أخبار رياضة التنس

تذكير بمساهمة فاتح الموضوع :

شو يا شباب مافي بالرياضة بس كرة قدم خلص أنا رح صير نزل أخبار بطولات التنس لأنا عجد لعبة كتير حلوة..... :!:

رح بلش مع بطولة مونتريال بكندا يلي اختتمت اليوم وحقق القب البريطاني آندي موري بعد فوز صعب على الأرجنتيني خوان مارتن ديلبوترو بمجموعتين لمجموعة وحدة 7/6-6/7-6/1- فكانت المجموعة الأولى للأرجنتيني وعنجد كان لعبو رائع بس بآخر المجموعة التانية انصاب بشد عضلي وقدر البريطاني إنو ينهي المجموعة التالتة بسرعة ويحصل على اللقب ليتقدم للمركز التاني بالتصنيف العالمي لتنس محل الإسباني نادال أما دلبيوترو فبنتيجة هل مباراة رح يرجع لتصنيفه الخامس عالمياً محل آندي رودك..... :arrow:

مشكور عبيدة....لك شو هالفيديرير....كيف خسر؟؟؟؟

يللا مبروك لديلبوترو

فيدرر بضل الاول في عالم التنس وما خسارته الا كبوت حصان

أكيد مبروك لدلبوترو وبيستاهل الفوز ....
أونك مشكور كتير على الصور وعلى تغطية الخبر ...
أمير انشاله تكون شفت المباراة وعجبتك...
الماسترو نورت بمرورك... وأكيد الماسترو فديرير هو نجم بس أحلى شي بالتنس هو مفاجئاتها ...

الموضوع فكرتو كتير حلوة
البطولة الجاية إن شاء الله لنادال

والله نادال متراجع
لياقتو كتير متراجعة
الله يستر ما يصير رابع

نالان أهلاً وسهلاً ...دائماً لما يكون في بطولات نورينا
أوزون لحسن حظو لنادال إنو خروج الإنكليزي موري من الدور الربع النهائي جعله يعود إلى المركز الثاني بس متأخر عن فديرير بأكتر من 2000 نقطة ...

ozon نادال معذور لإنو عندو إصابة
the friend و الله مو ضوعك منور المنتدى و إن شاء الله رح تشوفيني عطول هون
و بالنسبة لمركز نادال بس ينشفى من الإصابة إن شاء الله رح يرجع أول

يمكن يرجع
بس رح يطول شوي
بدو وقت ليرجع لياقتو

المهم رح يرجع

شارابوفا تواصل تقدمها نحو "عرش" التنس.. وسافين يعتزل

2009-10-01




دبي، الإمارات العربية المتحدة (CNN)-

واصلت لاعبة كرة المضرب الروسية ماريا شارابوفا تقدمها لاستعادة "عرش" التنس، حيث تمكنت من التأهل للدور ربع النهائي لبطولة "بان باسيفيك" الدولية المفتوحة المقامة بالعاصمة اليابانية طوكيو، التي يبلغ مجموع جوائزها مليوني دولار.
وتمكنت شارابوفا، التي ابتعدت عن الصدارة بسبب إصابة في كتفها أبعدتها عن الملاعب لنحو تسعة شهور، من التغلب على مواطنتها أليسا كليبانوفا، بمجموعتين لواحدة، حيث خسرت الأولى بنتيجة 6-2، قبل أن تفوز بمجموعتين متتاليتين بنفس النتيجة.
وجاء تأهل شارابوفا لدور الثمانية للمرة الرابعة، ليزيد من فرصتها في الفوز بلقب البطولة، خاصة في ظل خروج العديد من نجمات اللعبة من الدورين الثاني والثالث للبطولة، ومنهم المصنفة الأولى الروسية دينارا سافينا، والثالثة الأمريكية فينوس ويليامز، والرابعة الروسية إيلينا ديمنتييفا، والخامسة الروسية سفتلانا كوزينتسوفا، والسابعة الروسية فيرا زفوناريفا.

