف31 - اسنر الأمركي - الأمركي وينتن - الإيباني فرداسكو - الألماني هاس 20 - الروسي دافيدنكو - سام كيري 22 ...وأكيد كمان وصل فديرير - موري - نادال - جوكو - آندي رودك - دلبوترو - تسونغا ....
بس للأسف الروسي سافين ودع من الدور الأول على يد النمساوي ميلتسر بالنتيجة 6/1-4/6-3/6-4/6...

من طرف **ONK** 04/09/09, 08:05 am

طلع سافين
وعالاغلب حيعلن اعتزالو بغضون شهرين بعد بطولة بفرنسا ..

من طرف **THE FRIEND** 04/09/09, 08:15 am

ONK كتب:طلع سافين
وعالاغلب حيعلن اعتزالو بغضون شهرين بعد بطولة بفرنسا ..

إي رح يعلن اعتزالو بنهاية الموسم
شو وين أخبار منافسات السيدات على فكرة في كتير مفاجآت حصلت ...

من طرف **ONK** 04/09/09, 08:42 am

اي
تأهلت سافينا وطلعت دمنتيفا ..

من طرف **THE FRIEND** 04/09/09, 08:47 am

وكمان طلعت الصربية المصنفة 11 والمصنفة الخامسة عالمياً

من طرف **ONK** 04/09/09, 08:59 am

شو كان اسما ؟؟

من طرف **THE FRIEND** 04/09/09, 09:01 am

الصربية آنا ايفانوفيتش والمصنفة الخامسة يانكو فيتش كمان صربية....

من طرف **ONK** 04/09/09, 10:27 am

الصربية إيفانوفيتش تعتزل التنس !
3/9/2009

أعلنت المصنفة الأولى عالمياً " سابقاً " الصربية آنا إيفانوفيتش إعتزالها لرياضة التنس بشكل مؤقت ، بعد خسارتها وللمرة الأولى من الدور الأولى لإحدى بطولات الغراند سلام الأربع الكبرى .

الاعبة الصربية البالغة من العمر" 21 " عاماً قررت إعتزال التنس بشكل مؤقت بعد تدني نتائجها بشكل ملحوظ في الفترة الأخيرة ، وكانت إيفانوفيتش قد أعلنت إعتزالها في المؤتمر الصحفي الذي عقدته عقب خسارتها في الدور الأول من بطولة أمريكا المفتوحة من الأوكرانية كاترينا بوندارينكو " المصنفة رقم 52 عمالياً " يوم أمس الأربعاء .

وقالت إيفانوفيتش : " أشعر بخيبة أمل كبيرة من نتائجي ، ولم أكن أتصور بأني سألعب بهذه الطريقة السيئة كثيراً ، سأعتزل التنس وأبتعد عن أجوائه ولو بشكل مؤقت "

من طرف **ONK** 04/09/09, 10:32 am

أخبار 3/9/2009
من مراسلنا المتابع لبطولة الفلاشينغ ميدوز (أمريكا المفتوحة)

قدمت الروسية دينارا سافينا المصنفة الأولى على العالم أداء باهتا مرة أخرى قبل أن تحرز فوزا صعبا اليوم الخميس في الدور الثاني لبطولة أمريكا المفتوحة للتنس (فلاشينج ميدوز) البالغ مجموع جوائزها 6ر21 مليون دولار فيما فجرت الأمريكية ميلاني اودين مفاجأة من العيار الثقيل واطاحت بالروسية ايلينا ديمنتيفا المصنفة الرابعة 5/7 و6/4 و6/3 .

وتأثرت سافينا بالشكوك الدائرة حول أحقيتها في صدارة التصنيف العالمي للاعبات التنس المحترفات دون أن تحقق أي لقب في بطولات الجراند سلام الأربع الكبرى.

وتغلبت سافينا على الألمانية كريستينا بارويس 6/7 (5/7) و6/2 و6/3 وارتكبت 15 خطأ مزدوجا و38 خطا غير مباشر في المجموعة الثانية.

وذهبت المباراة التي استمرت ساعتين و45 دقيقة في مصلحة اللاعبة الروسية بعد ارتكاب منافستها الألمانية 43 خطأ غير مباشر.

وكانت ديمنتيفا وصيفة البطولة عام 2004 ، من أبرز المرشحات للفوز بالبطولة استنادا إلى الإصابة في الركبة التي تعاني منها الأمريكية فينوس ويليامز المصنفة الثالثة على العالم وفقدان سافيناالثقة بنفسها بعد هزيمتها في نهائي الجراند سلام ثلاث مرات في أخر موسمين.

ولكن ديمنتيفا فشلت في اجتياز المباراة أمام اودين المصنفة 70 على العالم لتواصل اللاعبة الأمريكية مفاجأتها بعد تأهلها إلى الدور الرابع لبطولة ويمبلدون قبل أسابيع قليلة. وقالت ديمنتيفا "بالطبع أنها نتيجة مخيبة للآمال ، كنت أتمنى حقا أن ألعب بشكل جيد هنا ، مباراة اليوم لم تكن ممتعة ، ربما لعبت عدد كبير من المباريات هذا الصيف".

وأضافت "لقد لعبت بشكل رائع حقا ، كانت إيجابية للغاية وتتحرك في اتجاه التسديدات ، كانت مباراة صلبة للغاية من ناحيتها".

وقالت اودين /17 عاما/ أنها برغم الألام التي تعرضت لها في السابق نجحت في توجيه جميع الأمور لمصلحتها لتحسم النقطة الفاصلة للمباراة التي امتدت لساعتين و45 دقيقة.

وأضافت اودين "أعتقدت أن النقطة الفاصلة في هذه المباراة ربما تكون فرصتي الأخيرة ، لذا لعبت إرسالا قويا للغاية ، كانت الجماهير كلها تهتف بأسمي ، الكثير من التشجيع ، كنت أعاني بعض الشيء من ألام الساق ، الأمور كلها كانت رائعة ، لا يمكنني تصديق أنني حققت الفوز".

وتأهلت الروسية ناديا بيتروفا المصنفة 13 إلى الدور الثالث بفوزها على الفرنسية جولي كوين 6/4 و7/6 (7/3) فيما تغلبت الرومانية الصاعدة سورانا سيرستيا على الكندية ستيفاني دوبويس 6/4 و5/7 و6/7 .

وفازت الأرجنتينية جيسيلا دولكو على الأوكرانية الونا بوندارينكو 6/4 و6/صفر .

وتغلبت الدنماركية كارولينا فوزنياكي المصنفة التاسعة على الكرواتية بيترا ماتريتش 6/1 و6/صفر.

وفازت الأوكرانية كاترينا بوندارينكو على الأمريكية شيناي بيري 6/1 و6/1 .

من طرف **THE FRIEND** 04/09/09, 10:42 am

الصربية إيفانوفيتش تعتزل التنس !
3/9/2009
غريب بس بتوقع إنو يكون اعتزال مؤقت :www:

من مراسلنا المتابع لبطولة الفلاشينغ ميدوز (أمريكا المفتوحة
شو هالتغيطية القوية بعد الآنتظار عنجد الله يعطي العافية لهالمراسل ...

من طرف **ONK** 04/09/09, 10:54 am

الصربية إيفانوفيتش تعتزل التنس !
3/9/2009
غريب بس بتوقع إنو يكون اعتزال مؤقت :www:

ان شاء الله يكون موقت .. ما بدنا نفقد نحنا الشباب هيك وجه بريء وملائكي بعالم التنس ..

من مراسلنا المتابع لبطولة الفلاشينغ ميدوز (أمريكا المفتوحة
شو هالتغيطية القوية بعد الآنتظار عنجد الله يعطي العافية لهالمراسل ...

هالمراسل مانا مطولة معو .. طولي بالك شوي ..
عالاغلب ناوي يقدم استقالتو ..
قال حاسس في شي غريب بامريكا .. مو مرتاح .. حاسس في اننننننا بالموضوع ..
وحاسس انو النفسية تعبانة ..
عاد من هون ليومين .. ما بعرف شو بيطرئ بعقلو ..

بعدين يعني اذا اخبار الدور التالت والصبايا المتأهلين اليوم بتجهز ..و اليوم بتخلص اللعب ..
منين بدي جبلك اخبار ..
الا اذا بتحبي اتوقعلك النتائج واللاعبات المتاهلات :|

من طرف **THE FRIEND** 04/09/09, 11:33 am

هون ما بنقبل استقالات ...والنفسية التعبانة لازم نلاقيلها حل مقبول وبيرضي كل الأطراف
وأغرب شي بأمركا إنو المعلق مانو عادل الشطي أو محمد الحياني
وخلص مافي داعي لأخبار الدور التالت منستنى النصف نهائي وطمنا عليك بعد يومين ...

من طرف **ONK** 04/09/09, 11:44 am

THE FRIEND كتب:هون ما بنقبل استقالات ...والنفسية التعبانة لازم نلاقيلها حل مقبول وبيرضي كل الأطراف
وأغرب شي بأمركا إنو المعلق مانو عادل الشطي أو محمد الحياني
وخلص مافي داعي لأخبار الدور التالت منستنى النصف نهائي وطمنا عليك بعد يومين ...