ولكن قد تواجه شارابوفا، التي أصبحت الروسية الوحيدة في دور الثمانية، عقبة في حالة مواجهة المصنفة السادسة، الصربية إيلينا يانكوفيتش، التي تأهلت للدور نفسه، بعد انسحاب الروسية إيلينا فينسينا، إثر خسارتها المجموعة الأولى بنتيجة 6-1، وتقدمت اللاعبة الصربية عليها بثلاثة أشواط نظيفة في المجموعة الثانية.
كما تأهلت للدور ربع النهائي الصينية نا لي، على حساب الأوكرانية كاترينا بوندارينكو بمجموعتين لواحدة، بينما فازت السلوفاكية ماغدلينا رايبركوفا على الكندية إلكسندرا وزينياك بالنتيجة نفسها، كما تغلبت البولندية أنيسكا رادفانيسكا على الألمانية أندريا بيتكوفيتش.
وأنهت التشيكية إيفيتا بينسوفا مغامرة التايوانية كاي تشين تشانغ، التي حققت كبرى مفاجآت البطولة الضمن مباريات الدور الثاني الاثنين، عندما أطاحت بالمصنفة الأولى سافينا بمجموعتين مقابل واحدة، كما تأهلت الفرنسية ماريون بارتولي للدور ربع النهائي، بعد فوزها على الروسية أناستاسيا بافليشينكوف، التي أطاحت بالأمريكية فينوس ويليامز.

من جانب آخر، أعلن لاعب التنس الروسي مارات سافين، الذي لقبته الصحافة الروسية بـ"العملاق"، أنه سيعتزل التنس في أواخر هذا العام، مؤكداً أنه راض عن الإنجازات التي حققها في مسيرته الرياضية.

وقال سافين في نصريحات نقلتها وكالة "نوفوستي" الروسية للأنباء، بعد فوزه على الألماني فيليب بتشنر في دورة بانكوك، إنه حقق ما كان يصبو إليه، مشيراً إلى أنه يرغب بممارسة شيء آخر غير التنس.
يذكر أن سافين حقق ألقاب 15 دورة للتنس في منافسات الفردي، وفاز في بطولتين من بطولات الجائزة الكبرى "غراند سلام"، في بطولة الولايات المتحدة المفتوحة للتنس عام 2000، وبطولة أستراليا عام 2005، كما تصدر تنصيف الاتحاد الدولي للاعبي التنس المحترفين لمدة 9 أسابيع في عامي 2000


cnn

بالتوفيق للروسية شارابوفا وكل يلي تأهلو للربع النهائي...
وكمان بالتوفيق للروسي مارات سافين بكل شي رح يعملو بعد التنس ...
مشكور على الأخبار ..أونك

بطولة بكين ضمن سلسلة بطولات ال500 نقطة : في الدور الربع نهائي تغلب الصربي جوكو على الإسباني فرداسكو ... كما تأهل للدور النصف النهائي السويدي سودلرينغ والكرواتي سيلتش وآخر المتأهلين كان الإسباني نادال بعد فوزه على الروسي مارات سافين بمجموعتين نظيفتين وكانت المبارلة كتير حلوة ومارات قدمت لعب حلو خصوصاً على الشبكة كان مميز وعم يقدر يغطي كل الملعب بس الفوز كان حليف نادال يلي بلش يرجع لمستواه المعهود...
أما منافساة النصف نهائي فكانت :
جوكو * سودلرينغ ....جوكو
نادال * سيليتش ....سيليتش
النهائي : جوكو * سيليتش.....

مبروك لجوكو بطولة بكين و500 نقطة ليتقدم لتصنيف التالت عالمياً....
اليوم بداية بطولة شنغاهاي للماسترز 1000نفطة...

THE FRIEND كتب:بطولة بكين ضمن سلسلة بطولات ال500 نقطة : في الدور الربع نهائي تغلب الصربي جوكو على الإسباني فرداسكو ... كما تأهل للدور النصف النهائي السويدي سودلرينغ والكرواتي سيلتش وآخر المتأهلين كان الإسباني نادال بعد فوزه على الروسي مارات سافين بمجموعتين نظيفتين وكانت المبارلة كتير حلوة ومارات قدمت لعب حلو خصوصاً على الشبكة كان مميز وعم يقدر يغطي كل الملعب بس الفوز كان حليف نادال يلي بلش يرجع لمستواه المعهود...
أما منافساة النصف نهائي فكانت :
جوكو * سودلرينغ ....جوكو
نادال * سيليتش ....سيليتش
النهائي : جوكو * سيليتش.....

الله يصلحك .. لو حكيتي .. كنا تابعنا ربع النهائي ..
وبعتقد .. وصول مارات لهالدور .. وخاصة بعد اعلانه قرب الاعتزال .. انجاز بحد ذاتو ..
سودرلينغ .. اسم عم يتكررر بالنهائيات بشكل ملحوظ ..

وحسب وجهة نظري .. بالتوفيق للاعبين الجدد والصغار ..

شكرا فريند ..

أونك أهلاً وسهلاً والله ما لقيت غير المباراة مبلشة ونادال وسافين عم يلعبو بس جد سافين كان لعبو كتير حلو ...وأكيد سودلريتغ لاعب عم يبين بشكل كتير قوي هالموسم....

نادال بلش يرجع لمستواه

وعم يستعيد اللياقة شوي شوي

وعم يقدم مستويات كبيرة

طيب ولا يهك فريند ..
اذا في شي بطولة جديدة مشارك فيا سافين ..
ياريت تبقي تخبريني فيا ..

واوزون .. شكلك من فانس نادل .. فعلا لاعب اكتسب خبرتو بفترة قياسية ..
ويستحق الاحترام على الملاعب الترابية بالاخص ..

بس مبارح خسر
مع الروسي نيكولاي دافيدينكو
2-0 بالمباراة النهائية لبطولة شنغهاي

يعني جد كنت بتمنى نادال ياخد البطولة ما بعرف شو عم يصير معو ...
بس يلا مبروك لدافيدنكو بيستاهل خسر جوكو بالنصف نهائي ونادال بالنهائي والله انجاز ...ومبروك عليه 1000 نقطة...

أيمت بطولة باريس
يلي بأذن الله فيدرر راح ياخدها
يا ريت حد يخبرنا

هلا كتير عم تحكوا على نادال
وكأن محد بيعرف أنو المايسترو فيدرر
هو رقم واحد بلعبة التنس وبدو كتير نادال ليصير بمستواه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

المايسترو كتب:هلا كتير عم تحكوا على نادال
وكأن محد بيعرف أنو المايسترو فيدرر
هو رقم واحد بلعبة التنس وبدو كتير نادال ليصير بمستواه

بطولة فرنسا اذا قصدت فيا الرولان جاروس ..
مطولة .. ووقتها المحتمل .. يكون بنص العام .. حزيران أو آب ..

أما بالنسبة للاعب رقم واحد بالعالم ..
فبقلك كلمة .. انتي من محبي فيدرير .. وفي عالم من محبي نادال وعالم جوكو .. وعالم سافين ..
وكل شخص يرى بلاعبه اللاعب رقم واحد ..

المايسترو أهلاً وسهلاً بعتقد قصدك بطولة باريس للماسترز 1000 نقطة بس ما بعرف إيمت بتبدا ... أما بالنسبة لفيديرر فأكيد هو الماسترو بعالم التنس وما بدو شهادة حدا ...
حالياً منافسات بطولة الدوحة للسيدات ضمن مجموعتين ورح نوصل للنصف نهائي وأهم خبر انسحاب دينارا سافينا بسبب الإصابة ... وتأهل فينوس للنصف النهائي ...

خبر خاص بسافين لأونك ....سان بطرسبرج (روسيا) (رويترز) - تأهل الروسي مارات سافين الى الدور قبل النهائي ببطولة سان بطرسبرج المفتوحة للتنس للرجال يوم الجمعة.
أونك بس على الأغلب ما عم تنتقل هي البطولة على التلفزيون بس بالتوفيق لسافين وإنشاله بحقق البطولة.

سافين يلعب السبت ضد سيرجي ستاخوفسكي من اوكرانيا
واذا تأهل للنهائي بقلكم اسم الطرف التاني ..

بالتوفيق لسافين بحصد الـ 250

وشكرا فريند ..