لك ما أنا ....!!!؟؟؟

هاد المراسل بنيويورك

وجكارة ببعض عالم يوميا بدي نزل أخبار .. :afro:

من طرف **THE FRIEND** 04/09/09, 11:57 am

إييييه الحمد لله طمنتي ...وإذا المراسل بييويورك هيك عم بصير معو فأكيد الحل إنو يستقيل ويجي لعنا ...

من طرف **ONK** 04/09/09, 12:08 pm

THE FRIEND كتب:إييييه الحمد لله طمنتي ...وإذا المراسل بييويورك هيك عم بصير معو فأكيد الحل إنو يستقيل ويجي لعنا ...

بالله شو ..!!
لوين بدو يجي ..!!؟؟
لعندك .. ولا لعند باد .. ولا اوزون ..

اي بتهججو .. وبتخلو يترحم على ايام نيويورك

:www:

من طرف **TaBoUsH** 04/09/09, 08:51 pm

ONK كتب:
THE FRIEND كتب:إييييه الحمد لله طمنتي ...وإذا المراسل بييويورك هيك عم بصير معو فأكيد الحل إنو يستقيل ويجي لعنا ...

بالله شو ..!!
لوين بدو يجي ..!!؟؟
لعندك .. ولا لعند باد .. ولا اوزون ..

اي بتهججو .. وبتخلو يترحم على ايام نيويورك

:www:

او لعندي مثلا ..

بلغو مني السلام وئلك ابو عصير بحبك ..

من طرف **ONK** 06/09/09, 04:23 am

TaBoUsH كتب:
ONK كتب:
THE FRIEND كتب:إييييه الحمد لله طمنتي ...وإذا المراسل بييويورك هيك عم بصير معو فأكيد الحل إنو يستقيل ويجي لعنا ...

بالله شو ..!!
لوين بدو يجي ..!!؟؟
لعندك .. ولا لعند باد .. ولا اوزون ..

اي بتهججو .. وبتخلو يترحم على ايام نيويورك

:www:

او لعندي مثلا ..

بلغو مني السلام وئلك ابو عصير بحبك ..

العمش .. كيف نسيتك ..
لعندك قلتلي ..

ساعتا بفضل غوانتنامو ..

من طرف **THE FRIEND** 06/09/09, 09:40 am

طبووش كيفك مع التنس :?:
أهم المتأهلين للدور الرابع من البطولة اليوم كانو : فديرير بعد تغلبه على هويت - جوكو بعد تغلبه على ويتن- فرداسكو بعد تغله على هاس - المصنف 15 التشيكي ستيبانيك - المصنف ال8 دافيدنكو - المصنف 12 السويدي سودلرنغ ...وكان أهم المودعين المصنف 5 البريطاني آندي رودك .

من طرف **ONK** 07/09/09, 04:04 am

يانكوفيتش تودع منافسات أمريكا المفتوحة بسبب وفاة جدتها

غابت الابتسامة المعهودة عن وجه لاعبة التنس الصربية يلينا يانكوفيتش مساء أمس الخميس حيث خسرت المصنفة الخامسة بالبطولة مباراتها بالدور الثاني بعد علمها بوفاة جدتها في صربيا.

وقالت يانكوفيتش عقب هزيمتها من الكازاخستانية ياروسلافا شفيدوفا 3/6 و7/6 (7/4) و6/7 (4/7) : "لم أكن متواجدة حقا على أرض الملعب لأن جدتي توفيت".

وأضافت : "كنت مقربة للغاية منها ، لقد حاولت حقا وبذلت قصارى جهدي لكي أتواجد بالمباراة وحاولت أن ألعب ولكن الأمر كان شاقا جدا. كان بوسعكم أن تروا أنني لست سعيدة في الملعب لأنني كنت أعاني حقا. كنت أحاول أن أركز على اللعب ولكنني كنت أشعر بأنني دائما متأخرة وبطيئة للغاية ، لم يكن حتى بإمكاني أن أرى الكرة".

وأوضحت يانكوفيتش أن والدتها ، التي تعافت مؤخرا من آثار عملية جراحية أجريت لها ، عادت إلى صربيا أمس الأول الأربعاء.

وقالت اللاعبة الصربية معلقة على هزيمتها : "يوجد في الحياة أمور أكثر أهمية من التنس ، إنه مجرد حدث بسيط مقارنة بوفاة شخص ما في أسرتك".

وأضافت يانكوفيتش أنها ستعود إلى بلجراد اليوم الجمعة.

مراسلكم من نيويورك

أخبار رياضة التنس

أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس

رد: أخبار رياضة التنس